Toma 8:3 - Naaŋmen Nɔpaalaa Gane

³ Kyɛ Sɔɔl da iri la o nimiri eŋ a puoruu laŋne deme. O da maŋ kpɛ la yiri ŋa poɔ a yi te kpɛ yiri ŋa poɔ a nyɔgrɔ dɔbɔ ane pɔgeba vuuro a te eŋ nempagdie poɔ.

Toma 8:3 ပူးပေါင်းရင်းမြစ်များ

Toma 16:19

Kyɛ a o demee naŋ da wa nyɛ ka ba koŋ la baŋ nyɛrɛ a libie ba naŋ da nyɛrɛ, ba da nyɔge la a Pɔɔl ane Selase, a tage ba gaa ne a daa poɔ a nembɛrɛ zie.

Toma 22:19

Ka N yeli, ‘Daana, bamenne baŋ ka a puoruudie zaa poɔ N da maŋ nyɔge la banaŋ naŋ sage de fo yɛlɛ a ŋmɛ kyɛ de ba eŋ nempagdie poɔ.

Toma 7:58

Lɛ la ka ba da tage o yi ne a teŋkpoŋ poɔ a te piili zaara o ane kubo; ka a dansediribe da yage ba kparre biŋ pɔlbile kaŋ yuori naŋ da di Sɔɔl puliŋ.

Toma 8:2

A puoruu nimizeɛ noba mine da ũũ la a Stefanuu kyɛ da koŋ o yaga zaa.

Toma 9:21

Banaŋ zaa naŋ da woŋ a yɛlɛ o naŋ yeli nɔɛ da maaɛ la, ka ba da yeli, “A dɔɔ ŋa naane da ba bara a banaŋ zaa naŋ da boɔlɔ a yuori ŋa a Gyɛruzɛlɛm poɔ be? A yɛlɛ ŋa naane so ka o wa a kyɛ ka o wa nyɔge ba leŋ gaa ne a Naaŋmen bagmaalkare zie be?”

1 Kor 15:9

Bonso, maa la a apostoliimine zaa poɔ bile soba, ka a da ba seŋ ka ba boɔlɔ ma apostolii, N naŋ da dɔgre a puoruu laŋne zuiŋ.

Galesiya 1:13

A ba e bonnoo ka yɛ da woŋ la lɛ n nyɔvore naŋ da waa a Gyuumine puoruu laŋne deme poɔ, lɛ N naŋ da dɔgrɔ a Naaŋmen puoruu laŋne deme faa zaa, a da moɔrɔ ka N sãã o bare.

Filipai Deme Gane 3:6

a da kyerɛ ka N dɔgre a puoruu laŋne noba; a kyaare ne mennoŋ yɛlɛ, N da waa la neɛ naŋ ba taa saanaa zaa a bege puliŋ.

1 Tim 1:13

aneazaa ka N daŋ e la neɛ naŋ maŋ toorɔ Naaŋmen zoma, a da dɔgrɔ noba kyɛ da waa zɔɔboɔrɔ. Kyɛ N da nyɛ la nembaalonzoe, bonso, N da erɛ la a lɛ babammo poɔ, N naŋ da ba taa yeldeebo zuiŋ.

Gyimisi 2:6

Kyɛ yɛ ba ko a nandaanema gyeremɛ. A bondaanema naane maŋ dɔgrɔ yɛ be? Bana naane maŋ tagra yɛ gɛrɛ ne a sɛrɛɛdiibu zie be?