Toma 7:8 - Naaŋmen Nɔpaalaa Gane

⁸ Lɛ la ka O da eŋ noɔre ne a Aboraham; a nɔ-eŋnaa da la a dɛgre iruu. A lɛ la ka Aboraham da dɔge Aziki a da iri o dɛgre a beri anii daare, ka Aziki dɔge Gyekɔb, ka Gyekɔb meŋ dɔge a sããkommine pie ne bayi.”

Toma 7:8 ပူးပေါင်းရင်းမြစ်များ

Matio Gane 1:2

Aboraham dɔge la Aziki, ka Aziki dɔge Gyekɔb, ka Gyekɔb dɔge Gyuda ane o yɔɔmine.

Gyɔɔn 7:22

Moozul la da ko yɛ a bidɔbɔ dɛgre iruu noɔre (Moozul gba zie naane ka a da piili, kyɛ a yɛ sããkommine zie la ka a da piili), ka yɛ pãã maŋ iri a dɔɔ dɛgre a pɛnnoo bebiri daare.

Toma 2:29

N taaba Izerayɛl noba, N na baŋ ŋmɛ la nyaa a yeli ko yɛ ka a te sããkoma Davil da kpie la ka ba ũũ o, ka a o yaa naŋ be te zie a wa tɔ zenɛ.

Urom 4:10

Wola pãã la ka ba da ko o a mennoŋ? O da nyɛ la a mennoŋ kyɛ pãã iri a o dɛgre, bee a o dɛgre iruu puoriŋ la ka o da nyɛ a mennoŋ? A da ba e ka o naŋ da wa iri a o dɛgre puoriŋ la, kyɛ o naŋ da naŋ ba iri a o dɛgre saŋ la ka o da nyɛ a mennoŋ.

Galesiya 3:15

N yɔɔmine ane n yɔɔpuuli, N de la yɛlɛ naŋ erɛ bebiri zaa nyɔvore poɔ ka a e mannoo: neɛzaa ba taa sori ka o de yeli poɔ bee a iri yeli bare a yi neɛ naŋ sɛge o poboɔbo kyaane ne o kũũ puori yɛlɛ biŋ kyɛ kpi.

Galesiya 3:17

A n yeluu ŋa tɛgɛ la: a bege naŋ da wa yuomo kɔɔraanaare ane lezare ne pie puoriŋ ba sãã a Naaŋmen nɔ-eŋnaa O naŋ da eŋ saŋ zaa bare, ka a lɛ vɛŋ ka a nɔ-eŋnaa waa weɛlɛ.

Hiburu 7:4

Nyɛ o naŋ waa kpoŋ seŋ lɛ! Haali Aboraham, a Sããkomkpoŋ da ko o la a boma o naŋ da zɔɔ a ŋma, a poŋ ziiri pie poɔ ziyeni.