Toma 5:2 - Naaŋmen Nɔpaalaa Gane

² a da laŋ noɔre a ŋmaa a libie mine biŋ kyɛ taa a kyɛlɛɛ wa eŋ a apostoliimine nuuriŋ.

Toma 5:2 ပူးပေါင်းရင်းမြစ်များ

Matio Gane 23:5

Ba maŋ erɛ la ba yɛlɛ zaa ka ka noba na nyɛ; bonso, ba maŋ e la ka a Naaŋmen sɛgebie ba naŋ leŋ ba gberi e bɛrɛ, kyɛ ka ba kparre nɔzoɔrɔ waa wogri.

Gyɔɔn 12:6

(A ba e ŋa o naŋ da taa a nembaalba yɛlɛ la so ka o da yeli a ŋaa, kyɛ o naŋ da waa nannyige la so. Ona la da maŋ taa a ba libie woɔ, a da maŋ zuuro a libie mine.)

Toma 2:44

Kyɛ banaŋ zaa naŋ da de a Yeezu yɛlɛ da laŋ la taa, a laŋ boma.

Toma 4:37

O da koɔre la o weɛ a da taa a libie a wa eŋ a apostoliimine nuuriŋ.

Toma 5:1

Dɔɔ kaŋ yuori naŋ da di Ananeɛ ne o pɔge Safiira, da koɔre la ba weɛ;

Toma 5:3

Ka a Piita da soore o, “Ananeɛ, bonso ka Setaana bɛlle fo ka fo ŋma zirii ko a Vooroŋ Soŋ ne fo naŋ ŋmaa a zie fo naŋ koɔre libie mine biŋ?

Toma 5:8

Ka Piita da soore o, “Yeli ko ma, a ŋaa la ka fo ne a fo serɛ koɔre a zie be?” Ka o yeli sɔge, “Õõ, a lɛ la ka te da koɔre.”

Filipai Deme Gane 2:3

Yɛ ta e yelzaa yɛmenne bombɔ-faare bee pɔloo zuiŋ, kyɛ meŋɛ sigruu poɔ, yɛ maŋ kaa yɛ taaba ka ba seɛ yɛmenne.

1 Tim 6:10

Bonso, libie nɔmmo la faaloŋ boorɔ zaa yiibu zie, kyɛ a ba kyeroo ba naŋ kyerɛ ka ba leɛ bondaanema zuiŋ, ba mine bɔrɛɛ la yi a yeldeebo poɔ a de bamenne eŋ dɔgɛɛ yaga poɔ.