Lɛ la ka o da leɛ pɔgekoɔre te ta yuomo lezaanaare ne anaare. O da ba yire a Naaŋmen die poɔ, kyɛ da maŋ leŋ noɔre, a puoro Naaŋmen ŋmenaa ane tensogɔ.
Ba naŋ da wa kaa-iri nembɛrɛ a puoruu laŋne yie zaa poore baare, ba pãã da leŋ la noɔre, a puori eŋ ba kyɛ de ba ko a Daana, a Onaŋ yɛlɛ ba naŋ da sage de.
Lɛ la ka a Ananeɛ da gaa te kpɛ a yiri poɔ a de o nuuri pare a Sɔɔl zu kyɛ yeli, “N yɔɔ Sɔɔl, a Daana Yeezu, a soba na naŋ da de O meŋɛ wuli fo, fo naŋ da waana a kyɛ; ona la toŋ ma fo zie ka ka fo na la leɛ nyɛrɛ kyɛ paale ne a Vooroŋ Soŋ.”
Ta wa bara a Naaŋmen kyɔɔtaa na fo naŋ da nyɛ yi a Ŋmen-yelmanna yelyelii zie ane a puoruu laŋne nembɛrɛ naŋ da de ba nuuri pare fo zu kyɛ puori ko fo.