Toma 1:2 - Naaŋmen Nɔpaalaa Gane

² O naŋ da tu a Vooroŋ Soŋ zie a kyɛ ko a apostoliimine, a banaŋ o naŋ da kaa-iri na noɔre a te ta a daare na ba naŋ da de O do ne tenvelaa.

Toma 1:2 ပူးပေါင်းရင်းမြစ်များ

Matio Gane 12:28

Kyɛ ka a naŋ wa e Naaŋmen Vooroŋ kpeɛ̃õ ka N digre ne a sefaare bara, ka lɛ yɛ baŋ ka Naaŋmen naaloŋ wa la yɛ zie.

Matio Gane 3:16

A Yeezu naŋ da wa de a suobu baare, a wa yire a koɔ̃ poɔ, daadaalɛ ka a saluoni yuo, ka O nyɛ a Naaŋmen Vooroŋ ka o sigre waana aŋa ŋmanee, a wa dɔɔ O zuŋ.

Marko Gane 6:30

Apostoliimine da wa laŋ la taa a Yeezu zie a manne ko O toma na zaa ba naŋ toŋ ane a kannoo ba naŋ kanne a noba.

Luka 24:51

O naŋ da naŋ maala ba, O da gyɛŋ yi la ba poɔ ka ba wa de O do ne tenvelaa

Luka 9:51

A bebie naŋ da wa te doŋnɔ ka ba de a Yeezu do saa, O da leɛ la O niŋe kyaare ne Gyɛruzɛlɛm gaabo.

Gyɔɔn 1:16

A O Naaŋmennoŋ poɔ la ka te zaa nyɛ garaaseɛ dɔgle dɔgle taa.

Gyɔɔn 13:1

A Ista tigri naŋ da wa tara, a Yeezu da baŋ ka a saŋ taɛ la ka O na yi a teŋɛzu kyɛ a leɛ gaa a Saa zie. O naŋ da nɔnɔ a O noba naŋ be a teŋɛzu, O da nɔŋ ba la te ta a baaraa.

Gyɔɔn 13:18

Yɛ zaa yɛlɛ naane ka N yele. N baŋ la a banaŋ N naŋ kaa-iri. Kyɛ a eɛɛ la ka a gansoŋ poɔ yɛlɛ na tu a tuubu, ‘A soba na naŋ di a N diibu la leɛ de o gbɛre teɛ ne ma.’

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 16:28

A Saa zie la ka N da yi wa a teŋɛzu, kyɛ N la yire la a teŋɛzu a leɛ gɛrɛ a Saa zie.”

Gyɔɔn 17:13

Kyɛ pampana N waana la fo zie. N yele la a yɛlɛ ama a teŋɛzu ka ka N kyelloo na paale ba zie.

Gyɔɔn 20:17

Ka a Yeezu da yeli ko o, “Ta nyɔge ma taa, bonso, N naŋ ba do a N Saa zie sɛre. Kyɛ gaa a N yɔɔmine zie, a te yeli ko ba, ‘N duoro la a N Saa ane a yɛ Saa, a N Naaŋmen ane a yɛ Naaŋmen zie.’ ”

Gyɔɔn 20:21

A Yeezu da laboreŋ yeli ko ba la, “Ka maaroŋ be yɛ zie. Aŋa lɛ N Saa naŋ da toŋ ma, lɛ la ka N meŋ tonɔ yɛ.”

Gyɔɔn 3:34

A soba na Naaŋmen naŋ toŋ, maŋ yelee Naaŋmen yelbie, bonso, Naaŋmen maŋ ko o la O Vooroŋ Soŋ ka a ba taa mannoo.

Gyɔɔn 6:62

Ka yɛnee pãã da nyɛ a Nensaala Bie ka O leɛ duoro a be O naŋ da be, wola ka yɛ na yeli?

Gyɔɔn 6:70

Ka Yeezu da yeli sɔge ba, “Maa naane kaa-iri a yɛ pie ne bayi be? Kyɛ a yɛ kaŋ waa la sebɛlbɛllɛ.”

Toma 1:11

Ba da yelee la, “Galili noba, bonso ka yɛ are a gbolɔ kaara sazu poɔ lɛ? A Yeezu ŋa ba naŋ de O yi a yɛ zie a do ne tenvelaa, na leɛ wa la a lɛ ne o zu yɛ naŋ nyɛ O ka O duoro a tenvelaa.”

Toma 1:13

A Piita ane Gyɔɔn ane Gyimisi ane Anduru, Filipi ane Tɔmaase, Batolomi ane Matio, Gyimisi, a Alfeo bidɔɔ ane Saamon, a Zelɔte ane Gyudase, a Gyimisi bidɔɔ naŋ da te kpɛ a teŋkpoŋ poɔ, ba da te do la a peɛzudie, a zie na ba naŋ da kpeɛrɛ.

Toma 1:22

a piili ne a Gyɔɔn suobu teroo, a te ta a daare na ba naŋ da de O yi ne a te zie do ne, a ferɛɛ la ka ba kaŋ laŋne te ka te waa a O kũũ leɛ-iruu dansediribe.”

Toma 1:9

O naŋ da wa yeli a yeli ŋa baare, ba da kaara O la ka ba da wa de O do ne, kyɛ ka zunzugri da wa pɔge O, ka ba ba la nyɛ O.

Toma 10:38

lɛnɛɛ Naaŋmen naŋ da paale a Yeezu, a Naazɛrɛ Bie, ne a Vooroŋ Soŋ ane kpeɛ̃õ; lɛnɛɛ o naŋ da yɔ tonɔ tonsonne kyɛ saŋna banaŋ zaa a sebɛlbɛllɛ naŋ da dɔgrɔ, bonso, Naaŋmen da be la O zie.

Galesiya 1:1

Maa Pɔɔl naŋ waa apostolii (ka a ba e ka nensaalba la ko ma a toma bee ko ma a kpeɛ̃õ, kyɛ a yi la a Yeezu Kirista ane a Saa Naaŋmen naŋ e ka a Yeezu Kirista leɛ-iri yi a kũũ poɔ zie),

EFESU 2:20

Ba mɛ yɛ la dɔgle a apostoliimine ane a Ŋmen-yelmanneba yiri pare na zu, ka a Kirista Yeezu meŋɛ e a yiri pare kuuri.

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

Hiburu 9:24

Bonso, a Kirista da ba kpɛ a zisoŋ zie ba naŋ de nensaalba nuuri maale ne ka o waa a tenvelaa bon-tɔgle-maalaa meŋɛ, kyɛ O da kpɛ la tenvelaa meŋɛ, a pãã na maŋ are a Naaŋmen niŋesogɔ te zuiŋ.

1 Pit 3:22

Ona la gaa tenvelaa, a te be Naaŋmen nuduluŋ seŋ, a dire naaloŋ a malekere, a tenvelaa neŋkpeɛne ane faŋ deme zu.

2 Pit 3:2

ka yɛ leɛ-teɛre a yelbie na a Ŋmen-yelmanneba naŋ da daŋ yeli a dakoroŋ saŋ ane a Daana, a Faara nɔɛ a yɛ apostolii mine naŋ da yeli ko yɛ.

Yel-iriwulaa Gane 1:1

A yɛlɛ Naaŋmen naŋ iri wuli a Yeezu Kirista ka O de wuli a O tontonema bon naŋ koŋ kɔɔre kyɛ wa e. O da toŋ la O maleke ka o te e ka a O tontonɔ Gyɔɔn baŋ a yɛlɛ ama.

Yel-iriwulaa Gane 2:11

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, a kũũ boyi soba kontoɔ̃ e o soba yelfaa zaa.”

Yel-iriwulaa Gane 2:17

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, N na ko o la a maana ba naŋ kontoɔ̃ nyɛ ne nimiri mine. N na ko o la kusi-pelaa ba naŋ sɛge yopaalaa neɛzaa naŋ ba baŋ eŋ, ka a soba na naŋ de o yoŋ naane.”

Yel-iriwulaa Gane 2:29

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie.”

Yel-iriwulaa Gane 2:7

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. N na ko la a soba na naŋ zɔɔtoɔ̃ sori ka o di a nyɔvore teɛ wɔmɔ naŋ be a Naaŋmen tenvelaa gaaden poɔ.”

Yel-iriwulaa Gane 21:14

A teŋɛ daŋkyini da taa la daŋkyinpare pie ne ayi ka ba da sɛge a Pilee apostolii pie ne bayi yoe eŋ a daŋkyinpare pie ne ayi eŋɛ.

Yel-iriwulaa Gane 3:13

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie.”

Yel-iriwulaa Gane 3:16

Fo naŋ waa bolɔbolɔ, a ba waa maaroŋ bee toloŋ zuiŋ, N boɔrɔ la ka N toore fo bare a N noɔre poɔ.

Yel-iriwulaa Gane 3:22

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie.”