TITU 3:3 - Naaŋmen Nɔpaalaa Gane

³ Bonso, temenne da waa la dambolo saŋ kaŋ naŋ tɔle, a ba sagra nɔɛ, a waa noba naŋ da bɔre, a waa vɔlfa-boorɔ zaa ane a eŋgane yelboɔre gbaŋgbaare, a da waa potuodeme, a erɛ nyuuri kyɛ kyiire taa.

TITU 3:3 ပူးပေါင်းရင်းမြစ်များ

Matio Gane 21:29

Ka a bie yeli ko o, ‘N koŋ gaa’; kyɛ a lɛ puoriŋ ka o leɛ o teɛroŋ a gaa a weɛ.

Luka 21:8

Ka O yeli, “Yɛ gu yɛmenne velaa ka ba ta wa bɛlle yɛ. Bonso, noba yaga na wa la N yuori eŋɛ, a wa yeli, ‘Maa la o!’ kyɛ la yeli, ‘A saŋ peɛlɛɛ la!’ Yɛ ta wa tuuro ba.”

Gyɔɔn 8:34

Ka a Yeezu da yeli sɔge ba, “Yelmeŋɛ zaa ka N yele korɔ yɛ, neɛzaa naŋ e yelbieri waa la a yelbieri gbaŋgbaa.

Urom 11:30

Aŋa lɛ yɛ naŋ da zagre Naaŋmen noɔre kyɛ ka pampana ka yɛ nyɛ a O nyonono a ba noɔre zagroo zuiŋ,

Urom 6:12

Azuiŋ, yɛ ta vɛŋ ka yelbieri di kpeɛ̃õ yɛ enne naŋ na baŋ kpi zu, a e ka yɛ tuuro a vɔlfaare.

Urom 6:17

Kyɛ Naaŋmen taa la bareka ne yɛ naŋ da waa yelbieri gbaŋgbaare, kyɛ ka yɛ leɛ sagra noɔre a yɛ sukyie poɔ, a sage de wuluu na zaa ba naŋ da de eŋ yɛ nuuriŋ,

Urom 6:22

Kyɛ pampana ŋa yɛ naŋ nyɛ faabo yi yelbieri poɔ, a leɛ Naaŋmen gbaŋgbaare, a tɔnɔ yɛ naŋ na nyɛ la pɛgeyiibu. A baaraa la nyɔvore naŋ ba taa baaraa.

Urom 6:6

Te baŋɛɛ la ka ba da kpa la a te eŋkoraa ne a Yeezu Kirista a dagaraa zu, ka ka a yelbieri eŋɛ na sãã, ka te na ta la waa yelbieri gbaŋgbaare.

Korinti 12:20

N zoro la dabeɛ̃ ka a saŋ N naŋ na wa ta, N na nyɛ yɛ la ka yɛ ba waa lɛ N naŋ boɔrɔ, ka yɛ meŋ nyɛ ma ka N ba waa lɛ yɛ naŋ boɔrɔ. N zoro la dabeɛ̃ ka kaapɔge, zɔɔre, nyuuri, suuri, meŋɛ nɔŋ gaŋ, yosãã, gagarre yɛlɛ, pɔloo ane dɔɔne na bebe la.

Galesiya 6:3

Bonso, ka a banaŋ naŋ ba waa bonzaa kyɛ teɛrɛ ka ba waa la bonkaŋ, bɛllɛ la bamenne.

KOLO 1:21

Kyɛ yɛnee naŋ da waa noba naŋ wɛle yi Naaŋmen eŋɛ, a waa O dɔndɔnne yɛ teɛroŋ poɔ, a erɛ yelfaare

KOLO 3:7

A yɛlɛ ama taaba la ka yɛ meŋ da erɛ, saŋ na yɛ naŋ da taa a nyɔvo-koraa na.

2 Tim 3:13

Kyɛ potuodeme ane zirŋmaareba naŋ na kyɛnɛ erɛ la yelfaare dɔglɔ dɔglɔ taa gɛrɛ, a bɛllɛ ba taaba ane bamenne.

2 Tim 3:6

A ba noba mine la a banaŋ naŋ maŋ kpɛ yie poore a te bɛlle nyɔge pɔgeba na naŋ ba kyele kyɛ tuo a ba yelbebe a zoro tuuro vɔlfaare boorɔ zaa.

TITU 1:16

Ba maŋ yeli ka ba baŋ la Naaŋmen kyɛ ka ba yel-erre wuli ka ba zagra la Naaŋmen. Ba waa la nendɛgɛ, a waa noba naŋ zagra noɔre, a ba seŋ ne tonvelaa zaa.

TITU 2:12

a wullo te ka te bare yelfaare ane vɔlfaare, kyɛ vɛŋ ka a te nyɔvoɛ te naŋ taa a zenɛ bebiri wuli ka te baŋ la temenne taabo, a e noba naŋ tori kyɛ taa Naaŋmennoŋ,

Gyimisi 1:26

Ka neɛzaa wa teɛre ka o waa la puoripuoro kyɛ ba baŋ o zele taabo, o bɛllɛ la o meŋɛ, ka a o puoruu ba taa tɛgɛ.

1 Pit 1:14

Aŋa bibiiri naŋ sagra noɔre, yɛ ta la tuuro a yɛ koroŋ yelboɔre na yɛ naŋ da taa a yɛ babammo saŋ.

Yel-iriwulaa Gane 12:9

Ba da de la a wa-beɛ naŋ waa kpoŋ lɔɔ bare ka o sigi a teŋɛzu, a dakoroŋ saŋ waabo na, ona la ka ba boɔlɔ Sebɛlbɛllɛ bee Setaana, a tendaa zaa bɛlbɛllɛ. Ba da lɔɔ o la bare ka o sigi wa a teŋɛzu, a lɔɔ a o malekere meŋ poɔ o eŋɛ.

Yel-iriwulaa Gane 13:14

Kyɛ a sori ba naŋ da ko o ka o are a dɛndɛŋ wɛdoŋɔ gbɛbogriŋ a erɛ a yelwulii da eɛɛ la ka o da bɛllɛ a noba naŋ be a teŋɛzu, a yele korɔ ba ka ba mɛ teebo ko a dɛndɛŋ wɛdoŋɔ ba naŋ da de zɔɔzɔɔ-soɔ pere ne kyɛ ka o naŋ voorɔ.

Yel-iriwulaa Gane 18:2

O da boɔle ne la kɔkɔkpeɛŋaa a yele: “Baabilɔŋ a teŋyuori lee la, o lee la! O leɛ la sefaare kpeɛbozie, a leɛ sefaare zaa sɔgloo zie, a leɛ nuuli faare zaa sɔgloo zie, a leɛ bonfaare ane wɛdonfaare sɔgloo zie.