TITU 3:2 - Naaŋmen Nɔpaalaa Gane

² kyɛ ta yele yelfaare korɔ neɛzaa, a bare zɔɔre, a taa nimibaaloŋ kyɛ korɔ noba zaa gyeremɛ.

TITU 3:2 ပူးပေါင်းရင်းမြစ်များ

Matio Gane 11:29

Yɛ de N gbogli yɛre, a zanne N waaloŋ; bonso, N waa la baaloŋ, a taa meŋɛ sigruu sukyiri, lɛ ka yɛ na nyɛ pɛnnoo a ko yɛ seere.

Toma 23:5

Ka a Pɔɔl da yeli, “N yɔɔmine, N da ba baŋ ka o waa la Naaŋmen bagmaalkare neŋkpoŋ, bonso, ba sɛgɛɛ la, ‘Ta wa yele yelfaa kyaara ne a noba wederɛ.’ ”

1 Kor 6:10

nannyigri, a bombɔ-gaŋne deme, a dããnyukuolibo, a zontooreba, a nannyig-kpeɛne; a bama kanzaa koŋ kpɛ a Naaŋmen naaloŋ.

1 Kor 9:19

Aneazaa ka N so la n meŋɛ, a taa gyeremɛ a noba zaa zie, N leɛ la gbaŋgbaa ko a noba zaa, ka ka N na toɔ̃ nyɛ noba yaga ka ba leɛ Kiristabiiri.

Korinti 10:1

Maa meŋɛ Pɔɔl sɔrɔ yɛ la ne a Kirista subaaloŋ ane O sumaaroŋ. Ba yeli ka ka maa wa are yɛ niŋesogɔ, N maŋ taa la Sigruumilluu, kyɛ waa gandaa ka maa wa yi yɛ zie!

Korinti 12:20

N zoro la dabeɛ̃ ka a saŋ N naŋ na wa ta, N na nyɛ yɛ la ka yɛ ba waa lɛ N naŋ boɔrɔ, ka yɛ meŋ nyɛ ma ka N ba waa lɛ yɛ naŋ boɔrɔ. N zoro la dabeɛ̃ ka kaapɔge, zɔɔre, nyuuri, suuri, meŋɛ nɔŋ gaŋ, yosãã, gagarre yɛlɛ, pɔloo ane dɔɔne na bebe la.

Galesiya 5:22

Ka teneŋ de manne taa, a Vooroŋ Soŋ wɔmɔ la, nɔmmo, popeɛloŋ, emmaaroŋ, kannyiri, nimimaaroŋ, nuyuobu, yelmennoŋ,

Galesiya 6:1

N bamine, ka ba naŋ wa nyɔge yɛ kanzaa yelfaa poɔ, yɛ banaŋ naŋ taa a Vooroŋ Soŋ, yɛ maale a neɛ ŋa tɔ ne sumaaroŋ ka o leɛ are. Kyɛ yɛ gu yɛmenne velaa ka yɛ tɔɔ wa kpɛ enyaabo poɔ.

Galesiya 6:10

A lɛ zuiŋ, saŋ na zaa te naŋ maŋ wa taa a vuo, yɛ vɛŋ ka te erɛ soŋ a korɔ noba zaa, a maaleŋ gaŋ a zaa, a erɛ soŋ korɔ te taaba naŋ e yelderebɛ.

EFESU 4:2

Yɛ taa Sigruumilluu ane sumaaroŋ ane kannyiri, a nyɔgrɔ yɛmenne, a taa taa yɛlɛ ne nɔmmo,

EFESU 4:31

Yɛ bare potuoloŋ boorɔ zaa, a bare sutoloŋ, suuri, gɔŋweere, yosãã ane kyiiritaa boorɔ zaa,

Filipai Deme Gane 4:5

Yɛ vɛŋ ka neɛzaa baŋ yɛ sumaaroŋ yɛlɛ. A Daana peɛlɛɛ la.

I Tesa 2:7

aneazaa ka te pɔɔ da bɔ la sommo yi yɛ zie te naŋ waa a Kirista apostoliimine zuiŋ. Kyɛ te da waa la baaloŋ yɛ poɔ aŋa bima naŋ kaara o meŋɛ bibiiri zu velaa zaa.

1 Tim 3:11

A pɔgeba meŋ seŋ ka ba taa nimizeɛ, a ta e yosaanema, kyɛ ba baŋ bamenne taabo, a taa yelmeŋɛ yelzaa poɔ.

1 Tim 3:3

A ba seŋ ka o waa dããnyukuolo bee a taa sutoloŋ kyɛ a seŋ ka o e neɛ naŋ taa sumaaroŋ, a ta e zɔɔŋmaara ane neɛ naŋ nɔŋ libie.

Gyimisi 3:17

Kyɛ yɛŋ naŋ yi Naaŋmen zie maŋ daŋ e la soŋ, a pãã terɛ maaroŋ, a e baaloŋ lɛ, a nare ka o sagra noɔre, a paale ne nembaalonzoe ane tonveɛle, ka nɔmboore bee bampuori-kombampoɔ yɛlɛ zaa ba kyebe.

Gyimisi 4:11

N yɔɔmine ane n yɔɔpuuli, yɛ ta yele yelfaare korɔ taa. Soba na zaa naŋ yeli yelfaa kyaare ne o tɔsoba bee a di o tɔsoba sɛrɛɛ, o soba yeli la yelfaa kyaare ne a bege kyɛ di a bege sɛrɛɛ. Kyɛ ka yɛnee wa di a bege sɛrɛɛ, yɛ ba waa noba naŋ tuuro a bege kyɛ yɛ dire la a bege sɛrɛɛ.

1 Pit 2:1

Azuiŋ, yɛ bare faaloŋ zaa ane zirŋma zaa, a bare nyaayɛlɛ, nyuuri ane yosãã yɛlɛ zaa.

1 Pit 3:10

Bonso: “Banaŋ naŋ boɔrɔ nyɔvore, a boɔrɔ ka ba nyɛ bebi-sonne, seŋ ka ba gu ba nɔɛ yi yelfaare yeluu poɔ kyɛ bare zirii ŋmaabo.

1 Pit 3:8

A baaraa zaa, yɛ zaa yɛ taa teɛroŋ yeni, a soŋnɔ banaŋ naŋ be tuo poɔ, a nɔnɔ taa, a taa nimibaaloŋ ne taa ane Sigruumilluu.

1 Pit 4:4

Ba nɔɛ maaɛ la ne yɛ naŋ ba la laŋna ne ba erɛ a yeldɛgɛ, ka a lɛ vɛŋ ka ba toorɔ yɛ zoma.

2 Pit 2:10

a gaŋ a zaa, banaŋ naŋ nɔŋ eŋgane vɔlfaare yɛlɛ kyɛ ba eŋnɛ nembɛrɛ. A ba zukuoŋ-yɛlɛ zuiŋ, ba da ba zoro dabeɛ̃ ka ba to noba naŋ taa gyeremɛ zoma,

Gyud 1:10

Kyɛ a noba bama eŋ maŋ sãã la bonzaa yuori ba naŋ ba baŋ o tɛgɛ, kyɛ ka a yɛlɛ ama maŋ sãã ba bare aŋa donne naŋ ba taa teɛrɛ, kyɛ maŋ baŋ yɛlɛ ne a zomɔ.

Gyud 1:8

Kyɛ a lɛ ne o zu la ka a zanzannema bama mɔgrɔ bamenne ne dɛgre, a zagra ba nembɛrɛ wuluu kyɛ saana a banaŋ naŋ taa gyeremɛ yoe.