TITU 2:8 - Naaŋmen Nɔpaalaa Gane

⁸ ka a fo yelyelii waa soŋ ka neɛzaa ta nyɛ fo yelfaa zaa yeli; a lɛ la ka banaŋ naŋ zɔɔrɔ ne te na di vi, ba naŋ koŋ nyɛ yelfaa zaa a na yeli kyaare ne te zuiŋ.

TITU 2:8 ပူးပေါင်းရင်းမြစ်များ

Marko Gane 12:17

Lɛ la ka a Yeezu yeli ko ba, “Yɛ de boma naŋ e Naa Siiza soobo a ko a Naa Siiza, kyɛ de boma naŋ e Naaŋmen soobo meŋ ko Naaŋmen.” Ka ba nɔɛ zaa da maa ne a O yɛlɛ.

Marko Gane 12:28

A Naaŋmen begɛ wulwullo kaŋ naŋ da wa are peɛle a woŋ ka ba ŋmeɛrɛ nɔkpeɛne ne taa, kyɛ nyɛ ka a Yeezu da yeli sɔge ba velaa lɛ, o da soore O la, “A Naaŋmen nɔɛ buo soba la a dɛndɛŋ soba?”

Marko Gane 12:32

Lɛ la ka a Naaŋmen begɛ wulwullo yeli ko O, “Fo yeli la yelmeŋɛ, Wulwullo; yelmeŋɛ la ka fo yeli ka ‘O waa la yeni, a yi O puoriŋ kanzaa ba la kyebe’;

Marko Gane 12:34

A Yeezu naŋ wa nyɛ ka a dɔɔ yeli sɔge la velaa, O da yeli ko o la, “Fo ba waa tɔɔre ne a Naaŋmen naaloŋ.” A ŋaa puoriŋ, neɛzaa da ba la sage soore O soorebiri zaa.

Luka 13:17

A Yeezu naŋ da wa yeli a ŋaa, vi da kpɛ la a noba na zaa naŋ da kyiiri O, kyɛ ka a noba da kyellɛ ne a nɔmaa toma na zaa O naŋ da tonɔ.

II Tesa 3:14

Yɛ baŋ ne a banaŋ naŋ ba tuuro a yɛlɛ te naŋ yele korɔ yɛ a lɛtɛ ŋa poɔ; yɛ ta taa yelzaa ne ba, ka lɛ e ka vi kpɛ ba.

1 Tim 5:14

Azuiŋ, N na boɔrɔ la ka pɔg-kɔbɔ naŋ ba kore kuli serebɛ, a dɔge biiri a kyɛ kaara ba yie, ka a dɔndɔmɔ ta nyɛ sori to te zoma.

1 Tim 6:3

Neɛzaa naŋ kanna yelyuo, a ba sage a te Daana Yeezu Kirista yelbi-menne ane kannoo na naŋ kyaare ne a Naaŋmennoŋ yɛlɛ,

TITU 3:14

Vɛŋ ka a noba zanne ka ba kpimare tonsonne tommo, a maŋ toɔ̃ soŋ a banaŋ a naŋ wono ka ka ba ta wa e noba naŋ ba taa tɔnɔ.

1 Pit 2:12

Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

1 Pit 2:15

Bonso, a e la Naaŋmen poboɔbo ka a yɛ yelveɛle eebo vɛŋ ka a babaŋneba ta taa noɔre na yeli yɛlɛ a ba damboluŋ zuiŋ.

1 Pit 3:16

kyɛ yɛ maŋ manne a yɛlɛ ne sumaaroŋ ane emmo. Yɛ taa teɛroŋ sonne ka ka ba naŋ wa toorɔ yɛ, ka vi kpɛ a banaŋ naŋ erɛ yɛ faa a yɛ yelveɛle yɛ naŋ erɛ a Kirista zuiŋ.