TITU 2:2 - Naaŋmen Nɔpaalaa Gane

² Yeli ko a dɔɔnyaŋne ka ba nyɔgrɔ bamenne, a taa nimizeɛ, a erɛ yɛlɛ ne yɛŋ, a taa yeldeebo naŋ e meŋɛ, a taa nɔmmo kyɛ e noba naŋ taa kannyiri.

TITU 2:2 ပူးပေါင်းရင်းမြစ်များ

Marko Gane 5:15

Ba da wa la a Yeezu zie, a wa nyɛ ka a dɔɔ na naŋ da taa a sefaare ka o zeŋ a be a nyɛ o meŋɛ, a su boma, ka dabeɛ̃ da kpɛ ba zaa.

Luka 8:35

Lɛ la ka a noba da yi gaa ka ba te nyɛ bonna naŋ e, kyɛ ba naŋ da wa a Yeezu zie, ba da nyɛ la a dɔɔ a sefaare naŋ yi o eŋɛ ka o zeŋ a Yeezu puliŋ a su boma, a nyɛ o meŋɛ ka dabeɛ̃ da kpɛ ba.

Toma 24:25

O naŋ da yele yelmennoŋ, meŋɛ bantaabo ane a sɛrɛɛdiibu naŋ waana yɛlɛ, dabeɛ̃ da kpɛ la a Fɛlise ka o yeli, “A naŋ ta ŋaa, gɛrɛ, kyɛ ka maa wa nyɛ vuo, N na leɛ boɔle fo la.”

Urom 12:3

A yi a garaaseɛ ba naŋ ko ma zuiŋ, N yele korɔ la neɛzaa naŋ be yɛ poɔ, ka o ta teɛre ka o meŋɛ do gaŋ la lɛ a naŋ da seŋ ka o teɛre. Kyɛ yɛ kanzaa maŋ sigre o meŋɛ kyɛ di o meŋɛ sɛrɛɛ a seŋ lɛ Naaŋmen naŋ ko yɛ yeni yeni zaa yeldeebo a seŋ lɛ.

1 Kor 15:34

Yɛ leɛ taa teɛroŋ velaa kyɛ bare yelbebe eebo. Bonso, a noba mine ba baŋ Naaŋmen togitogi. N yele la a yeli ŋa ka ka vi kpɛ yɛ.

1 Kor 9:25

A zozoribo maŋ baŋ la bamenne taabo yelzaa poɔ. Ba maŋ erɛ la a lɛ a na de bon naŋ maŋ wɛ, kyɛ tenee deni ba weɛrɛ.

Korinti 5:13

Ka tenee wa erɛ yɛlɛ aŋa noba zu naŋ ba kyebe, Naaŋmen zuiŋ la; ka tenee wa erɛ yɛmbaŋ yɛlɛ, yɛ zuiŋ la.

Galesiya 5:23

sumaaroŋ ane meŋɛ bantaabo. Bege zaa kyebe naŋ ba are ko a yɛlɛ ama taaba.

Filipai Deme Gane 4:8

A baaraa zaa, n poyɛŋ noba, bonna zaa naŋ e yelmeŋɛ, bonna zaa naŋ taa yuori, bonna zaa naŋ taa mennoŋ, bonna zaa naŋ pɛgeyi fanana, bonna zaa naŋ waana ne popeɛloŋ, bonna zaa naŋ seŋ ne garebanyɛ teroo, ka bonzaa bebe a veɛlɛ, ka yelzaa wa bebe a seŋ ne puubu, yɛ teɛrɛ a yɛlɛ ama yɛlɛ.

I Tesa 5:6

Azuiŋ, yɛ ta vɛŋ ka te gbire aŋa ba mine naŋ gbire lɛ, kyɛ yɛ vɛŋ ka te be nimiri kyɛ baŋ temenne taabo velaa;

I Tesa 5:8

Kyɛ te naŋ waa a ŋmenaa noba, yɛ vɛŋ ka te taa temenne velaa, kyɛ de yeldeebo ane nɔmmo ka a waa aŋa kuri kparoo ba naŋ maŋ su pɔge a nyaa, a de a faabo teɛretɔroo vɔgle aŋa kpogli.

1 Tim 1:10

a bebe ko a banaŋ naŋ tonɔ peɛ̃mo toma, dɔbɔ naŋ maŋ gana ne ba dɔɔ taaba, a bebe ko noba naŋ koɔrɔ gbaŋgbaare, a bebe ko a zirŋmaareba, a bebe ko a banaŋ naŋ maŋ pɔ kyɛ ŋmaara zirii ane yelzaa naŋ ba tu a kannoo naŋ tori,

1 Tim 1:14

Kyɛ a te Daana garaaseɛ da paale ma la ne yeldeebo ane nɔmmo naŋ be a Kirista Yeezu eŋɛ.

1 Tim 1:2

la sɛgrɛ korɔ Timoti naŋ e n bi-meŋɛ a yeldeebo poɔ: Ka garaaseɛ, nembaalonzoe ane maaroŋ naŋ yi a Saa Naaŋmen zie ane a Kirista Yeezu, a te Daana, be fo zie.

1 Tim 1:5

Kyɛ a wuluu ŋa yelnyɔgraa la nɔmmo naŋ yire sukyirpelaa, teɛroŋ soŋ ane yeldeebo naŋ waa meŋɛ zie.

1 Tim 3:11

A pɔgeba meŋ seŋ ka ba taa nimizeɛ, a ta e yosaanema, kyɛ ba baŋ bamenne taabo, a taa yelmeŋɛ yelzaa poɔ.

1 Tim 3:2

Azuiŋ, a ferɛɛ la ka a besɔp ta taa saanaa zaa ka ba yele, a taa pɔge yeni, a baŋ o meŋɛ taabo, a baŋ yɛŋ, a taa gyeremɛ, a waa neɛ naŋ maŋ derɛ noba saanoŋ kyɛ e neɛ naŋ maŋ toɔ̃ wuli noba velaa.

1 Tim 3:4

A ferɛɛ la ka o kaara o meŋɛ yideme zu velaa, a e ka o bibiiri sigre bamenne kyɛ eŋnɛ noba yelzaa poɔ;

1 Tim 3:8

A diikin mine meŋ seŋ ka ba taa nimizeɛ, a ta e neŋgagarre, a ta nyuuro dãã yaga, a ta taa libibɔ-gaŋne;

1 Tim 5:1

Ta wa yele yɛlɛ tanna dɔɔnyaŋaa, kyɛ maŋ yeli yɛlɛ ko o aŋa fo saa, a yele yɛlɛ korɔ a pɔlbilii fo naŋ kore aŋa fo yɔɔmine,

TITU 1:13

A yeli ŋa e la yelmeŋɛ. A ŋaa zuiŋ, kpãã ba nimizeɛ zaa, ka ba na leɛ taa yeldeebo naŋ waa meŋɛ,

TITU 1:8

kyɛ a fere ka o waa neɛ naŋ derɛ noba saanoŋ, a nɔŋ tonveɛle, a baŋ o meŋɛ taabo, a e neɛ naŋ tori, a e neɛ naŋ kpimare Naaŋmen puoruu kyɛ baŋ o meŋɛ nyɔgebo.

TITU 2:7

Kyɛ fooŋ, wuli yelzaa poɔ ka fo waa la neɛ naŋ seŋ ne ka ba tɔglɔ fo tonsonne. Kyɛ a fo kannoo poɔ, wullo yelmennoŋ, a taa nimizeɛ,

Filimɔn 1:9

kyɛ N na sɔre fo la ne nɔmmo; kyɛ maa Pɔɔl, nyɛ erɛ la a ŋaa N naŋ e dɔɔnyaŋaa kyɛ ka pampana meŋ ka N waa nempɔgraa a Kirista Yeezu zuiŋ.

1 Pit 1:13

Azuiŋ, yɛ nare yɛ teɛroŋ gu ka yɛ toŋ toma. Yɛ baŋ yɛmenne taabo; a de yɛ teɛretɔroo zaa eŋ a garaaseɛ na a Yeezu Kirista naŋ na wa ko yɛ ka O naŋ wa wa.

1 Pit 4:7

A yɛlɛ zaa baaroo peɛlɛɛ la; a lɛ zuiŋ yɛ taa nimizeɛ kyɛ baŋ yɛmenne taabo a yɛ puoruu zuiŋ.

1 Pit 5:8

Yɛ baŋ yɛmenne taabo, a kaara velaa. A yɛ dɔndɔmɔ a sebɛlbɛllɛ yoɔrɔ la a lanna aŋa gbeŋni naŋ kono a boɔrɔ neɛ ka o ɔɔ.

2 Pit 1:6

a de meŋɛ-bantaabo teɛ ne a yelbammo, a de kannyiri teɛ ne meŋɛ-bantaabo, a de kannyiri diibu teɛ ne Naaŋmennoŋ,