TITU 2:14 - Naaŋmen Nɔpaalaa Gane

¹⁴ Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

TITU 2:14 ပူးပေါင်းရင်းမြစ်များ

Matio Gane 1:21

O na dɔge la bidɔɔ ka fo pore O yuori ka Yeezu, bonso, O na faa la O noba a yi ne ba yelbebe poɔ.”

Matio Gane 20:28

a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne neŋyaga.”

Matio Gane 3:12

O kayeɛl-ŋmane be la O nu poɔ, ka O na yeɛle O kyi a wuo eŋ bugo poɔ, kyɛ gbaale a ka-uri lantaa nyege vũũ naŋ ba kpiire poɔ.”

Gyɔɔn 10:15

aŋa lɛ N Saa naŋ baŋ ma ka N meŋ baŋ O. Kyɛ N de la N nyɔvore tere a N peere zuiŋ.

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Toma 15:14

Simeon da manne la lɛnɛɛ Naaŋmen naŋ da daŋ kaa a Nemboore-yobo ne nimimaaroŋ, a kaa-iri noba ba poɔ, a O yuori eŋɛ.

Toma 15:9

A ba yeldeebo zuiŋ, O pɛge la a ba sukyie ka a veɛlɛ, ka tɛɛtɛɛ zaa ba kyebe te ne ba zie.

Toma 20:28

Yɛ kaara yɛmenne zie ane a peere zaa a Vooroŋ Soŋ naŋ e ka yɛ kaara a zu, yɛ kaara a Naaŋmen puoruu laŋne deme velaa. Bana la ka O faa ne O meŋɛ Bidɔɔ zẽẽ.

Toma 9:36

A potuuro kaŋ da be la a Gyopa poɔ ka o yuori di Tabita kyɛ ka ba boɔlɔ o Dɔɔkase a Giriki kɔkɔre poɔ. O da kpi mare la tonsonne eebo ane nɔmmo toma.

Galesiya 1:4

A Yeezu Kirista la de O meŋɛ tere te yelbebe zuiŋ, ka O faa te yi a zenɛ bebiri faaloŋ poɔ, a seŋ a te Saa Naaŋmen naŋ boɔrɔ lɛ.

Galesiya 2:20

ka maa meŋɛ naane la voorɔ, kyɛ a Kirista naŋ be n eŋɛŋ la voorɔ. Kyɛ a nyɔvore N naŋ taa pampana a eŋgane poɔ, N taa o la a yeldeebo n naŋ taa a Naaŋmen Bie eŋɛ, Ona la da nɔŋ ma a de O meŋɛ tere N zuiŋ.

Galesiya 3:13

A Kirista faa te la yi a bege kaa-emmo poɔ ne O meŋɛ naŋ leɛ neɛ ba naŋ kaa-eŋ te zuiŋ; bonso ba sɛgɛɛ la, “Soba na zaa ba naŋ yagle teɛ zu waa la neɛ ba naŋ kaa-eŋ.”

EFESU 1:11

A Kirista poɔ meŋ la ka te leɛ gbandiribe, O naŋ da daŋ nare biŋ kyaare ne te a yi a soba na naŋ na toɔ̃ e yɛlɛ zaa a O poboɔbo poɔ, a kyaare ne O yelwuluu ane O poboɔbo,

EFESU 2:10

Bonso, Ona la maale te ka te waa lɛ te naŋ waa. Ona la iri te a Kirista Yeezu eŋɛ, ka te tonɔ tonsonne a seŋ lɛ Naaŋmen naŋ da daŋ nare biŋ ka a lɛ na e te nyɔvore waaloŋ.

EFESU 5:2

a taa nɔmmo aŋa lɛ a Kirista naŋ da nɔŋ te lɛ, a de O meŋɛ tere ka ba maale ne bagre naŋ nyuuro noɔ Naaŋmen zie.

1 Tim 1:15

A yeluu ŋa sereŋ taa la dɛloo a seŋ ne deebo, ka a Kirista Yeezu da wa la a teŋɛzu ka O faa yelbe-erebɛ; kyɛ maa la e yelbieri gaŋ ba zaa.

1 Tim 2:10

Kyɛ ba tonɔ tonsonne aŋa lɛ a naŋ seŋ ne pɔgeba naŋ eŋnɛ Naaŋmen.

1 Tim 2:6

a da de O meŋɛ tere a yɔɔ de nensaalba zaa; ba da di la a yeli ŋa danseɛ a saŋ meŋɛ naŋ da wa ta.

1 Tim 6:18

A seŋ ka ba erɛ soŋ, a leɛ bondaanema tonsonne poɔ, a taa nimibaaloŋ kyɛ pono ba boma,

TITU 2:7

Kyɛ fooŋ, wuli yelzaa poɔ ka fo waa la neɛ naŋ seŋ ne ka ba tɔglɔ fo tonsonne. Kyɛ a fo kannoo poɔ, wullo yelmennoŋ, a taa nimizeɛ,

TITU 3:8

A yeluu ŋa e la yelmeŋɛ. N boɔrɔ la ka fo maaleŋ yele a yɛlɛ ama, ka a banaŋ naŋ wa sage de a Naaŋmen yɛlɛ e noba naŋ na kpimare tonsonne tommo eŋɛ. A yɛlɛ ama veɛlɛ la kyɛ taa tɔnɔ ko neɛzaa.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

Hiburu 10:24

Yɛ e ka te kaa nyɛ lɛ te naŋ na maŋ e a wullo taa nɔmmo ane tonveɛle.

Hiburu 9:14

wola ka a Kirista zẽẽ O naŋ tu a Vooroŋ Soŋ naŋ ba taa baaraa zie a de O meŋɛ naŋ ba taa saanaa zaa ko Naaŋmen koŋ baŋ maale a te sukyie yaga zaa a yi ne yɛlɛ naŋ ba taa tɔnɔ zie ka te na toɔ̃ puoro a Naaŋmen-vore!

Gyimisi 4:8

Yɛ tage peɛle Naaŋmen, O na tage peɛle yɛ la. Yɛ pɛge yɛ nuuri, yɛnee yelbebe deme kyɛ pɛge a yɛ sukyie ka a veɛlɛ, yɛnee teɛroŋ-kpara deme.

1 Pit 1:18

Yɛ baŋ ka ba faa yɛ la yi yelfoglo yɛ naŋ taa yi a yɛ sããkommine zie ne daaroŋ naŋ ba waa boma naŋ na baŋ wɛ aŋa salema bee salem-pelaa,

1 Pit 1:22

Yɛ naŋ sage tu a yelmeŋɛ pampana, yɛ pɛge la a yɛ seere ka ka yɛ na taa nɔmmo naŋ sereŋ e meŋɛ. Yɛ nɔnɔ taa ne yɛ sukyie zaa.

1 Pit 2:12

Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 1:7

Kyɛ ka teneŋ wa kyɛnɛ a kyaane poɔ aŋa lɛ Naaŋmen meŋɛ naŋ be a kyaane poɔ, te taa la laŋne ne taa, ka a O Bie Yeezu zẽẽ pɛge a te yelbebe zaa bare.

1 Gyn 1:9

Ka tenee kyiiri te yelbebe, a Naaŋmen naŋ e a yelmeŋɛ soba ane nemmeŋɛ na di la a te yelbebe zaa suuri ko te kyɛ pɛge a te yelfaare zaa bare.

1 Gyn 3:2

N poyɛŋ noba, pampana, te waa la Naaŋmen biiri, kyɛ bon te naŋ na waa naŋ ba sãã sɛre. Bon te naŋ baŋ la ŋa: ka O naŋ wa sãã te na waa ŋa lɛ O naŋ waa, bonso, te na nyɛ O la a lɛ O naŋ waa.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 5:9

Ba da yiele la yieluŋ paalaa: “Fo seŋɛɛ la ka fo de a gane a lagre a suni bare, bonso, ba da ko fo la, kyɛ ka fo da de fo zẽẽ yɔɔ de ne nensonne naŋ yi a bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa poore ko Naaŋmen.