12 a wullo te ka te bare yelfaare ane vɔlfaare, kyɛ vɛŋ ka a te nyɔvoɛ te naŋ taa a zenɛ bebiri wuli ka te baŋ la temenne taabo, a e noba naŋ tori kyɛ taa Naaŋmennoŋ,
Soba na zaa naŋ yeli yelfaa zaa kyaare ne a Nensaala Bie, na nyɛ la sudi, kyɛ soba na zaa naŋ yeli yelfaa zaa kyaare ne a Vooroŋ Soŋ, koŋ nyɛ sudi, a o teŋɛzu nyɔvore saŋ, bee a o kũũ puoriŋ.”
O naŋ da yele yelmennoŋ, meŋɛ bantaabo ane a sɛrɛɛdiibu naŋ waana yɛlɛ, dabeɛ̃ da kpɛ la a Fɛlise ka o yeli, “A naŋ ta ŋaa, gɛrɛ, kyɛ ka maa wa nyɛ vuo, N na leɛ boɔle fo la.”
Yɛ ta tuuro a teŋɛzu yeltuuri, kyɛ yɛ leɛ yɛ eebo a yi a yɛmpaalaa yɛ naŋ nyɛ yi Naaŋmen zie, ka yɛ na toɔ̃ baŋ bon naŋ e Naaŋmen poboɔbo; bon naŋ soma a seŋ ne deebo kyɛ ba taa faaloŋ zaa.
N yele la yɛlɛ nensaaloŋ poɔ, a yɛ nensaala bambaaloŋ zuiŋ. Aŋa lɛ yɛ naŋ da de yɛ nandaare ka a waa yeldɛgɛ ane faaloŋ naŋ ba poɔrɔ gbaŋgbaare, pampana ŋa, yɛ de yɛ nandaare ka a waa mennoŋ gbaŋgbaare ka yɛ na nyɛ pɛgeyiibu.
Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.
kyɛ pampana, O leɛ maale la yɛ ne O yɛlɛ ka a kpɛ taa a O eŋgannoŋ poɔ a yi kũũ eŋɛ, ka ka O na de yɛ tere ka yɛ waa soŋ a ba taa saanaa ane faaloŋ zaa O niŋesogɔ;
Kpãã a banaŋ naŋ e bondaanema zenɛ, ka ba ta erɛ pɔloo bee a de ba teɛretɔroo eŋ bondaanoŋ naŋ ba yaara baaroo eŋɛ, kyɛ ba de ba teɛretɔroo eŋ Naaŋmen naŋ maŋ ko te bonzaa ka a gore ka te wono ne noɔ.
Bonso, temenne da waa la dambolo saŋ kaŋ naŋ tɔle, a ba sagra nɔɛ, a waa noba naŋ da bɔre, a waa vɔlfa-boorɔ zaa ane a eŋgane yelboɔre gbaŋgbaare, a da waa potuodeme, a erɛ nyuuri kyɛ kyiire taa.
Puoruu naŋ veɛlɛ, ka dɛgre zaa ba kye o poɔ a Saa Naaŋmen zie la ŋa: kaara bikpeere ane pɔg-kɔbɔ zu a ba woore poɔ, kyɛ gu fo meŋɛ, a ta mɔge faaloŋ a teŋɛzu.
Yɛnee eŋ, a kããsoŋ soɔbo yɛ naŋ da nyɛ yi a Kirista zie be la yɛ eŋɛ. A lɛ zuiŋ a ba la fere ka neɛzaa la kanne yɛ. Kyɛ a O kããsoŋ soɔbo naŋ kanna yɛ a kyaare ne yelzaa naŋ e yelmeŋɛ, ka a ba e zirii, kyɛ yɛ be O poɔ aŋa lɛ O naŋ kanne yɛ.