TITU 2:11 - Naaŋmen Nɔpaalaa Gane

¹¹ Bonso, a Naaŋmen garaaseɛ sããɛ la a wa ko nensaalba zaa faabo,

TITU 2:11 ပူးပေါင်းရင်းမြစ်များ

Matio Gane 28:19

Yɛ pãã gaa a tenne zaa a te e ka a nemboorɔ zaa leɛ a N potuuribo, ka yɛ korɔ ba suobu; a Saa ane a Bie ane a Vooroŋ Soŋ yuori eŋɛ,

Marko Gane 16:15

A Yeezu pãã da yeli ko ba la, “Yɛ gaa a tendaa zaa a te moɔle a Ŋmen-yelnoore ko a Naaŋmen bon-iri zaa.

Luka 24:47

Ba na piili la a Gyɛruzɛlɛm poɔ a moɔlɔ korɔ a tendaa nemboorɔ zaa ka ba leɛ ba eebo kyɛ nyɛ yelbebe sudi a Yeezu yuori eŋɛ.

Luka 3:6

kyɛ ka a andonɛɛ zaa nyɛ a Naaŋmen faabo.’ ”

Gyɔɔn 1:14

Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Gyɔɔn 1:9

A veɛloŋ naŋ sereŋ waa veɛloŋ a kyaane neɛzaa da waana la a teŋɛzu.

Toma 11:23

O naŋ da wa nyɛ a Naaŋmen garaaseɛ, o poɔ da pɛle la yaga, ka o da kpaale ba zaa ka ba kpimare a Daana, a taa yelmeŋɛ ne O ane ba poɔ zaa;

Toma 13:43

A lammo yɛlɛ naŋ da wa baare ka a noba yaare, a Gyuumine ane a puoruu nimizeɛ deme naŋ da kpɛ a Gyuumine puoruu da tu la a Pɔɔl ane Banabase puori ka ba yeli ko ba ka ba eŋ faŋ a taa a Naaŋmen garaaseɛ velaa.

Toma 13:47

A lɛ zuiŋ la ka a Daana da ko te noɔre a yele, ‘N eɛɛ la ka fo waa veɛloŋ ko a Nemboore-yobo ka ka fo na e ka faabo ta a tendaa ziiri zaa.’ ”

Toma 17:30

Kyɛ a saŋ na Naaŋmen naŋ da maŋ baŋ kyɛ leɛ O puori ko nensaala babammo tɔlɛɛ la. Pampana ŋa, O tere la noɔre ka nensaalba naŋ be zie zaa leɛ ba eebo,

Toma 20:24

Kyɛ N ba de n nyɔvore ka o dɔgle bonzaa zu, ka maa na toɔ̃ toŋ a tonnoɔre na a Daana Yeezu naŋ ko ma, ona la ka N di a Ŋmen-yelnoore garaaseɛ danseɛ.”

Urom 10:18

Kyɛ N soorɔ la, ba mɔɔ ba woŋ a be? Serɛzaa ba woŋee la; bonso: “A ba kɔkɔre yi ta la a tendaa zaa, ka ba yelbie ta a andonɛɛ lamboe zaa.”

Urom 5:15

Kyɛ a Naaŋmen kyɔɔtaa na O naŋ tere weɛlɛ ba waa ŋa a Adama saanaa. Ka neŋyaga da kpi neŋyeni naŋ e yelbieri zuiŋ, bonnoo zaa ba kyebe ka Naaŋmen garaaseɛ ane a neŋyeni, a Yeezu Kirista, kyɔɔtaa naŋ e weɛlɛ be a garaaseɛ poɔ, gorɛɛ la ko neŋyaga.

Urom 5:2

A Yeezu Kirista zie la ka te tu a nyɛ garaaseɛ ŋa te naŋ taa; kyɛ ka te erɛ pɔloo a te teɛretɔroo te naŋ taa ka te ne Naaŋmen na laŋ la puubu.

Korinti 6:1

Te naŋ laŋ tonɔ ne a Naaŋmen zuiŋ, te sɔrɔ la yɛ meŋ ka yɛ ta de a O garaaseɛ ka o e weɛlɛ.

Galesiya 2:21

N ba e ka a Naaŋmen garaaseɛ ba tonɔ; bonso ka neɛ na tu a bege toma zie a leɛ nemmeŋɛ, ka lɛ a Kirista kpi la weɛlɛ.

EFESU 2:5

Haali te naŋ da waa kuuni te saanaa zuiŋ kyɛ O da eɛɛ la ka te ne a Kirista leɛ laŋ voorɔ (a garaaseɛ zuiŋ yɛ nyɛ la faabo).

EFESU 2:8

Bonso, garaaseɛ zuiŋ la ka yɛ nyɛ faabo yi a yɛ yeldeebo eŋɛ, kyɛ ka a ba e a yɛmenne tontonne; o e la a Naaŋmen kyɔɔtaa;

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

KOLO 1:6

naŋ wa yɛ zie. Aŋa lɛ o naŋ wɔnɔ wɔmɔ kyɛ baara a tendaa zaa poɔ, a lɛ ka o wɔnɔ wɔmɔ a yɛmenne poɔ a yi a daare na yɛ naŋ da woŋ a kyɛ baŋ a Naaŋmen garaaseɛ tɛgɛ ka a ta.

II Tesa 2:16

Pampana, ka a te Daana Yeezu Kirista meŋɛ ane a te Saa Naaŋmen, a Onaŋ naŋ nɔŋ te a tu garaaseɛ zie a ko te mooreteroo naŋ ba taa baaroo ane teɛretɔroo meŋɛ,

1 Tim 1:14

Kyɛ a te Daana garaaseɛ da paale ma la ne yeldeebo ane nɔmmo naŋ be a Kirista Yeezu eŋɛ.

1 Tim 2:4

Ona la boɔrɔ ka neɛzaa nyɛ faabo a kyɛ wa baŋ a yelmeŋɛ.

2 Tim 1:10

Kyɛ pampana ŋa, ba iri o la wuli te a yi a te Faara Kirista Yeezu waabo eŋɛ. Ona la da iri kũũ bare kyɛ e ka nyɔvore naŋ koŋ baŋ la kpi tu a Ŋmen-yelnoore zie sãã veɛloŋ poɔ.

2 Tim 4:17

Kyɛ a Daana da are ko ma la, a ko ma faŋ ka ka O na tu n zie moɔle a Ŋmen-yelnoore zaa pabo, ka a Nemboore-yobo zaa woŋ a. Lɛnso ka ba da faa ma yi a gbeŋni noɔreŋ.

Hiburu 12:15

Yɛ kaara velaa ka neɛzaa ta wa fãã a Naaŋmen garaaseɛ nyaabo, ka a lɛ vɛŋ ka yɛ kanzaa wa iri buli aŋa teɛ nyagre naŋ waa tuo a wa ne dɔɔne naŋ na dɛge yɛ noba yaga.

Hiburu 2:9

kyɛ te nyɛ la Yeezu, Ona la ka Naaŋmen da sigri bebie belaa lɛ gaŋ a malekere. Kyɛ pampana, Naaŋmen ko O la puubu ane emmo, a dɔgɛɛ kũũ O naŋ kpi zuiŋ ka ka a Naaŋmen garaaseɛ eŋɛ ka O na kpi ko neɛzaa.