TITU 1:16 - Naaŋmen Nɔpaalaa Gane

¹⁶ Ba maŋ yeli ka ba baŋ la Naaŋmen kyɛ ka ba yel-erre wuli ka ba zagra la Naaŋmen. Ba waa la nendɛgɛ, a waa noba naŋ zagra noɔre, a ba seŋ ne tonvelaa zaa.

TITU 1:16 ပူးပေါင်းရင်းမြစ်များ

Urom 1:28

Kyɛ ba naŋ da ba nyɛ ka a seŋɛɛ la ka ba ko Naaŋmen O gyeremɛ zuiŋ, a Naaŋmen da bare ba la ka ba taa ba teɛre faare a erɛ yelfaare naŋ ba seŋ ka ba e.

EFESU 5:6

Yɛ ta vɛŋ ka neɛzaa bɛlle yɛ ne yelfoglo, bonso a yɛlɛ ama zuiŋ la ka Naaŋmen supuriyaaraa waana a banaŋ naŋ zagra O noɔre eŋɛ.

1 Tim 1:9

A ŋaa tɛgɛ la ka a bege ba bebe ko a nemmenne kyɛ o bebe la ko a koŋwoŋwuluu deme ane noba naŋ ba sagra noɔre, a bebe ko a faaloŋ deme ane a yelbe-erebɛ, a bebe ko a banaŋ naŋ ba e nemmenne ane a nendɛgɛ, a bebe ko banaŋ naŋ maŋ ko ba saa bee ba ma, a bebe ko a neŋkooreba,

1 Tim 5:8

Neɛzaa naŋ ba kaara o dɔgrebɔ zu, a gaŋ a zaa, o yideme, zagre la a yeldeebo bare kyɛ waa faa gaŋ neɛ naŋ ba sage de a Kirista yɛlɛ.

2 Tim 3:17

ka ka neɛzaa naŋ waa Naaŋmen neɛ na toɔ̃ taa faŋ tonsoŋ zaa tommo poɔ.

TITU 3:1

Leɛ-teɛre ba ka ba sigre bamenne korɔ namine ane a teŋɛ nembɛrɛ, a e noba naŋ sagra noɔre, a maŋ nare ka ba toŋ tonsonne zaa,

TITU 3:3

Bonso, temenne da waa la dambolo saŋ kaŋ naŋ tɔle, a ba sagra nɔɛ, a waa noba naŋ da bɔre, a waa vɔlfa-boorɔ zaa ane a eŋgane yelboɔre gbaŋgbaare, a da waa potuodeme, a erɛ nyuuri kyɛ kyiire taa.

1 Gyn 2:4

Soba na zaa naŋ yeli, “N baŋ O la,” kyɛ ba sagra a O nɔɛ, waa la zirŋmaara, ka a yelmeŋɛ ba kye o zie.

Gyud 1:4

Bonso, nenfaare mine sɔgle kpɛ la yɛ poɔ, a leɛre a te Naaŋmen garaaseɛ ka o waa nemboŋyɛlɛ, kyɛ ka ba zagre a te Neŋkpoŋ yeni yoŋ ane a te Daana Yeezu Kirista bare. Saŋ zaa ka ba da nare ba biŋ kyɛllɛ ne a saamo ŋa aŋa noba naŋ ba baŋ Naaŋmen.

Yel-iriwulaa Gane 21:27

Kyɛ bondɛgre zaa koŋ kpɛ o poɔ, ka neɛzaa naŋ erɛ yelfa-dɛgɛ bee a ŋmaara zirii meŋ koŋ kpɛ o poɔ. A banaŋ yoŋ yoe ba naŋ sɛge eŋ a Pilee nyɔvore gane poɔ la na kpɛ o poɔ.

Yel-iriwulaa Gane 21:8

Kyɛ a dabeɛ̃ deme eŋ, a banaŋ naŋ ba taa yeldeebo, a nendɛgɛ, a neŋkooreba, a banaŋ naŋ toŋ peɛ̃mo toma, a banaŋ naŋ erɛ sɔyɛlɛ, a banaŋ naŋ puoro tebɛ ane zirŋmaareba zaa zie la a baa naŋ dire vũũ ane gyirimuri, a kũũ boyi soba la a ŋa.”