Matio Gane 7:7 - Naaŋmen Nɔpaalaa Gane

⁷ “Yɛ sɔre, ba na ko yɛ la; yɛ bɔ, yɛ na nyɛ la, yɛ kpaare a pane, ba na yuo ko yɛ la ka yɛ kpɛ.

Matio Gane 7:7 ပူးပေါင်းရင်းမြစ်များ

Matio Gane 18:19

Laboreŋ, yelmeŋɛ ka N yele korɔ yɛ, ka yɛ bayi wa laŋ noɔre a sɔre bonzaa a teŋɛzu kyɛ, a N Saa naŋ be tenvelaa poɔ na e ko yɛ la.

Matio Gane 21:22

Bonna zaa yɛ naŋ puoro sɔrɔ ne yeldeebo, yɛ na nyɛ la.”

Matio Gane 6:33

Yɛ moɔ nimiri a daŋ bɔ a Naaŋmen naaloŋ ane O mennoŋ, kyɛ O pãã na de la a boma ama zaa naŋ kyɛre meŋ ko yɛ.

Matio Gane 7:11

Ka yɛnee gba naŋ waa nenfaare baŋ ka yɛ de bonsoŋ ko yɛ bibiiri, wola ka yɛ Saa naŋ be tenvelaa poɔ koŋ ko banaŋ zaa naŋ maŋ sɔre bonveɛle O zie gaŋ lɛ!

Matio Gane 7:8

Bonso, neɛzaa naŋ maŋ sɔre ba maŋ ko o la, neɛzaa meŋ naŋ maŋ bɔ o maŋ nyɛ la, ka a pane maŋ yuo ko neɛzaa meŋ naŋ kpaare.

Marko Gane 11:24

Azuiŋ, N yele korɔ yɛ la, bonna zaa yɛ naŋ sɔre a yɛ puoruu poɔ, yɛ sage de ka yɛ nyɛɛ la, kyɛ a sereŋ na e la yɛ soobo.”

Luka 13:25

Ka a yiri soba wa iri pɔge a dendɔre baare, kyɛ ka yɛ naŋ are a yeŋ poɔ a piili kpaara a pane yele, ‘Daana, yuo a pane ka te kpɛ’, o na yeli ko yɛ la, ‘N ba baŋ zie na yɛ naŋ yi.’

Luka 18:1

A Yeezu pãã da lɔɔ la sekpɔgre ko ba a kyaare ne lɛ a naŋ seŋ ka ba maŋ puoro tegitegilɛ a kyɛ ta wa yoɔrɔ nuuri.

Gyɔɔn 15:16

Yɛnee naane kaa-iri ma, kyɛ maa la kaa-iri yɛ, a toŋ yɛ ka yɛ gaa te wɔnɔ wɔmɔ. Wɔmɔ na naŋ na bebe kɔɔre, ka a Saa pãã na ko yɛ bonna zaa yɛ naŋ sɔre yi O zie a N yuori eŋɛ.

Gyɔɔn 15:7

Ka yɛnee wa be N poɔ, ka a N yelbie be yɛ poore, yɛ sɔre bonzaa yɛ naŋ boɔrɔ, kyɛ ba na e ko yɛ la.

Gyɔɔn 4:10

Ka a Yeezu da yeli sɔge O, “Ka fõõ da baŋ a Naaŋmen kyɔɔtaa, ane neɛ na naŋ la yele korɔ fo, ‘Ko ma koɔ̃ ka N nyu,’ fo da na sɔre O la ka O da ko fo koɔ̃ naŋ terɛ nyɔvore.”

Urom 2:7

banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo;

Urom 3:11

neɛzaa kyebe a taa yelbammo, neɛzaa kyebe a boɔrɔ Naaŋmen.

Hiburu 11:6

Ka neɛŋ ba taa yeldeebo o daŋ koŋ baŋ pɛle Naaŋmen poɔ, bonso, neɛzaa naŋ waana O zie, a ferɛɛ la ka o soba sage de ka Naaŋmen bebe la, a maŋ yɔɔ banaŋ naŋ boɔrɔ O yɛlɛ.

Gyimisi 5:15

A yeldeebo puoruu na faa la a baala, ka a Daana e ka o leɛ-iri, kyɛ ka kanzaa wa e yelbebe a Daana na di la suuri ko o.

1 Gyn 3:22

kyɛ te maŋ nyɛ la bonzaa te naŋ sɔre yi O zie, te naŋ sagra O nɔɛ kyɛ tonɔ O popɛle toma zuiŋ.