Matio Gane 4:3 - Naaŋmen Nɔpaalaa Gane

³ A sebɛlbɛllɛ da wa yeli ko O la, “Ka fõõ wa waa Naaŋmen Bie, yeli a kubo ama ka a leɛ boroboro.”

Matio Gane 4:3 ပူးပေါင်းရင်းမြစ်များ

Matio Gane 14:33

A banaŋ naŋ da be a gbori poɔ da puori O la kyɛ yele, “Yelmeŋɛ zaa, fo waa la a Naaŋmen Bie.”

Matio Gane 16:16

Ka Saamon Piita yeli sɔge, “Fõõ la a Mɛzaaya, a Naaŋmen-vore Bidɔɔ.”

Matio Gane 26:63

Kyɛ a Yeezu da taŋ la O noɔre. Lɛ la ka a Naaŋmen bagmaalkare neŋkpoŋ yeli ko O, “Pɔ a Naaŋmen-vore, a yeli ko te, ka fõõ wa la a Mɛzaaya, a Naaŋmen Bie”

Matio Gane 3:17

Ka kɔkɔre kaŋ yi sazu a yeli, “N Bidɔɔ la aŋa, N Poyɛŋ Bie, N poɔ pɛle ne O la yaga.”

Marko Gane 1:1

A Naaŋmen Bie, Yeezu Kirista yelnoore piiluu.

Marko Gane 3:11

Ka a sefaare wa nyɛ O zaa, a maŋ le vɔgle la O niŋesogɔ, kyɛ kyeerɛ yele, “Fõõ la a Naaŋmen Bie!”

Marko Gane 5:7

kyɛ kyeere ne kɔkɔkpeɛŋaa, “N ne fo meŋ boŋ, Yeezu, a Naaŋmen Kpeɛ̃õ Zaa Daana Bie? N de la Naaŋmen sɔrɔ fo, ta dɔgre ma.”

Luka 1:35

Ka a maleke yeli ko o, “A Vooroŋ Soŋ na wa la fo zie, ka a Naaŋmen kpeɛ̃õ wa sigi fo, a zuiŋ a bie fo naŋ na dɔge na e la bi-soŋ, ka ba boɔlɔ O Naaŋmen Bie.

Luka 22:70

Ka ba zaa laŋ soore O, “Ka lɛ, fõõ la a Naaŋmen Bie wɛ?” Ka a Yeezu yeli sɔge ba, “Yɛnee la yeli ka maa la.”

Luka 4:3

A sebɛlbɛllɛ da yeli ko O la, “Ka fõõ sereŋ waa Naaŋmen Bie, e ka a kuuri ŋa leɛ boroboro.”

Luka 4:41

Sefaare meŋ da yi la noba enneŋ, a kyeerɛ yele, “Fõõ la a Naaŋmen Bie!” Kyɛ Yeezu da tanne a la, a da ba sage ka a yeli yɛlɛ, bonso, a da baŋ ka Ona la a Mɛzaaya.

Luka 4:9

Lɛ la ka a sebɛlbɛllɛ da la taa O gaa ne Gyɛruzɛlɛm, a te do ne O a Naaŋmen die peɛzu, a yeli ko O, “Ka fõõ wa waa Naaŋmen Bie, yi a kyɛ ɛge kyinni,

Gyɔɔn 1:34

Kyɛ maa meŋɛ nyɛɛ la kyɛ di danseɛ ka a Naaŋmen Bie la a ŋa.”

Gyɔɔn 1:49

Ka Nataneɛl da leɛ yeli, “Wulwullo, fõõ la a Naaŋmen Bie! Fõõ la a Izerayɛl Naa!”

Gyɔɔn 20:31

Kyɛ ba sɛge la a ama ka ka yɛ na sage de ka Yeezu la a Mɛzaaya, a Naaŋmen Bie. A yɛ sagedeebo zie la ka yɛ na tu a nyɛ nyɔvore a O yuori eŋɛ.

Gyɔɔn 9:35

A Yeezu da woŋ ka ba da digi la a dɔɔ bare a puoruu die poɔ, kyɛ O naŋ da wa nyɛ a dɔɔ, O da soore o la, “Fo sage de la a Nensaala Bie yɛlɛ be?”

Toma 9:20

O da piili la a daadaalɛ a moɔlɔ a Yeezu yɛlɛ a puoruuderi poore, a yele, “A Yeezu la a Naaŋmen Bie.”

Korinti 1:19

Bonso, a Naaŋmen Bie Yeezu Kirista yɛlɛ te naŋ da moɔle ko yɛ, maa, Silvano ane Timoti ba e, “Õõ ane Ai”; kyɛ Ona eŋ zie a waa la, “Õõ” tegitegilɛ.

Galesiya 2:20

ka maa meŋɛ naane la voorɔ, kyɛ a Kirista naŋ be n eŋɛŋ la voorɔ. Kyɛ a nyɔvore N naŋ taa pampana a eŋgane poɔ, N taa o la a yeldeebo n naŋ taa a Naaŋmen Bie eŋɛ, Ona la da nɔŋ ma a de O meŋɛ tere N zuiŋ.

I Tesa 3:5

A ŋaa zuiŋ, N naŋ da koŋ la baŋ di kannyiri, N da toŋɛɛ la ka ba wa peɛre yɛlɛ kyaare ne a yɛ yeldeebo; N da zoro la dabeɛ̃ ka kaapɔge a sebɛlbɛllɛ bɛlle yɛ la ka a toma te naŋ toŋ waa weɛlɛ.

Hiburu 12:16

Yɛ kaara velaa ka neɛzaa ta wa waa ŋa Esɔ naŋ da waa peɛ̃mo toma soba ane neɛ naŋ ba zoro Naaŋmen, a da de o kponnuŋ koɔre bondirii o naŋ na di dayeni eŋɛ.

Hiburu 4:14

A naŋ pãã e ka te taa la Naaŋmen bagmaalkare neŋkpoŋ gandaa na naŋ tu a saluoni poɔ tɔle gaa, a Naaŋmen Bidɔɔ Yeezu, yɛ e ka te nyɔge a te yeldeebo taa kpeɛŋaa.

Hiburu 7:3

O ba taa Saa, a ba taa ma, a ba taa Sããkompare, a ba taa piiluu bee baaroo. Kyɛ o ne a Naaŋmen Bidɔɔ yi la taa, ka o waa Naaŋmen bagmaale wederɛ tegitegilɛ.

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

Yel-iriwulaa Gane 2:10

Ta zoro a tuo na fo naŋ na woŋ dabeɛ̃. Gu fo meŋɛ velaa, a sebɛlbɛllɛ boɔrɔ la ka o de yɛ mine eŋ nempagdie poɔ, ka ba na toɔ̃ e yɛ nyɛ, kyɛ ka yɛ be woore poɔ beri pie. Taa yelmennoŋ te ta fo kũũ saŋ, kyɛ N na ko fo la nyɔvore nazupili.