Matio Gane 3:7 - Naaŋmen Nɔpaalaa Gane

⁷ Kyɛ o naŋ da wa nyɛ a Faraziimine ane Sadusiimine yaga naŋ waana ka o ko ba suobu, o da soore ba la, “Yɛnee dompane boorɔ ŋa! Nembuo la kpãã yɛ ka yɛ zo muri a Naaŋmen supuriyaaraa na naŋ waana?

Matio Gane 3:7 ပူးပေါင်းရင်းမြစ်များ

Matio Gane 12:34

Yɛnee dompane boorɔ ŋa! Yɛ naŋ waa nenfaare, wola ka yɛ na toɔ̃ yeli yelsonne? Bonso, bonna naŋ be a sukyiri poɔ la ka a noɔre maŋ yele.

I Tesa 1:10

a na kyɛllɛ a O Bidɔɔ ka O yi tenvelaa wa. Ona la ka O da e ka O leɛ-iri yi a kũũ poɔ; Ona la a Yeezu naŋ faa te yi a supuriyaaraa naŋ waana poɔ.

Urom 1:18

A Naaŋmen supuriyaaraa sãã la sazu sigre waana ka O zɔɔ ne banaŋ zaa naŋ de ba yelfa-yɛlɛ ane potuoloŋ pigre ne a yelmeŋɛ.

Matio Gane 23:33

Yɛnee weere ane dompane boorɔ! Wola ka yɛ na e a zo bale a dazugovũũ poɔ kpeɛbo?

Urom 5:9

A gaŋ a zaa, pampana ŋa Naaŋmen naŋ e ka te leɛ nemmenne a Kirista zẽẽ zuiŋ, te pãã na tu la O zie a nyɛ faabo yi a Naaŋmen supuriyaaraa poɔ.

Matio Gane 22:23

A bebiri na zaa daare, a Sadusiimine da wa la a Yeezu zie, a wa yele ka kuuni poɔ leɛ-iruu kyebe; a da soore O soorebiri, a yele:

Matio Gane 16:6

Yeezu da yeli ko ba la, “Yɛ gu yɛmenne velaa a baŋ ne a Faraziimine ane a Sadusiimine gagarre yɛlɛ.”

1 Gyn 3:10

A ŋaa la na wuli a banaŋ naŋ waa a Naaŋmen bibiiri ane banaŋ naŋ waa a sebɛlbɛllɛ bibiiri: banaŋ zaa naŋ ba erɛ yɛlɛ ka a toro bee a nɔŋ ba yɔɔmine ane ba yɔɔpuuli ba yi Naaŋmen zie.

Gyɔɔn 9:40

A Farazii noba mine naŋ da peɛle a Yeezu a da woŋ a ŋaa O naŋ yeli, da yeli ko O la, “Fo sereŋ boɔrɔ ka fo yeli ka te zɔŋɛɛ la wɛ?”

Hiburu 11:7

Yeldeebo zuiŋ la ka Nowa da sage de a yɛlɛ Naaŋmen naŋ da yeli kpãã o ka a waana la ka a e kyɛ ka o da ba nyɛ a sɛre. A Nowa da de la a yɛlɛ ne nimizeɛ a maale gbor-kpoŋ a na faa o yideme. A ŋaa zuiŋ, a Nowa da ko la a tendaa saanaa kyɛ da leɛ a mennoŋ gbandiruŋ neɛ a yeldeebo zuiŋ.

Toma 26:5

Ba baŋ ma la ka a kɔɔre, ka ba naŋ na sage yeli yelmeŋɛ, ka a Faraziimine laŋne naŋ tuuro a te puoruu yɛlɛ kyerete poɔ la ka N da poɔ.

Toma 20:31

Azuiŋ, yɛ baŋ ne a, a ta inni ka yuomo ata tensogɔ bee ŋmenaa, ka N ba nage ka N kpãã yɛ ane nentaŋ.

Toma 15:5

Kyɛ a yelderebɛ mine naŋ da poɔ a Faraziimine laŋne poɔ da iri arɛɛ la kyɛ yeli, “A e la feroo ka a Nemboore-yobo iri ba dɛgre kyɛ tuuro a Moozul begɛ.”

Toma 5:17

Lɛ la ka a Naaŋmen bagmaalkare neŋkpoŋ ane a banaŋ zaa naŋ da be o zie (ba na la a Sadusiimine kpaaroŋ noba) nyuuri da iri yaga zaa.

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Gyɔɔn 1:24

Kyɛ a Faraziimine la pãã da toŋ ba.

Luka 18:11

A Farazii da arɛɛ la a puoro ŋaa, ‘Naaŋmen, N puoro fo la bareka ne N naŋ ba waa ŋa N nensaaltaaba: naŋ waa nannyigri, fafareba, moɔrɔ toma noba, bee waa ŋa a zuyɔɔ-derɛ ŋa naŋ te are a kyɛ.

Luka 16:14

A Faraziimine naŋ da woŋ a yɛlɛ ama zaa, ba da erɛ la a Yeezu laara bonso, ba da nɔŋ la libie yaga zaa.

Luka 7:30

Kyɛ a Faraziimine ane a bege baŋnema naŋ da ba sage ka ba de a Gyɔɔn suobu da wuli ka ba zagre la Naaŋmen poboɔbo naŋ kyaare ne bamenne.)

Marko Gane 12:18

A Sadusii noba mine naŋ da maŋ yele ka kuuni poɔ leɛ-iruu kyebe da wa la a Yeezu zie, a da wa soore O a yele:

Marko Gane 12:13

Lɛ la ka ba da toŋ a Faraziimine ane a Hɛrɔde noba mine ka ba gaa a Yeezu zie a te gyenne nyɔge O a O yelyelii poɔ.

Marko Gane 8:15

Ka a Yeezu da kpãã ba a yele, “Yɛ gu yɛmenne velaa, a baŋ ne a Faraziimine ane a Hɛrɔde gagarre yɛlɛ.”

Matio Gane 22:34

A Faraziimine naŋ da woŋ ka Yeezu eɛɛ la ka a Sadusiimine nɔɛ da kpɛ kpore, ba da laŋ la taa,

Matio Gane 22:15

Lɛ la ka a Faraziimine da gaa lantaa a bo kyaare ne lɛ ba naŋ na tu a bɛre nyɔge a Yeezu O yelyelii poɔ.

Matio Gane 12:24

Kyɛ a Faraziimine naŋ da wa woŋ a lɛ, ba da yelee la, “Bɛlezɛbu, a sefaare zaa naa la ko a neɛ ŋa soba kpeɛ̃õ ka O digre ne a sefaare bara.”

Matio Gane 5:20

Maa yele korɔ yɛ, ka yɛ yelmennoŋ ba wa zuo a Naaŋmen bege wulwulibo ane a Faraziimine, yɛ daŋ koŋ kpɛ a tenvelaa naaloŋ poɔ.

Hiburu 6:18

ka ka a na tu a yɛlɛ ayi naŋ ba taa leɛbaroo zie a wuli ka Naaŋmen koŋ baŋ ŋmaa zirii. Tenee banaŋ naŋ zo te kpɛ O nyuo seŋ ka te nyɛ teɛbo kaŋ a na toɔ̃ de a teɛretɔroo ba naŋ biŋ te niŋesogɔ.

Matio Gane 15:12

Lɛ la ka a potuuribo da wa O zie a wa yeli ko O, “Fo baŋ ka a Faraziimine suuri da iri ne la a yɛlɛ ŋa fo naŋ da yeli?”

Matio Gane 16:1

A Faraziimine ane a Sadusiimine da wa la a Yeezu zie, ba naŋ da boɔrɔ ka ba e o nyɛ la so ka ba da yeli ka O e yelmannaa naŋ yi tenvelaa wuli ba.