Matio Gane 24:4 - Naaŋmen Nɔpaalaa Gane

⁴ Ka a Yeezu yeli sɔge ba, “Yɛ gu yɛmenne velaa ka neɛzaa ta wa bɛlle yɛ.

Matio Gane 24:4 ပူးပေါင်းရင်းမြစ်များ

Marko Gane 13:22

Kaŋwaa mɛzaaya mine ane kaŋwaa Ŋmen-yelmanneba na wa la, a erɛ yelwulii kyɛ tonɔ toŋkpeɛne ka ba bɛlle noba ka ba tuli, ka ba naŋ na toɔ̃, ba na e la ka a neŋkaa-irri meŋ gba tuli.

Luka 21:8

Ka O yeli, “Yɛ gu yɛmenne velaa ka ba ta wa bɛlle yɛ. Bonso, noba yaga na wa la N yuori eŋɛ, a wa yeli, ‘Maa la o!’ kyɛ la yeli, ‘A saŋ peɛlɛɛ la!’ Yɛ ta wa tuuro ba.”

Galesiya 6:3

Bonso, ka a banaŋ naŋ ba waa bonzaa kyɛ teɛrɛ ka ba waa la bonkaŋ, bɛllɛ la bamenne.

EFESU 4:14

A ba la seŋ ka te naŋ waa bibiiri ka noba daara te viire ne ba wuluu sobie saseɛ zaa naŋ fuuro, ane ba nyaayɛlɛ a yi ba bɛlbɛl-sobie.

EFESU 5:6

Yɛ ta vɛŋ ka neɛzaa bɛlle yɛ ne yelfoglo, bonso a yɛlɛ ama zuiŋ la ka Naaŋmen supuriyaaraa waana a banaŋ naŋ zagra O noɔre eŋɛ.

KOLO 2:18

Yɛ ta vɛŋ ka neɛzaa yeli ka yɛ ba seŋ ne a, kyɛ yele o naŋ gaŋ yɛ, a nyɛrɛ nyaabo kyɛ puoro malekere, a wullo o meŋɛ ka a ba tu sori ne nensaalba teɛroŋ,

KOLO 2:8

Yɛ gu yɛmenne velaa ka neɛzaa ta wa de yɛmbaŋ yɛlɛ ane bɛllɛ nyɔge ne yɛ eŋ seeloŋ gbaŋgbaaloŋ poɔ, a yi nensaalba wuluu yɛlɛ ane a teŋɛzu sefaare, kyɛ ka a ba e seŋ a Kirista naŋ boɔrɔ lɛ.

II Tesa 2:3

Yɛ ta vɛŋ ka neɛzaa bɛlle yɛ sori zaa poɔ, bonso, a bebiri na koŋ wa sɛre ka a nɔzagra ba daŋ de weɛ wa, kyɛ ka ba iri a koŋwoŋwuluu soba wuli; ona la ka ba nare biŋ a na sãã.

1 Gyn 4:1

N poyɛŋ noba, yɛ ta sage de seɛ zaa yɛlɛ, kyɛ yɛ maŋ e a seere nyɛ ka a yi la Naaŋmen zie be, bonso, kaŋwaa Ŋmen-yelmanneba yaga yi kpɛ la a teŋɛzu.