Matio Gane 16:3 - Naaŋmen Nɔpaalaa Gane

³ Ka baguo saŋ meŋ, ka yɛ yeli, ‘Sakpoŋ na wa la, bonso, a saluoni mɔrɔ la.’ Yɛ baŋ la lɛ yɛ naŋ maŋ toɔ̃ kaa a saluoni a baŋ bon naŋ na e, kyɛ pãã kontoɔ̃ kaa a baŋ a bebie ŋa yelwulii.

Matio Gane 16:3 ပူးပေါင်းရင်းမြစ်များ

Matio Gane 11:5

a zɔnne nyɛrɛ la, ka a gbɛrɛɛ kyɛnɛ, ka kɔnne nyɛrɛ ba sammo, ka a wonni wono, ka kuuni leɛrɛ ire, kyɛ ka ba moɔle a Ŋmen-yelnoore korɔ a nandemee.

Matio Gane 15:7

Yɛnee bampuori-kombampoɔ mine! A Ŋmen-yelmanna Azaaya da yelee yelmeŋɛ kyaare ne yɛ, o naŋ da yeli:

Matio Gane 22:18

Kyɛ a Yeezu naŋ da baŋ a ba teɛroŋ faa yɛlɛ la ka O da yeli, “Bonso ka yɛ boɔrɔ ka yɛ e ma nyɛ, yɛnee bampuori-kombampoɔ mine?

Matio Gane 23:13

“Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Bonso, yɛ lare la noba bare yeŋeŋ ka ba ta kpɛ a tenvelaa naaloŋ. Yɛ menne ba kpeɛrɛ kyɛ ba la sage ka noba naŋ boɔrɔ ka ba kpɛ be meŋ kpɛ.

Matio Gane 4:23

Yeezu da yɔ la a Galili paaloŋ zaa, a kanna noba ba puoruuderi pooreŋ, kyɛ manna a tenvelaa naaloŋ yelnoore korɔ ba kyɛ saŋna a noba baaloŋ boorɔ zaa.

Matio Gane 7:5

Fõõ bampuori-kombampoɔ ŋa, daŋ iri a wɛge naŋ be fo meŋɛ nimiri poɔ bare, lɛ ka fo na nyɛrɛ velaa a pãã toɔ̃ iri a muri bare fo tɔsoba nimiri poɔ.

Luka 11:44

Yɛ yuori la we! Yɛ waa ŋa yaare naŋ ba maŋ sãã, ka noba ba baŋ kyɛ maŋ do kyɛnɛ a zu.”

Luka 12:56

Yɛnee bampuori-kombampoɔ mine! Yɛ maŋ toɔ̃ kaa la a teŋɛ ane a saluoni kyɛ baŋ lɛ a zie naŋ na waa, kyɛ bonso ka yɛ ba toɔ̃ baŋ a zenɛ bebie yɛlɛ eŋ?”

Luka 13:15

Ka Yeezu yeli sɔge o, “Yɛnee bampuori-kombampoɔ mine! Yɛ buo soba la ba maŋ yuo a o naadɛre bee a o boŋɔ ka o yi nyu koɔ̃ a pɛnnoo bebiri daare?

Hiburu 5:14

Saabo waa la noba naŋ baa bondiraa, a banaŋ yɛŋ naŋ kyele a yɛlɛ ba naŋ wuli ba, ka ba baŋ yelvelaa ane faaloŋ tɛɛtɛɛ.