Luka 9:49 - Naaŋmen Nɔpaalaa Gane

⁴⁹ Gyɔɔn da yeli sɔgɛɛ la, “Daana, te nyɛ la neɛ kaŋ ka o digre sefaare a fo yuori eŋɛ, ka te da moɔrɔ ka te pigi o sori, bonso, o ba waa te kaŋ.”

Luka 9:49 ပူးပေါင်းရင်းမြစ်များ

Matio Gane 3:14

A Gyɔɔn da ba sagra ka o ko a Yeezu a suobu, kyɛ yele, “Maa la da seŋ ka fo ko ma suobu, kyɛ ka fo meŋ la wa n zie ka n ko fo suobu?”

Luka 5:5

Ka a Saamon Piita yeli sɔge, “Daana, te toŋɛɛ la a tensogɔ zaa, kyɛ ba nyɔge bonzaa. Kyɛ anealɛzaa, fo naŋ yeli zuiŋ, N na lɔɔ la a zonkyogri.”

Luka 9:33

A dɔbɔ naŋ deɛ da wa bare a Yeezu kyɛ gɛrɛ la ka Piita yeli ko a Yeezu, “Daana, a na soma la ka te be a kyɛ; vɛŋ ka te ti segre ata, ka fo so kaŋ, ka Moozul so kaŋ, ka Elaagya meŋ so kaŋ.” Kyɛ a Piita da ba baŋ bonna o naŋ yele.

Toma 5:28

“Te da kpãã yɛ la ka yɛ ta kanna a noba a dɔɔ ŋa yuori eŋɛ, kyɛ ka yɛ paale a Gyɛruzɛlɛm zaa ne a yɛ kannoo, a boɔrɔ ka a dɔɔ ŋa zẽẽ do te.”

I Tesa 2:16

ne ba naŋ da pigre te sori ka te na ta wa moɔle a Ŋmen-yelnoore ko a Nemboore-yobo ka ba nyɛ faabo. A lɛ ka ba erɛ ka a ba yelbebe gboŋno duoro zu tegitegilɛ; kyɛ a baaraa zaa, Naaŋmen supuriyaaraa na do ba la.