Luka 9:26 - Naaŋmen Nɔpaalaa Gane

²⁶ Banaŋ naŋ zoro ma ane a N yelbie vi, a Nensaala Bie meŋ na zo la ba vi, ka O naŋ wa wa a O puubu ane a Saa puubu poɔ, a de ne a maleke sonne.

Luka 9:26 ပူးပေါင်းရင်းမြစ်များ

Matio Gane 16:27

“A Nensaala Bie ne O malekere na wa la a O Saa veɛloŋ poɔ. A pãã wa ko neɛzaa san-yɔɔ a seŋ lɛ o naŋ toŋ.

Matio Gane 25:31

“Ka a Nensaala Bie wa wa a O veɛloŋ poɔ, a laŋ ne a malekere zaa, O pãã na wa zeŋ la O veɛloŋ nakogi zu.

Matio Gane 26:64

Ka a Yeezu yeli ko o, “Fõõ la yeli a lɛ. Kyɛ N yele korɔ fo la, A yi a ŋaa gɛrɛ, yɛ na nyɛ la a Nensaala Bie ka O zeŋ a Kpeɛ̃õ Zaa Daana nuduluŋ seŋ a yi a sazu sagama poɔ waana.”

Marko Gane 8:38

Banaŋ zaa naŋ zoro N vi ane N yelbie vi a zenɛ noba naŋ ba zoro Naaŋmen ane yelbe-erebɛ zie, a Nensaala Bie meŋ na zo la ba vi ka O naŋ wa leɛ waana ne a O maleke sonne a O Saa veɛloŋ poɔ.”

Gyɔɔn 12:43

bonso, ba da nɔŋ la puubu naŋ yire nensaalba zie a gaŋ puubu naŋ yire Naaŋmen zie.

Gyɔɔn 5:44

Wola ka yɛ na e de Naaŋmen yɛlɛ ka yɛnee sagra derɛ puubu naŋ yire yɛ nensaaltaaba zie, kyɛ ba boɔrɔ puubu naŋ yi a soba na yoŋ naŋ waa Naaŋmen?

Toma 10:22

Ka ba da yeli sɔge, “Konelio, a sogyɛre kɔɔ neŋkpoŋ, la toŋ te. O waa la nemmeŋɛ, a zoro Naaŋmen kyɛ taa yosoŋ a Gyuumine zaa zie. Ona la ka maleke soŋ da wa yeli ka o toŋ boɔle fo ka fo wa o yiri, ka ka o woŋ bonna yeli fo naŋ taa na yeli.”

Urom 1:16

N ba zoro a Ŋmen-yelnoore vi, bonso, o waa la Naaŋmen kpeɛ̃õ a ko neɛzaa naŋ taa yeldeebo ka o nyɛ faabo. A Gyuumine la a danweɛ deme, kyɛ ka a Giriki noba meŋ pãã tu.

Korinti 12:10

Azuiŋ, N poɔ pɛle ne la bambaaloŋ, zoma, tuo, dɔgroŋ ane yelwolɔ a Kirista zuiŋ, bonso, saŋ na zaa N naŋ maŋ wa waa bambaala, lɛ la ka N maŋ taa faŋ.

Galesiya 6:14

Maa eŋ daŋ koŋ e pɔloo yelzaa eŋɛ ka a te Daana Yeezu Kirista dagaraa yoŋ eŋɛ naane. O zuiŋ la ka ba kpa a andonɛɛ n nyɔvore poɔ kyɛ kpa n meŋ a andonɛɛ zie

1 Tim 5:21

N kpaana fo la a Naaŋmen ane a Kirista Yeezu ane a malekere ba naŋ kaa-iri niŋesogɔŋ, ka fo tuuro a wuluu ama a ta ogro, a ta erɛ yelzaa ne nɔnne.

2 Tim 1:12

kyɛ a ŋaa zuiŋ la ka N wono a tuo ŋa N naŋ wono. Kyɛ vi ba kpeɛrɛ ma, bonso, N baŋ la neɛ na N naŋ dɛle. N sereŋ baŋɛɛ la ka O na toɔ̃ gu la bonna N naŋ de ko O te ta a bebiri na daare.

2 Tim 2:12

ka teneŋ di kannyiri, te meŋ na laŋ ne O la di naaloŋ; ka teneŋ zagre O bare, O meŋ na zagre te la bare;

Hiburu 11:26

O da nyɛɛ la ka dɔgɛɛ o naŋ na nyɛ a Kirista zuiŋ waa naboma yaga gaŋ a Igyipiti teŋɛ naboma, bonso, o da kyɛllɛ la ka o nyɛ a kyɔɔtaa naŋ be o niŋeŋ waana.

Hiburu 13:13

Yɛ e ka te pãã gaa O zie a yeŋ poɔ, a sage de a vi O naŋ da di.

Gyud 1:14

A noba bama yɛlɛ la ka Enɔke naŋ waa a sããkommine dɔge-tu-taa bayopoi soba naŋ yi Adama puoriŋ da yeli Ŋmen-yelmanna yelyelii a yele, “Yɛ nyɛ, a Daana taa la O nensonne turi pie waana ne,

Yel-iriwulaa Gane 1:7

Yɛ nyɛ! O yi la a sagama poɔ waana; ka nensaala zaa na nyɛ O, haali a banaŋ naŋ kyɔge O ne a kpane; kyɛ a tendaa nemboorɔ zaa na koŋ la O yɛlɛ. A lɛ la ka a na waa. Ameena.

Yel-iriwulaa Gane 20:11

N pãã da nyɛ la nakog-pelaa naŋ waa kpoŋ ane a soba na naŋ da zeŋ o zu. A teŋɛ ane a sazu da zo yi la O niŋesogɔ, ka ba da ba nyɛ zie zaa na ko a.

Yel-iriwulaa Gane 21:8

Kyɛ a dabeɛ̃ deme eŋ, a banaŋ naŋ ba taa yeldeebo, a nendɛgɛ, a neŋkooreba, a banaŋ naŋ toŋ peɛ̃mo toma, a banaŋ naŋ erɛ sɔyɛlɛ, a banaŋ naŋ puoro tebɛ ane zirŋmaareba zaa zie la a baa naŋ dire vũũ ane gyirimuri, a kũũ boyi soba la a ŋa.”

Yel-iriwulaa Gane 3:5

Ka fõõ wa zɔɔtoɔ̃, ba na su fo la kparpelaa aŋa ba naŋ su ba lɛ, kyɛ N koŋ sãã a fo yuori bare a nyɔvore gane poɔ. N na pore la fo yosoŋ a N Saa ane O malekere niŋesogɔ.