Luka 9:22 - Naaŋmen Nɔpaalaa Gane

²² a yele, “A Nensaala Bie na nyɛ la dɔgɛɛ yaga, ka a nembɛrɛ, a Naaŋmen bagmaalkare ane a Naaŋmen bege wulwulibo zagre O bare. Ba na ko O la, kyɛ ka a beri ata daare ka ba e ka O leɛ-iri yi a kuuni poɔ.”

Luka 9:22 ပူးပေါင်းရင်းမြစ်များ

Matio Gane 17:12

Kyɛ N yele korɔ yɛ la ka a Elaagya daŋ de la weɛ wa, kyɛ ka a noba ba baŋ o, a e o lɛ ba naŋ boɔrɔ. A lɛ meŋ la ka a Nensaala Bie na nyɛ dɔgɛɛ a ba nuuriŋ.”

Matio Gane 17:22

Ba naŋ da wa laŋna taa Galili poɔ, a Yeezu da yeli ko ba la, “Ba na de la a Nensaala Bie eŋ nensaalba nuuriŋ,

Matio Gane 27:63

a yeli, “Neŋkpoŋ, te leɛ-teɛre la a yeli na a zirŋmaara ŋa naŋ da yeli O vore saŋ, ‘N na leɛ-iri yi la a kuuni poɔ a beri ata puoriŋ.’

Marko Gane 8:31

Lɛ la ka a Yeezu da piili kanna ba, ka a ferɛɛ la ka a Nensaala Bie di dɔgɛɛ yaga, ka a nembɛrɛ ane a Naaŋmen bagmaalkare ane a Naaŋmen bege wulwulibo zagre O bare, ka ba ko O kyɛ a beri ata puoriŋ ka O leɛ-iri yi a kũũ poɔ.

Marko Gane 9:31

bonso O da kanna la a O potuuribo, a yele korɔ ba, “Ba na de la a Nensaala Bie eŋ nensaalba nuuri poɔ, ka ba ko O, kyɛ a beri ata daare O na leɛ-iri yi la a kũũ poɔ.”

Luka 17:25

Kyɛ O na daŋ nyɛ la dɔgɛɛ yaga, ka a zenɛ noba zagre O bare.

Luka 24:26

A da ba seŋ ka a Mɛzaaya di a dɔgɛɛ ama kyɛ pãã kpɛ a O naaloŋ poɔ be?”

Luka 24:44

Lɛ la ka O da yeli ko ba, “A N yelbie N naŋ da yeli ko yɛ saŋ na N naŋ da naŋ be a yɛ zie la lɛ; ka a yɛlɛ zaa ba naŋ sɛge kyaare ne ma a Moozul sɛgre gane poɔ ane a Ŋmen-yelmanneba sɛgre gama poɔ ane a yiele gane poɔ na nyɛ la eebo.”

Luka 24:7

ka a ferɛɛ la ka ba de a Nensaala Bie eŋ a nenfaare nuuriŋ ka ba kpa O dagaraa zu, kyɛ ka a beri ata daare ka O leɛ-iri a kuuni poɔ.”

Luka 9:44

“Yɛ vɛŋ ka a yelbie ama kpɛ yɛ tobo poɔ velaa: Ba na de la a Nensaala Bie eŋ nensaalba nuuriŋ.”

1 Kor 15:4

Ka ba da ũũ O la, ka O da leɛ-iree a kuuni poɔ a beri ata daare a seŋ a gansoŋ naŋ yeli lɛ,

1 Pit 1:11

Ba da peɛrɛɛ la ka ba baŋ a soba bee a saŋ a Kirista Vooroŋ naŋ be a ba poɔ a boɔrɔ ka O yeli, O naŋ da daŋ di danseɛ kyaare ne a dɔgɛɛ ba naŋ da nare biŋ a Kirista ane a puubu naŋ na tu a lɛ puoriŋ.