Luka 8:13 - Naaŋmen Nɔpaalaa Gane

¹³ A bombie na naŋ le a piiri zu la a banaŋ naŋ maŋ woŋ a Naaŋmen yelbiri, a de ne popeɛloŋ. Kyɛ a yelbiri naŋ ba tɛ nyaga ba sukyie poɔ zuiŋ, ba maŋ sage de la a yɛlɛ kyɛ ka toɔrɔ wa kpɛ ba ka ba le.

Luka 8:13 ပူးပေါင်းရင်းမြစ်များ

Marko Gane 6:20

bonso, a Hɛrɔde da zoro la a Gyɔɔn dabeɛ̃, o naŋ da baŋ ka o waa la nemmeŋɛ, a e neɛ naŋ ba taa faaloŋ zaa. A Hɛrɔde da guuro o la velaa ka ka yelzaa ta wa e o. Ka a Hɛrɔde wa woŋ a Gyɔɔn kannoo o yɛŋ da maŋ gyɛre la, kyɛ anealɛzaa o da maŋ nɔŋ ka o kyɛllɛ a Gyɔɔn kannoo.

Luka 8:12

A bombie anaŋ naŋ le a sobiri zu la a noba naŋ woŋ a Naaŋmen yelbiri kyɛ ka a sebɛlbɛllɛ wa nyɔge iri bare ba sukyie poɔ, ka ba na ta sage de a nyɛ faabo.

Luka 8:14

A bombie na naŋ le a goore poɔ la banaŋ naŋ maŋ woŋ a yelbiri; kyɛ a ba yeldeebo poɔ, a teŋɛzu bombɔ yɛlɛ ane a bondaa-yɛlɛ maŋ fogle la a ba yeldeebo ko.

Gyɔɔn 15:2

O maŋ kyɛ la ulee na zaa naŋ be N eŋɛ kyɛ ba wɔnɔ wɔmɔ bare. Ulee na zaa naŋ wɔnɔ wɔmɔ, O maŋ gbɛnne o la ka o na wɔŋ yaga.

Gyɔɔn 15:6

Soba na zaa naŋ ba be N poɔ, ba na lɔɔ o la bare aŋa teɛ ulee ka o ko. A ulli ama taaba, ba na wuo a la lantaa a lɔɔ eŋ vũũ poɔ ka a di.

Gyɔɔn 5:35

A Gyɔɔn da waa la fentelɛ naŋ dire, a kyaana, ka yɛ da boɔrɔ ka yɛ kyelle belaa a o kyaane poɔ.

1 Kor 13:2

Ka maa taa Ŋmen-yelmanna kpeɛ̃õ, a baŋ a Naaŋmen yelsɔglɔ zaa, a taa yɛmboorɔ zaa, a taa yeldeebo zaa naŋ na toɔ̃ iri tanne gaa ne ziyuo, kyɛ ba taa nɔmmo, N ba waa bonzaa.

1 Kor 15:2

Ka yɛnee nyɔge kpeɛŋaa a yɛlɛ N naŋ moɔle ko yɛ, yɛ na nyɛ la faabo, ka lɛ naane, a yɛ sagedeebo na e la weɛlɛ.

Galesiya 3:1

Yɛnee Galesiya deme dambolo ŋa! Nembuo la de o sɔyɛlɛ bɛlle nyɔge ne yɛ? Yɛ nimiriŋ la ka ba da kpa a Yeezu Kirista a dagaraa zu!

Galesiya 3:4

A yɛlɛ yaga na zaa yɛ naŋ da baŋ waa la weɛlɛ be? Serɛzaa, a koŋ baŋ waa weɛlɛ.

EFESU 3:17

kyɛ ka a Kirista tu a yɛ yeldeebo zie a wa be yɛ sukyie poore ka yɛ tɛ nyaga a are kpeɛŋaa nɔmmo poɔ.

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

KOLO 2:7

a tɛ nyaga kyɛ baa do O eŋɛ a are kpeɛŋaa a yeldeebo poɔ, aŋa lɛ ba naŋ da wuli yɛ, ka a yɛ bareka puoruu duoro zu.

I Tesa 3:5

A ŋaa zuiŋ, N naŋ da koŋ la baŋ di kannyiri, N da toŋɛɛ la ka ba wa peɛre yɛlɛ kyaare ne a yɛ yeldeebo; N da zoro la dabeɛ̃ ka kaapɔge a sebɛlbɛllɛ bɛlle yɛ la ka a toma te naŋ toŋ waa weɛlɛ.

1 Tim 1:19

a taa yeldeebo ane teɛroŋ soŋ. A noba mine naŋ da zagre a teɛroŋ soŋ ŋa bare zuiŋ, a ba yeldeebo da lee la.

Hiburu 10:39

Kyɛ te ba poɔ a banaŋ naŋ leɛ puori a bɔre poɔ, kyɛ te poɔ la a banaŋ naŋ taa yeldeebo ka a lɛ e ka ba nyɛ faabo poɔ.

Gyimisi 2:26

Aŋa lɛ eŋɛ naŋ ba taa vooroŋ naŋ maŋ leɛ kũũ, lɛ meŋ ka yeldeebo naŋ ba taa toma maŋ e kũũ.

2 Pit 2:20

Bonso, banaŋ naŋ zo yi a teŋɛzu yelfaare poɔ, ba naŋ wa baŋ a te Daana ane a te Faara Yeezu Kirista zuiŋ, kyɛ wa leɛ gaa te kpɛ a poɔ, ka a toɔ̃ ba, a na waa la faa yaga ko ba gaŋ a dɛndɛŋ na.

2 Pit 2:22

A yɛlɛ eɛɛ ba zie a kyaare ne lɛ a sekpɔgre naŋ yeli: “A baa leɛ di la o meŋɛ tiiri,” ka, “a dobaa ba naŋ so koɔ̃ leɛ gaa meele mɛmɛrɛɛ.”

1 Gyn 2:19

Ba da yi la te poɔ, kyɛ ba da ba e te noba, bonso, ka ba naŋ da e te noba, ba da na kyɛnɛ be la te poɔ. Kyɛ ba naŋ yi a te poɔ gaa wulee weliweli ka ba kanzaa ba waa te neɛ.

Gyud 1:12

A bama waa la nendɛgɛ naŋ maŋ be a yɛ nɔmmo tige ziiri, a maŋ laŋ dire ne yɛ kyɛ ba zoro dabeɛ̃, a guolo bamenne. Ba waa la sagama naŋ ba taa koɔ̃ ka saseɛ fuuro a gɛrɛ ne, a waa ŋa teere naŋ ba wɔnɔ kpankyaane saŋ, a kpi a zaa ka ba tu a lɔɔ bare.