Luka 8:10 - Naaŋmen Nɔpaalaa Gane

¹⁰ Ka O da yeli, “Yɛnee eŋ ba ko yɛ la a Naaŋmen naaloŋ yelsɔgle bammo, kyɛ a banaŋ naŋ kyɛre, sekpɔgɔ la ka N na maŋ lɔɔ ko ba, ka ba na: ‘maŋ kaara kyɛ koŋ baŋ nyɛ, a kyɛllɛ wono kyɛ koŋ baŋ a tɛgɛ.’ ”

Luka 8:10 ပူးပေါင်းရင်းမြစ်များ

Matio Gane 11:25

A saŋ na, Yeezu da yelee la, “N Saa, sazu ane teŋɛ Daana, N puoro fo la bareka, ne fo naŋ sɔgle a yɛlɛ ama a yɛndeme ane bambaŋnema zie kyɛ iri a wuli bilɛɛre;

Matio Gane 16:17

Ka Yeezu yeli ko o, “Fo nyɛ la maaloo, Saamon, Gyona bidɔɔ! Bonso, eŋgane ane zẽẽ naane wuli fo a yeli ŋa tɛgɛ, kyɛ N Saa naŋ be tenvelaa poɔ la wuli fo.

Marko Gane 4:11

Ka a Yeezu yeli ko ba, “Yɛnee eŋ ba ko yɛ la a Naaŋmen naaloŋ yelsɔglaa bammo. Kyɛ a banaŋ naŋ ba poɔ yɛ poɔ, sekpɔgɔ la ka ba maŋ lɔɔ ko ba;

Marko Gane 4:12

lɛ la: ‘ba sereŋ na maŋ furi kaara la, kyɛ koŋ nyɛ bonzaa, a sereŋ kyɛllɛ, kyɛ koŋ baŋ a tɛgɛ; a na erɛ wa leɛ ba eebo a nyɛ yelbebe sudi.’ ”

Gyɔɔn 12:40

“O eɛɛ la ka ba nimie zɔŋ kyɛ ka ba sukyie dare, ka ka ba kontoɔ̃ kaa nyɛ ne ba nimie, a na baŋ a tɛgɛ ne ba yɛŋ a leɛ ba eebo, ka N saŋ ba.”

Urom 16:25

Pampana ŋa, ka a Naaŋmen naŋ na toɔ̃ ko yɛ faŋ a seŋ a n yelnoore ane a Yeezu Kirista yɛlɛ moɔloo ane a yelsɔgle iri-wuluu ba naŋ da sɔgle bare yuomo yaga,

1 Kor 12:11

A ama zaa waa la a Vooroŋ Soŋ ne O zu toma ka O poŋ ko a noba zaa a seŋ O naŋ boɔrɔ lɛ.

KOLO 2:2

N boɔrɔ la ka ba nyɔge bamenne kyɛ e yeni nɔmmo poɔ, ka ka ba na taa yɛlɛ tɛgɛ bambaare bondaanoŋ zaa, kyɛ taa a Naaŋmen yelsɔglɔ yelbammo, Ona la a Kirista meŋɛ.

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.