Luka 7:16 - Naaŋmen Nɔpaalaa Gane

¹⁶ Dabeɛ̃ da kpɛ la a noba zaa, ka ba ire Naaŋmen yuori a yele, “Ŋmen-yelmanna kpoŋ yi la a te poɔ!” kyɛ ka “Naaŋmen kaa O noba ane nimibaaloŋ.”

Luka 7:16 ပူးပေါင်းရင်းမြစ်များ

Matio Gane 15:31

A noba nɔɛ da maaɛ la, ba naŋ da wa nyɛ ka a muuni yele yɛlɛ, ka neŋkɔgre leɛ neŋkpeɛne, ka wɔɔre kyɛnɛ, kyɛ ka a zɔnne nyɛrɛ. Ka ba da puu a Izerayɛl Naaŋmen.

Matio Gane 21:11

Ka a nembeɛoŋ da yele, “Yeezu a Ŋmen-yelmanna naŋ yi Naazɛrɛ naŋ be a Galili paaloŋ poɔ la.”

Matio Gane 28:8

Ba da leɛ yi la a yaa zie wieouŋ lɛ ane dabeɛ̃ ane kyelloo yaga, a zoro ka ba te yeli ko a O potuuribo.

Matio Gane 9:8

A nembeɛoŋ naŋ da wa nyɛ a lɛ, dabeɛ̃ da kpɛ ba la yaga zaa, ka ba puuro Naaŋmen yuori, ane O naŋ de kpeɛ̃õ ŋa tɔ ko nensaalba.

Luka 1:65

Dabeɛ̃ da kpɛ la a ba gbandige na noba zaa, kyɛ ka ba da ŋmɛ a yɛlɛ yaare a Gyudiya paaloŋ zaa.

Luka 1:68

“Ka a Daana, a Izerayɛl Naaŋmen nyɛ puubu, bonso, O leɛ la O nimimaaroŋ kyaare ne O noba kyɛ faa ba.

Luka 19:44

Ba na ŋmore fo la lɔɔ teŋɛ a laŋ ne a fo biiri zaa naŋ be fo poɔ. Ba koŋ bare kuuri zaa ka o dɔgle o tɔ zu, bonso, fo da ba kyɛlle a saŋ na Naaŋmen naŋ wa ka O faa fo.”

Luka 2:20

A pekyeemɛ da leɛ kulee la, a danna Naaŋmen kyɛ ire O yuori ane a yɛlɛ na zaa ba naŋ da woŋ kyɛ nyɛ, ka a tu a lɛ ba naŋ da yeli ko ba.

Luka 24:19

Ka a Yeezu soore ba, “Boŋ yɛlɛ?” Ka ba yeli sɔge, “A Yeezu naŋ yi a Naazɛrɛ yɛlɛ wɛ. A dɔɔ ŋa da e la Ŋmen-yelmanna naŋ e gandaa, O tontonne poɔ ane O kannoo poɔ a Naaŋmen niŋesogɔ ane a noba zaa niŋesogɔ,

Luka 5:26

Nɔmaa da kpɛ la a noba zaa ka ba da danna Naaŋmen kyɛ ka dabeɛ̃ da kpɛ ba ka ba yele, “Te nyɛ la yelsaama zenɛ.”

Luka 5:8

Kyɛ Saamon Piita naŋ da wa te nyɛ a lɛ, o da gbi la dumo a Yeezu niŋesogɔ a yele, “Sɛre yi N zie, Daana, bonso, N waa la yelbe-erɛ!”

Luka 7:15

A kũũ da iri zeŋɛɛ la a piili yele yɛlɛ, ka a Yeezu da de o ko o ma.

Luka 7:39

A Farazii na naŋ da boɔle a Yeezu naŋ da nyɛ a lɛ, o da teɛre la o poɔŋ, “Ka a dɔɔ ŋa da waa Ŋmen-yelmanna, O da na baŋ la neɛ na naŋ la a pɔge ŋa naŋ toɔrɔ O; ka o waa la yelbe-erɛ.”

Luka 8:37

Lɛ la ka a Gerasene paaloŋ noba zaa da yeli a Yeezu ka O yi a teŋɛ poɔ kyɛ bare ba; bonso, dabeɛ̃ da kpɛ ba la yaga. Lɛ la ka a Yeezu te kpɛ gbori a leɛ gaa.

Luka 9:19

Ka ba da yeli sɔge, “Ba mine yeli ka Gyɔɔn Bati, ka ba mine yeli ka Elaagya, kyɛ ka ba mine meŋ naŋ yeli ka a dakoroŋ Ŋmen-yelmanna kaŋ la leɛ-iri yi a kuuni poɔ.”

Gyɔɔn 1:21

Ka ba da soore o, “Ka wola pãã la? Fõõ la a Elaagya be?” Ka o da yeli, “Maa naane.” “Fõõ la a Ŋmen-yelmanna be?” Ka o da yeli sɔge, “Ai.”

Gyɔɔn 1:25

Ba da soore la a Gyɔɔn, “Ka fõõ ba wa e a Mɛzaaya, a ba e Elaagya, a ba e a Ŋmen-yelmanna, ka boŋ pãã so ka fo terɛ suobu?”

Gyɔɔn 4:19

Ka a pɔge da yeli ko O, “Daana, N nyɛɛ la ka fo waa la Ŋmen-yelmanna.

Gyɔɔn 6:14

A noba naŋ da wa nyɛ a yelwulaa a Yeezu naŋ da e, ba da piili yele la, “A Ŋmen-yelmanna na naŋ waana a teŋɛzu sereŋ la a ŋa.”

Gyɔɔn 9:17

Lɛ la ka a Faraziimine da laboreŋ soore a dɔɔ, “Boŋ ka fo na yeli kyaare ne a dɔɔ ŋa naŋ yuo a fo nimie?” Ka a dɔɔ da yeli, “O waa la Ŋmen-yelmanna.”

Toma 5:5

A Ananeɛ naŋ da wa woŋ a yelbie ama, o da lee la a kpi. Dabeɛ̃ kpoŋ da kpɛ la banaŋ zaa naŋ da woŋ a yeli ŋa.

Toma 7:37

A Moozul ŋa la da yeli ko a Izerayɛl biiri, ‘Naaŋmen na kaa-iri la Ŋmen-yelmanna a yɛ poɔ aŋa O naŋ kaa-iri ma lɛ.’

Galesiya 1:24

Ba da puu la Naaŋmen a n zuiŋ.