Luka 6:30 - Naaŋmen Nɔpaalaa Gane

³⁰ Ko neɛzaa naŋ sɔre bon yi fo zie, kyɛ ka neɛzaa wa de fo boma, ta la soore de a.

Luka 6:30 ပူးပေါင်းရင်းမြစ်များ

Matio Gane 18:35

A lɛ la ka N Saa naŋ be a tenvelaa poɔ meŋ na e ko yɛ kanzaa, ka yɛnee ba dire suuri korɔ yɛ yɔɔmine ane yɛ yɔɔpuuli ne yɛ sukyie zaa.”

Matio Gane 5:39

Kyɛ maa yele korɔ yɛ la: Ta yɔɔ neɛ naŋ e fo faa ne faaloŋ. Kyɛ ka neɛ wa va fo duluŋ lampɛgreŋ, leɛ a gɔɔ meŋ ko o ka o fale;

Matio Gane 6:12

Di te saanaa suuri ko te, aŋa lɛ te naŋ dire suuri korɔ banaŋ naŋ sãã te.

Luka 11:41

Azuiŋ yɛ de boma naŋ be a yɛ ŋmane ane a laa poore ko nembaalba, kyɛ nyɛ, bonzaa na eɛɛ velaa ko yɛ.”

Luka 12:33

Yɛ koɔre yɛ boma a de a libie ko nembaalba. Yɛ maale libi-woore na naŋ koŋ sãã ko yɛmenne, a boɔrɔ tenvelaa naboma naŋ ba baara, be ka nannyige zaa kontoɔ̃ wa zu a, ka danduli zaa kontoɔ̃ di a.

Luka 18:22

A Yeezu naŋ da woŋ a ŋaa, O da yeli ko la a dɔɔ, “Yelyeni kaŋ la kyɛre ka fo ba taa. Koɔre a boma na zaa fo naŋ taa, a de a libie poŋ nembaalba kyɛ fo na taa la naboma a tenvelaa poɔ, kyɛ pãã wa tuuro ma.”

Luka 6:29

Ka neɛzaa wa fale fo lampɛgreŋ, leɛ a onaŋ meŋ ko o, ka o fale, kyɛ ka neɛ wa faa fo kpar-lee, ta mɔŋ o a fo kpar-kpoŋ meŋ.

Luka 6:31

Yɛ erɛ korɔ yɛ taaba lɛ yɛ naŋ boɔrɔ ka ba erɛ korɔ yɛ.”

Luka 6:38

yɛ maŋ tere, kyɛ Naaŋmen na ko yɛ la. O na manne la ka a paale, ka O dii eŋ, a zɛgre zɛgre, ka a pa te doɔrɔ yaara, ka ba de ko yɛ. A lɛ fo naŋ manne seŋ a tere, lɛ ka ba na leɛ manne seŋ a ko fo.”

Toma 20:35

A yɛlɛ ama zaa poɔ, N wuli yɛ la ka toma tommo poɔ la ka te na toɔ̃ soŋ a nembaalba, kyɛ teɛre a yelbie a Daana Yeezu meŋɛ naŋ da yeli, ‘A e la maaloo yaga ka fo tere a gaŋ fo naŋ derɛ.’ ”

Korinti 8:9

Bonso, yɛ baŋ la a te Daana Yeezu Kirista nɔmmo toma, aneazaa ka O da waa la bondaana, kyɛ O da leɛ la nandaana a yɛ zuiŋ, ka a O nandaanoŋ zuiŋ, ka yɛ na leɛ bondaanema.

EFESU 4:28

A ferɛɛ la ka nannyigri bare zuubu, kyɛ maŋ de ba nuuri tonɔ ne toma naŋ seŋ ne, a na maŋ toɔ̃ nyɛ bonkaŋ soŋ ne a nembaalba.