Luka 6:20 - Naaŋmen Nɔpaalaa Gane

²⁰ Lɛ ka a Yeezu da leɛ gbole kaa a O potuuribo kyɛ yeli: “Yɛ banaŋ naŋ waa nembaalba nyɛ la maaloo, bonso, yɛnee la so a Naaŋmen naaloŋ.

Luka 6:20 ပူးပေါင်းရင်းမြစ်များ

Matio Gane 11:5

a zɔnne nyɛrɛ la, ka a gbɛrɛɛ kyɛnɛ, ka kɔnne nyɛrɛ ba sammo, ka a wonni wono, ka kuuni leɛrɛ ire, kyɛ ka ba moɔle a Ŋmen-yelnoore korɔ a nandemee.

Matio Gane 25:34

A naa pãã na yeli ko la banaŋ naŋ be o nuduluŋ seŋ, ‘Yɛ wa, yɛnee N Saa naŋ maale, yɛ wa di a naaloŋ gbandiruŋ ba naŋ nare bare yɛ, a yi a tendaa piiluu saŋ.

Matio Gane 5:1

A Yeezu naŋ da wa nyɛ a neŋyaga, O da do la taŋ kaŋ zu; O naŋ da wa te zeŋ baare, a O potuuribo da wa la O zie.

Luka 12:32

“N noba, yɛ ta zoro dabeɛ̃, bonso, a yɛ Saa Naaŋmen poboɔbo la ka O ko yɛ a O naaloŋ.

Luka 13:28

Konni ane nyemɛ nyeroo na bebe la ka yɛnee wa nyɛ Aboraham, Aziki ane Gyekɔb ane a Ŋmen-yelmanneba zaa ka ba be a Naaŋmen naaloŋ poɔ kyɛ ka ba daa yɛnee bare yeŋe poɔ.

Luka 14:15

A tigri zie saana kaŋ naŋ da woŋ a ŋaa, o da yeli ko la a Yeezu, “Neɛ na zaa naŋ na di diibu a Naaŋmen naaloŋ poɔ nyɛ la maaloo!”

Luka 16:25

Ka Aboraham da yeli, ‘N bie, leɛ-teɛre nyɛ a fo nyɔvore saŋ, fo da nyɛ la a bonsonne na zaa fo naŋ da maŋ boɔrɔ, kyɛ ka Lazario eŋ da nyɛrɛ woore yoŋ. Pampana ŋa, o dire la noɔ a kyɛ, kyɛ ka fo dire tuo.

Luka 4:18

“A Daana Vooroŋ sigi ma la, bonso, O sɔ ma la ne kããsoŋ ka N moɔle a Ŋmen-yelnoore ko a nembaalba. O toŋ ma la ka N moɔle a faabo yɛlɛ ko a gbaŋgbaare kyɛ vɛŋ ka zɔnne nimie yuo, a e ka noba ba naŋ dɔgrɔ so bamenne,

Toma 14:22

A be, ba da yeli la yɛlɛ teɛ a potuuribo a ko ba faŋ paalaa ka ba na eŋ faŋ a kyɛnɛ a ba yeldeebo poɔ, a yele, “A ferɛɛ la ka te nyɛ dɔgroŋ yaga kyɛ pãã kpɛ a Naaŋmen naaloŋ poɔ.”

Korinti 6:10

Aŋa noba naŋ taa posaanaa kyɛ ka te taa popeɛloŋ tegitegilɛ, aŋa noba naŋ waa nandaanema kyɛ ka te erɛ ka noba yaga leɛrɛ bondaanema, aŋa noba naŋ ba taa bonzaa kyɛ taa bonzaa.

Korinti 8:2

Bonso a saŋ na ba naŋ da be dɔgroŋ kpoŋ poɔ, a ba kyelloo naŋ e kpoŋ kyɛ ka ba da ba taa ka a seŋ, ba da naŋ yuo la ba nuuri a tere kyɔɔtaare yaga.

Korinti 8:9

Bonso, yɛ baŋ la a te Daana Yeezu Kirista nɔmmo toma, aneazaa ka O da waa la bondaana, kyɛ O da leɛ la nandaana a yɛ zuiŋ, ka a O nandaanoŋ zuiŋ, ka yɛ na leɛ bondaanema.

I Tesa 1:6

Kyɛ yɛ da e la noba naŋ tɔglɔ te yel-erre ane a Daana yel-erre, aneazaa ka yɛ da be la dɔgɛɛ poɔ kyɛ yɛ da de la a Naaŋmen yelbiri a Vooroŋ Soŋ naŋ tere ne popeɛloŋ.

II Tesa 1:5

A ŋaa wuli la a Naaŋmen mennoŋ sɛrɛɛdiibu, kyɛ O boɔrɔ la ka O e ka yɛ waa noba naŋ seŋ ne a O naaloŋ. A Naaŋmen naaloŋ ŋa meŋ zuiŋ la ka yɛ dire a dɔgɛɛ.

Gyimisi 1:12

Soba na zaa naŋ di kannyiri toɔrɔ poɔ na nyɛ la maaloo. A neɛ ŋa soba naŋ toɔ̃ are a enyaabo poɔ zuiŋ, o na nyɛ la a nyɔvore nazupili na a Daana naŋ da eŋ noɔre ka O na ko la banaŋ naŋ nɔŋ O.

Gyimisi 2:5

N yɔɔmine ane n yɔɔpuuli N naŋ nɔŋ, yɛ kyɛlle woŋ. Naaŋmen mɔɔ naane kaa-iri a nandaanema a teŋɛzu a e ka ba taa yeldeebo bondaanoŋ, kyɛ waa a naaloŋ na O naŋ da eŋ noɔre ka O na ko la banaŋ naŋ nɔnɔ O gbandiribe be?

Yel-iriwulaa Gane 2:9

“N baŋ la a fo woore ane a fo nandaanoŋ yɛlɛ, aneazaa ka fo waa la bondaana. N baŋ la lɛ a banaŋ naŋ yeli ka ba waa la Gyuumine kyɛ ba waa Gyuumine naŋ saana fo yuori, a waa Setaana puoruu laŋne deme.