Luka 6:17 - Naaŋmen Nɔpaalaa Gane

¹⁷ A Yeezu ne a apostoliimine da yi la a taŋzu sigi wa are a zigbaŋgbalaa poɔ ka O potuuribo yaga ane nembeɛoŋ naŋ yi Gyudiya paaloŋ zaa, Gyɛruzɛlɛm, ane Taaya ane Sedɔŋ mane noɔre tenne zaa da wa a be.

Luka 6:17 ပူးပေါင်းရင်းမြစ်များ

Matio Gane 11:21

“Fo yuori la we, Korazen teŋɛ! Fo yuori la we, Bɛsaada teŋɛ! Ka a toŋkpeɛne ama naŋ toŋ yɛ poɔŋ, da toŋ Taaya ane Sedɔŋ tenne poore, ba da na su la boɔre-kparre, a zɛ tampɛloŋ, a leɛ ba eebo saŋ zaa.

Matio Gane 12:15

A Yeezu naŋ da wa te baŋ ne a lɛ, O da bare ba la kyɛ gaa. Noba yaga da tu O la ka O da saŋ ba zaa,

Matio Gane 14:14

O naŋ da wa ta a mane noɔre, O da nyɛ la nembeɛoŋ ka ba nembaaloŋ kpɛ O yaga, ka O da saŋ a ba baalba.

Matio Gane 15:21

A Yeezu da yi la a be, a gaa Taaya ane Sedɔŋ tenne paaloŋ.

Matio Gane 5:1

A Yeezu naŋ da wa nyɛ a neŋyaga, O da do la taŋ kaŋ zu; O naŋ da wa te zeŋ baare, a O potuuribo da wa la O zie.

Luka 5:15

Kyɛ lɛ ka a Yeezu yɛlɛ da maaleŋ yaare yaga a gaa tatenne, ka noba yaga da maŋ laŋ O zie ka ba woŋ O kannoo kyɛ ka O saŋ ba baaloŋ.

Luka 6:12

A beri na poɔ Yeezu da yi do la a taŋzu ka O te puori Naaŋmen. O da puori la a tensogɔ zaa ka zie te nyaa.

Luka 6:16

Gyudase, a Gyimisi bidɔɔ ane Gyudase Ezekarɔte, a onaŋ naŋ da yi a Yeezu puori.

Luka 6:18

Ba da waɛ la ka ba woŋ O yɛlɛ, kyɛ ka O na saŋ ba a yi ba baaloŋ poɔ, kyɛ ka banaŋ naŋ taa sefaare nyɛ ba sammo.