Luka 6:14 - Naaŋmen Nɔpaalaa Gane

¹⁴ Bana la: Saamon, ona la ka O da pore o yuori ka Piita, ane o yɔɔ Anduru, Gyimisi ane Gyɔɔn, Filipi ane Batolomi,

Luka 6:14 ပူးပေါင်းရင်းမြစ်များ

Matio Gane 10:2

A apostoliimine pie ne bayi na yoe la ama: a dɛndɛŋ soba la Saamon, ka o yuori kaŋ di Piita ane o yɔɔ Anduru, Gyimisi ane o yɔɔ Gyɔɔn, a Zɛbɛdii bidɔbɔ;

Matio Gane 10:3

Filipi ane Batolomi, Tɔmaase ane Matio naŋ da waa zuyɔɔ-derɛ, Gyimisi a Alfeo bidɔɔ ane Tadiyo;

Matio Gane 4:18

A Yeezu naŋ da kyɛnɛ a Galili mane noɔreŋ, O da nyɛ la yɔɔmine bayi, Saamon, ka o yuori kaŋ meŋ da di Piita ane o yɔɔ Anduru, ka ba lɔɔrɔ ba zonkyogri a mane poɔ, bonso, ba da waa la zonnyɔgrebɔ.

Matio Gane 4:21

O naŋ da yi a be gɛrɛ, O da la nyɛ la yɔɔmine bayi, Gyimisi ane o yɔɔ Gyɔɔn, naŋ waa Zɛbɛdii bidɔbɔ. Ba ne a ba saa da be la ba gbori poɔ a liire ba zonkyogri, ka O da boɔle ba.

Marko Gane 1:19

O naŋ da la kyɛŋ tɔle belaa la ka O nyɛ Zɛbɛdii bidɔbɔ Gyimisi ane o yɔɔ Gyɔɔn, ka ba be ba gbori poɔ a liire ba zonkyogri.

Marko Gane 1:29

A Yeezu ne a O potuuribo naŋ da wa yi a puoruudie poɔ, ba da gaa te kpɛ la Saamon ane o yɔɔ Anduru yiri. Gyimisi ane Gyɔɔn meŋ da poɔ la a ba poɔ.

Marko Gane 14:33

O da taa la Piita, Gyimisi ane Gyɔɔn gaa ne, ka posãã-kpoŋ da piili kpɛ O, ka O da nyɔgrɔ O meŋɛ faana.

Marko Gane 3:16

A pie ne bayi na O naŋ da boɔle la bama; Saamon (ona la ka O da pore o yuori ka Piita);

Marko Gane 5:37

O da ba sage ka neɛzaa la tu O, ka Piita, Gyimisi ane o yɔɔ Gyɔɔn yoŋ naane.

Marko Gane 9:2

A beri ayoɔbo puoriŋ, a Yeezu da taa la Piita, Gyimisi ane Gyɔɔn ka ba do taŋ wogi kaŋ zu O ne ba yoŋ. O da te kyilli la O meŋɛ ba niŋesogɔ,

Luka 5:10

Kyɛ lɛ meŋ la ka Gyimisi ane Gyɔɔn, a Zɛbɛdii bibiiri naŋ da waa a Saamon Piita tonton-taaba nɔɛ da maa. Lɛ la ka Yeezu yeli ko Saamon Piita, “Ta zoro dabeɛ̃; a naŋ yi zenɛ kyɛ gɛrɛ, fo na nyɔgrɔ la noba aŋa zoma.”

Luka 5:8

Kyɛ Saamon Piita naŋ da wa te nyɛ a lɛ, o da gbi la dumo a Yeezu niŋesogɔ a yele, “Sɛre yi N zie, Daana, bonso, N waa la yelbe-erɛ!”

Luka 6:13

Kyɛ zie naŋ da wa nyaa, O da boɔle la a O potuuribo a iri pie ne bayi ba poɔ, a boɔlɔ ba apostoliimine.

Luka 6:15

Matio ane Tɔmaase, Gyimisi, a Alfeo bidɔɔ ane Saamon, ba naŋ da boɔlɔ Zɛlɔte,

Gyɔɔn 1:45

A Filipi da nyɛ la Nataneɛl a yeli ko o, “Te nyɛ la a neɛ na yɛlɛ a Moozul naŋ sɛge a Naaŋmen begɛ gane poɔ, ka a Ŋmen-yelmanneba meŋ sɛge a gansoŋ poɔ. Ona la a Yeezu, a Yuzɛb bidɔɔ naŋ yi Naazɛrɛ teŋɛ.”

Gyɔɔn 14:8

A Filipi da yeli ko la a Yeezu, “Daana, wuli te a Saa kyɛ a na seŋ te la.”

Gyɔɔn 6:5

A Yeezu naŋ da wa zɛge O zu a nyɛ nembeɛoŋ ka ba waana O zie, O da soore la Filipi, “Yeŋ ka te na nyɛ bondirii da ko a noba bama ka ba di?”

Gyɔɔn 6:8

A O potuuro kaŋ yuori naŋ di Anduru, a Saamon Piita yɔɔ, da yeli ko la a Yeezu:

Toma 1:13

A Piita ane Gyɔɔn ane Gyimisi ane Anduru, Filipi ane Tɔmaase, Batolomi ane Matio, Gyimisi, a Alfeo bidɔɔ ane Saamon, a Zelɔte ane Gyudase, a Gyimisi bidɔɔ naŋ da te kpɛ a teŋkpoŋ poɔ, ba da te do la a peɛzudie, a zie na ba naŋ da kpeɛrɛ.

Toma 12:2

O da eɛɛ la ka ba ko Gyimisi, a Gyɔɔn yɔɔ, ne zɔɔzɔɔ-soɔ.

2 Pit 1:1

Maa Saamon Piita, naŋ waa Yeezu Kirista tontonɔ ane O apostolii la sɛgrɛ a lɛtɛ ŋa korɔ banaŋ naŋ nyɛ a yeldeebo naŋ e bon-yuori aŋa te deni a yi a mennoŋ naŋ be a te Naaŋmen ane te Daana Yeezu Kirista zie: