Luka 6:12 - Naaŋmen Nɔpaalaa Gane

¹² A beri na poɔ Yeezu da yi do la a taŋzu ka O te puori Naaŋmen. O da puori la a tensogɔ zaa ka zie te nyaa.

Luka 6:12 ပူးပေါင်းရင်းမြစ်များ

Matio Gane 5:1

A Yeezu naŋ da wa nyɛ a neŋyaga, O da do la taŋ kaŋ zu; O naŋ da wa te zeŋ baare, a O potuuribo da wa la O zie.

Matio Gane 6:6

Kyɛ ka yɛnee maŋ wa puoro, yɛ maŋ kpɛ yɛ deri poore, a page a pama, kyɛ puori a yɛ Saa naŋ be zisɔglaa poɔ; a yɛ Saa naŋ nyɛrɛ a yelsɔglɔ zaa na yɔɔ yɛ la.

Marko Gane 1:35

A baguo saŋ, zie naŋ da naŋ ba vɛle sɛre, a Yeezu da iri gaa la zie kaŋ O yoŋ a te puori.

Marko Gane 3:13

A Yeezu da do la taŋzu kyɛ boɔle a banaŋ O naŋ da boɔrɔ ka ba wa O zie.

Marko Gane 6:46

O naŋ da wa eŋ a noba sori baare, O da leɛ do la taŋ kaŋ zu ka O te puori.

Luka 5:16

Kyɛ O da maŋ tage la O meŋɛ yi gaa wɛgyɛŋ poɔ ka O te puori Naaŋmen.

Luka 6:11

Kyɛ a noba suuri da iree la yaga, ka ba piili boorɔ lɛ ba naŋ na e a Yeezu.

Luka 6:17

A Yeezu ne a apostoliimine da yi la a taŋzu sigi wa are a zigbaŋgbalaa poɔ ka O potuuribo yaga ane nembeɛoŋ naŋ yi Gyudiya paaloŋ zaa, Gyɛruzɛlɛm, ane Taaya ane Sedɔŋ mane noɔre tenne zaa da wa a be.

Luka 9:18

Daare kaŋ Yeezu naŋ da puoro O yoŋ tɛge, ka a potuuribo yoŋ da be O zie a peɛle O, O da soore ba la, “A noba yeli ka nembuo la ma?”

Luka 9:28

A yɛlɛ ama yeluu bebie anii puoriŋ, Yeezu da taa la Piita, Gyɔɔn ane Gyimisi a do ne taŋzu ka O te puori.

Luka 9:29

O naŋ da puoro la ka O niŋe da kyilli o zaa, kyɛ ka O bonsuuri pɛle a zaa parepare lɛ.

Gyɔɔn 6:3

Yeezu ne O potuuribo da do la taŋ kaŋ zu a te zeŋ be.

KOLO 4:2

Yɛ kpimare puoruu eŋɛ, a gu yɛmenne velaa, a puoro Naaŋmen bareka.

Hiburu 5:7

A Yeezu teŋɛzu nyɔvore saŋ, O da puoree la ane sɔroo, a ŋmɛ kpɛlle a ŋma nentaŋ a ko a soba na naŋ na toɔ̃ faa O yi ne kũũ poɔ, ka O da kyɛlle woŋ O yɛlɛ a O emmo ane O meŋɛ sigruu zuiŋ.