Luka 5:24 - Naaŋmen Nɔpaalaa Gane

²⁴ Kyɛ ka yɛ na baŋ ka a Nensaala Bie taa la kpeɛ̃õ teŋɛzu a na toɔ̃ di yelbebe suuri ko noba”; O da yeli ko la a dɔɔ gbɛre, “Maa yeli fo, vaa-iri de a fo pane kulo fo yiri.”

Luka 5:24 ပူးပေါင်းရင်းမြစ်များ

Matio Gane 16:13

A Yeezu naŋ da wa te kpɛ Sezaareya Filipae teŋɛ paaloŋ, O da soore la a O potuuribo, “A noba yeli ka nembuo la a Nensaala Bie?”

Matio Gane 25:31

“Ka a Nensaala Bie wa wa a O veɛloŋ poɔ, a laŋ ne a malekere zaa, O pãã na wa zeŋ la O veɛloŋ nakogi zu.

Matio Gane 26:64

Ka a Yeezu yeli ko o, “Fõõ la yeli a lɛ. Kyɛ N yele korɔ fo la, A yi a ŋaa gɛrɛ, yɛ na nyɛ la a Nensaala Bie ka O zeŋ a Kpeɛ̃õ Zaa Daana nuduluŋ seŋ a yi a sazu sagama poɔ waana.”

Matio Gane 28:18

Ka a Yeezu wa yeli ko ba, “Ba ko Ma la kpeɛ̃õ zaa naŋ be sazu ane teŋɛ.

Matio Gane 4:24

Lɛ la ka a Yeezu yɛlɛ da yaare a Seeriya paaloŋ zaa, ka ba da taa ba baalba zaa wa ne a O zie. Banaŋ naŋ da beɛrɛ baaloŋ boorɔ zaa, banaŋ naŋ da taa woloŋ, banaŋ naŋ da taa sefaare, banaŋ naŋ da lere kunkunni ane banaŋ naŋ da gbɛre, ka a Yeezu da saŋ ba zaa.

Matio Gane 9:6

Kyɛ ka yɛ na sereŋ baŋ ka a Nensaala Bie taa la kpeɛ̃õ a teŋɛzu kyɛ ka O di yelbebe suuri ko noba,” O pãã da yeli ko la a dɔɔ gbɛre, “Vaa-iri de fo pane a kulo fo yiri.”

Luka 5:13

Lɛ la ka a Yeezu da teɛ O nu a seene o kyɛ yeli, “N boɔrɔ la, nyɛ fo sammo.” A tɔntɔbaalɛ la ka a kɔnnoŋ deɛ baare a dɔɔ eŋɛ.

Luka 5:18

A lɛ poɔŋ la ka dɔbɔ mine da te tuo dɔɔ kaŋ eŋɛ zaa naŋ kpi ane pane a wa ne a Yeezu zie. Ba da moɔrɔ la ka ba taa o kpɛ ne a te biŋ a Yeezu niŋesogɔ,

Luka 5:23

A buo soba yeluu la e mɔlɔ, ‘Fo yelbebe nyɛ la sudi’, bee N naŋ na yeli, ‘Vaa-iri dendeŋ kyɛnɛ’?

Luka 7:14

Lɛ la ka O da tage ta kyɛ de O nu seene ne a kũũ daga, ka a noba naŋ tuo a kũũ leɛ are. Ka Yeezu yeli, “Pɔlbile, maa yeli ko fo, vaa-iri!”

Luka 8:54

Kyɛ Yeezu da nyɔge la a bie nu kyɛ boɔle o, “Bie, vaa-iri!”

Gyɔɔn 11:43

O naŋ da wa yeli a ŋaa, O da ŋmɛ la kpɛlle ne kɔkɔkpeɛŋaa a yeli, “Laazoro, iri yi wa!”

Gyɔɔn 17:2

Fo ko O la kpeɛ̃õ nensaalba zaa zu, ka O ko banaŋ zaa fo naŋ ko O nyɔvore naŋ ba taa baaroo.

Gyɔɔn 3:13

Neɛzaa daŋ ba do tenvelaa, ka a soba na naŋ yi a tenvelaa sigi wa yoŋ naane. Ona la a Nensaala Bie.

Gyɔɔn 5:27

Kyɛ a Saa ko la a Bidɔɔ kpeɛ̃õ ka O di sɛrɛɛ, O naŋ waa a Nensaala Bie zuiŋ.

Toma 14:10

Ka a Pɔɔl da yeli ne kɔkɔkpeɛŋaa, “Vaa-iri are dendeŋ.” Ka a dɔɔ da vaa-iri are a piili kyɛnɛ.

Toma 5:31

Naaŋmen zɛge O la ka O do zeŋ a O nuduluŋ seŋ a waa Wederɛ ane Faara, ka ka O na e ka a Izerayɛl noba nyɛ meŋɛ-leɛbo ane yelbebe sudi.

Toma 9:34

A Piita da yeli ko o la, “Ɛnease, vaa-iri, maale a fo boŋganaa biŋ, Yeezu Kirista saŋ fo la!” Ka o da vaa-iri a daadaalɛ.

Toma 9:40

A Piita da eɛɛ la ka ba zaa yi, kyɛ ka o pãã da gbi dumo a puori. O da leɛ kyaare la a kũũ kyɛ yeli, “Tabita, vaa-iri.” Lɛ la ka o da yuo o nimie, kyɛ o naŋ da wa nyɛ a Piita o da iri zeŋɛɛ la.

Yel-iriwulaa Gane 1:13

N da nyɛ la neɛ kaŋ naŋ waa ŋa a Nensaala Bie ka o be a fentel-daare poɔ. O da su la kpar-wogi kyɛ leŋ salem-miri gyere O nyaa eŋɛ.