Luka 5:20 - Naaŋmen Nɔpaalaa Gane

²⁰ A Yeezu naŋ da wa nyɛ a ba yeldeebo naŋ seŋ lɛ, ka O yeli, “N ba, a fo yelbebe nyɛ la sudi.”

Luka 5:20 ပူးပေါင်းရင်းမြစ်များ

Matio Gane 9:2

A lɛ poɔŋ la ka noba mine da tuo dɔɔ kaŋ naŋ gbɛre, ka o gaŋ pane zu ka ba de o wa ne a Yeezu zie. A Yeezu naŋ da wa nyɛ a ba yeldeebo, O da yeli ko la a dɔɔ gbɛre, “Nyɔge fo meŋɛ, N bidɔɔ, fo yelbebe nyɛ la sudi.”

Matio Gane 9:5

Yɛ yeli ko ma, a ama buo yeluu la e mɔlɔ, ‘Ba di la a fo yelbebe suuri ko fo,’ bee N naŋ na yeli, ‘Vaa-iri dendeŋ a kyɛnɛ’?

Marko Gane 2:5

A Yeezu naŋ da wa nyɛ a noba yeldeebo naŋ seŋ lɛ, O da yeli ko la a dɔɔ baala, “N bidɔɔ, a fo yelbebe nyɛ la sudi.”

Luka 7:48

Lɛ la ka a Yeezu yeli ko a pɔge, “A fo yelbebe nyɛ la sudi.”

Gyɔɔn 2:25

ka O da ba la boɔrɔ neɛzaa ka o yeli neɛ yɛlɛ ko O, bonso O meŋɛ da baŋ la neɛzaa poteɛrɛ.

Gyɔɔn 5:14

A lɛ puoriŋ, a Yeezu da te nyɛ o la a Naaŋmen die poɔ a da yeli ko o, “Nyɛ, fo nyɛ la laafeɛ! Tɔɔ daŋ la wa erɛ yelbieri zaa ka yelfaa zaa ta wa pɔge fo.”

Toma 11:23

O naŋ da wa nyɛ a Naaŋmen garaaseɛ, o poɔ da pɛle la yaga, ka o da kpaale ba zaa ka ba kpimare a Daana, a taa yelmeŋɛ ne O ane ba poɔ zaa;

Toma 14:9

O da kyɛllɛ la a yɛlɛ a Pɔɔl naŋ da yele. A Pɔɔl da kaara o la tĩĩ a wa nyɛ ka o taa la yeldeebo naŋ na toɔ̃ e ka o nyɛ sammo.

Korinti 2:10

Neɛ na zaa yɛ naŋ di suuri tere, N meŋ di la suuri ko o. Ka maa da di suuri tere, yeli na zaa eŋɛ N naŋ da di a suuri tere na, yɛ zuiŋ la ka N e a lɛ a Kirista niŋesogɔ.

KOLO 3:13

Yɛ dire kannyiri ne taa, kyɛ ka yɛ kaŋ wa taa yeli ne o tɔsoba, yɛ dire suuri korɔ taa aŋa lɛ a Daana naŋ da di suuri ko yɛ; lɛ meŋ ka a fere ka yɛ dire suuri korɔ taa.

Gyimisi 2:18

Kyɛ neɛ kaŋ na toɔ̃ yeli la, “Fo taa la yeldeebo kyɛ ka N taa tonveɛle.” Wuli ma a fo yeldeebo naŋ ba taa tonveɛle, kyɛ ka N meŋ tu a n tonveɛle zie wuli fo a n yeldeebo.