Luka 4:35 - Naaŋmen Nɔpaalaa Gane

³⁵ Ka Yeezu tanne o a yele, “Bare gɔnne kyɛ wa yi be a dɔɔ eŋɛ!” A sefaa naŋ da wa zeɛ a dɔɔ lɔɔ teŋɛ a ba niŋesogɔ, o da wa yie la, kyɛ da ba ko a dɔɔ woloŋ zaa.

Luka 4:35 ပူးပေါင်းရင်းမြစ်များ

Luka 4:41

Sefaare meŋ da yi la noba enneŋ, a kyeerɛ yele, “Fõõ la a Naaŋmen Bie!” Kyɛ Yeezu da tanne a la, a da ba sage ka a yeli yɛlɛ, bonso, a da baŋ ka Ona la a Mɛzaaya.

Luka 4:39

Lɛ la ka Yeezu te are o zie a kyɛ tanne a entoloŋ, ka o deɛ bare o. Ka a pɔge deɛ iri a daadaalɛ a piili ka o kaa ba zie.

Matio Gane 8:26

Ka O yeli ko ba, “Bonso ka yɛ zoro dabeɛ̃, yɛnee yelde-fẽẽ deme?” Lɛ la ka O iri a tanne a saseɛ ane a mane ka a zie deɛ ŋmaa vooroŋ.

Yel-iriwulaa Gane 12:12

Yɛnee naŋ be tenvelaa poɔ, yɛ kyellɛ! Kyɛ a tendaa ane a mane yuori la we bonso, a sebɛlbɛllɛ sigi wa la a yɛ zie ne supuriyaaraa, o naŋ baŋ ka a o saŋ ba la seŋ bon zuiŋ!”

Luka 11:22

Kyɛ ka neɛ kpeɛ̃õ naŋ gaŋ o wa zɔɔtoɔ̃ o, o na faa la a o zɔɔzɔɔ-boma na o naŋ da dɛle, kyɛ de o boma poŋ noba.

Luka 9:42

A bie naŋ da naŋ waana la ka a sefaa zeɛ o lɔɔ teŋɛ ka o gbara. Ka Yeezu tanne a sefaa, a saŋ a bie kyɛ de o leɛ ko o saa.

Luka 9:39

Ka a sefaa wa zeɛ o lɔɔ, tɔntɔbaalɛ o maŋ deɛ gbara la. O maŋ iri la gyemɛ a te foorɔ nentaare. A sefaa maŋ dɔgre o la a ba boɔrɔ o baroo.

Luka 8:24

Ba da te seŋ la a Yeezu a yele, “Daana, Daana, te weɛrɛ la!” Ka Yeezu da iri a goɔŋ poɔ a tanne a saseɛ ane a kɔmmie ka a ŋmaa vooroŋ, ka a zie e kyerekyere.

Marko Gane 9:26

A sefaa naŋ wa kyeere kyɛ zeɛ a bie lɔɔ, ka o miine faa zaa, o da wa yie la kyɛ bare a bie ka o gaŋ aŋa neɛ naŋ kpi, ka lɛ vɛŋ ka a noba yaga zaa yeli, “O kpie la.”

Marko Gane 1:26

Ka a sefaa e ka a dɔɔ iri gyemɛ, a kyeerɛ ne kɔkɔkpeɛŋaa kyɛ wa yi a dɔɔ eŋɛ.

Matio Gane 17:18

Ka a Yeezu tanne a sefaa, ka o da wa yi a bie eŋɛ kyɛ ka o nyɛ o sammo daadaalɛ.

Marko Gane 4:39

A Yeezu da iri tanne la a saseɛ, kyɛ yeli a mane, “E maaroŋ! Are zomm!” Lɛ la ka a saseɛ ŋmaa, ka a koɔ̃ ŋmaa vooroŋ seretete.

Luka 4:23

Ka Yeezu yeli ko ba, “A ba e bonnoo ka yɛ na lɔɔ la a sekpɔgre ŋa ko ma, ‘Tegetegrɛ, saŋ fo meŋɛ!’ Kyɛ naŋ yeli, ‘Toŋ a fo toŋkpeɛne a fo teŋɛ kyɛ meŋ aŋa lɛ te naŋ woŋ ka fo da toŋɛɛ la a Kapanum teŋɛ poɔ.’ ”