Luka 4:18 - Naaŋmen Nɔpaalaa Gane

¹⁸ “A Daana Vooroŋ sigi ma la, bonso, O sɔ ma la ne kããsoŋ ka N moɔle a Ŋmen-yelnoore ko a nembaalba. O toŋ ma la ka N moɔle a faabo yɛlɛ ko a gbaŋgbaare kyɛ vɛŋ ka zɔnne nimie yuo, a e ka noba ba naŋ dɔgrɔ so bamenne,

Luka 4:18 ပူးပေါင်းရင်းမြစ်များ

Matio Gane 11:5

a zɔnne nyɛrɛ la, ka a gbɛrɛɛ kyɛnɛ, ka kɔnne nyɛrɛ ba sammo, ka a wonni wono, ka kuuni leɛrɛ ire, kyɛ ka ba moɔle a Ŋmen-yelnoore korɔ a nandemee.

Matio Gane 12:18

“A N tontonɔ N naŋ kaa-iri la ŋa, A N poyɛŋ neɛ, ona la ka N poɔ pɛle ne. N na de la N Vooroŋ Soŋ eŋ O, ka O na moɔle N sɛrɛɛdiibu naŋ tori ko a Nemboore-yobo.

Matio Gane 12:20

O koŋ baŋ neɛ kɛkɛre naŋ ŋmɛre ka o kɔɔ, bee a kpinni fentelɛ vũũ naŋ e tõõ a te ta saŋ na O naŋ na e ka mennoŋ zɔɔtoɔ̃ bonzaa.

Matio Gane 4:16

a noba naŋ da zeŋ lige poɔ nyɛ la veɛloŋ kpoŋ, ka banaŋ meŋ naŋ da zeŋ a kũũ dasuoluŋ poɔ, veɛloŋ kpoŋ kyaane ba la.”

Matio Gane 5:3

“Banaŋ naŋ dire naŋ a Naaŋmen puoruu eŋɛ nyɛ la maaloo, bonso, bana la so a tenvelaa naaloŋ.

Luka 4:17

ka ba de a Ŋmen-yelmanna Azaaya gansɛgraa ko O. O da yuo la a gane, a nyɛ zie na ba naŋ sɛge:

Luka 6:20

Lɛ ka a Yeezu da leɛ gbole kaa a O potuuribo kyɛ yeli: “Yɛ banaŋ naŋ waa nembaalba nyɛ la maaloo, bonso, yɛnee la so a Naaŋmen naaloŋ.

Luka 7:22

Ka a Yeezu da yeli sɔge ba, “Yɛ gaa te yeli ko a Gyɔɔn bonna yɛ naŋ nyɛ kyɛ woŋ: a zɔnne nyɛrɛ la, ka a gbɛrɛɛ kyɛnɛ, ka kɔnne nyɛ ba sammo, ka a wonni wono, ka a kuuni leɛrɛ ire, kyɛ ka ba moɔle a Ŋmen-yelnoore ko a nandemee.

Gyɔɔn 1:41

A Anduru da daŋ bɔ la o yɔɔ Saamon a yeli ko o, “Te nyɛ la a Mɛzaaya.” (A tɛgɛ la: Naaŋmen Neŋkaa-iraa)

Gyɔɔn 12:46

N waa la kyaane naŋ wa a teŋɛzu, ka ka neɛ na zaa naŋ wa sage de N yɛlɛ koŋ la be lige poɔ.

Gyɔɔn 3:34

A soba na Naaŋmen naŋ toŋ, maŋ yelee Naaŋmen yelbie, bonso, Naaŋmen maŋ ko o la O Vooroŋ Soŋ ka a ba taa mannoo.

Toma 10:38

lɛnɛɛ Naaŋmen naŋ da paale a Yeezu, a Naazɛrɛ Bie, ne a Vooroŋ Soŋ ane kpeɛ̃õ; lɛnɛɛ o naŋ da yɔ tonɔ tonsonne kyɛ saŋna banaŋ zaa a sebɛlbɛllɛ naŋ da dɔgrɔ, bonso, Naaŋmen da be la O zie.

Toma 26:18

ka fo te yuo ba nimie ka ba na bare ligruŋ toma kyɛ kpɛ kyaane poɔ, a yi Setaana naaloŋ poɔ kyɛ kpɛ Naaŋmen naaloŋ poɔ, ka a lɛ na vɛŋ ka ba nyɛ yelbebe sudi kyɛ kpɛ a banaŋ yeldeebo naŋ e ka ba leɛ nensonne poɔ.’

Toma 4:26

A teŋɛzu namine yi la tammo, ka a naaloŋ deme lantaa, a zɔɔrɔ ne a Daana ane a O Mɛzaaya.’

Toma 4:27

Bonso, Hɛrɔde ane Ponsi Pilato ane a Nemboore-yobo ane a Izerayɛl noba da laŋ la taa a teŋkpoŋ ŋa poɔ a zɔɔ ne a Yeezu a fo tontonsoŋ, a onaŋ fo naŋ da sɔ kããsoŋ,

KOLO 1:13

O faa te la yi a ligruŋ kpeɛ̃õ poɔ kyɛ taa te wa eŋ a O poyɛŋ Bie naaloŋ poɔ,

Gyimisi 2:5

N yɔɔmine ane n yɔɔpuuli N naŋ nɔŋ, yɛ kyɛlle woŋ. Naaŋmen mɔɔ naane kaa-iri a nandaanema a teŋɛzu a e ka ba taa yeldeebo bondaanoŋ, kyɛ waa a naaloŋ na O naŋ da eŋ noɔre ka O na ko la banaŋ naŋ nɔnɔ O gbandiribe be?

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.