Luka 3:11 - Naaŋmen Nɔpaalaa Gane

¹¹ Ka o yeli sɔge ba, “Soba na zaa naŋ taa kparre ayi, a ferɛɛ la ka o iri kaŋ ko neɛ naŋ ba taa togitogi, ka a fere ka soba na zaa meŋ naŋ taa bondirii e a lɛ ne o zu.”

Luka 3:11 ပူးပေါင်းရင်းမြစ်များ

Matio Gane 25:40

A naa na leɛ yeli ko ba la, ‘Yelmeŋɛ ka N yele korɔ yɛ, saŋ na zaa yɛ naŋ e a yeli ŋa kaŋ tɔ ko a N yɔɔmine ane n yɔɔpuuli bama kanzaa, maa la ka yɛ e a lɛ tere.’

Luka 11:41

Azuiŋ yɛ de boma naŋ be a yɛ ŋmane ane a laa poore ko nembaalba, kyɛ nyɛ, bonzaa na eɛɛ velaa ko yɛ.”

Luka 18:22

A Yeezu naŋ da woŋ a ŋaa, O da yeli ko la a dɔɔ, “Yelyeni kaŋ la kyɛre ka fo ba taa. Koɔre a boma na zaa fo naŋ taa, a de a libie poŋ nembaalba kyɛ fo na taa la naboma a tenvelaa poɔ, kyɛ pãã wa tuuro ma.”

Luka 19:8

A Zakiyo da iri are la a be a kyɛ yeli ko a Daana, “Daana, nyɛ N na de la n boma poŋ ziiri ayi, a de a ziyeni ko nembaalba, kyɛ ka maa da finni neɛzaa bon, N na yɔɔ la o soba gbɛre bonaare.”

Gyɔɔn 13:29

Ka ba mine da teɛre ka a Gyudase naŋ da e a ba libi-binne la so ka Yeezu da yele korɔ o, “Te da a boma te naŋ na di ne a tigri”; bee, ka o ko a nembaalba bonkaŋ.

Toma 10:2

O ne o yideme zaa da waa la puoruu nimizeɛ deme a kyɛ da zoro Naaŋmen. O da maŋ soŋnɔ la nembaalba yaga zaa a kyɛ puoro Naaŋmen tegitegilɛ.

Toma 10:31

kyɛ yeli, ‘Konelio, a fo puoruu ane a fo kyɔɔtaare ta la Naaŋmen zie a e bonna naŋ vɛŋ ka O taa fo teɛroŋ.

Toma 10:4

Ka o kaa o polipoli ane dabeɛ̃ kyɛ soore, “Daana, boŋ yeli la?” Ka a maleke da yeli sɔge, “A fo puoruu ane a fo kyɔɔtaare do ta la Naaŋmen, a e bon naŋ vɛŋ ka O taa fo teɛroŋ.

EFESU 4:28

A ferɛɛ la ka nannyigri bare zuubu, kyɛ maŋ de ba nuuri tonɔ ne toma naŋ seŋ ne, a na maŋ toɔ̃ nyɛ bonkaŋ soŋ ne a nembaalba.

1 Tim 6:17

Kpãã a banaŋ naŋ e bondaanema zenɛ, ka ba ta erɛ pɔloo bee a de ba teɛretɔroo eŋ bondaanoŋ naŋ ba yaara baaroo eŋɛ, kyɛ ba de ba teɛretɔroo eŋ Naaŋmen naŋ maŋ ko te bonzaa ka a gore ka te wono ne noɔ.

1 Tim 6:18

A seŋ ka ba erɛ soŋ, a leɛ bondaanema tonsonne poɔ, a taa nimibaaloŋ kyɛ pono ba boma,

Hiburu 6:10

Bonso, Naaŋmen waa la meŋɛ soba naŋ nyɛrɛ a yɛ tonsonne yɛ naŋ tonɔ korɔ a nensonne ane a nɔmmo yɛ naŋ wuli ba a Naaŋmen zuiŋ aŋa yɛ naŋ naŋ kyɛnɛ erɛ lɛ.

Gyimisi 1:27

Puoruu naŋ veɛlɛ, ka dɛgre zaa ba kye o poɔ a Saa Naaŋmen zie la ŋa: kaara bikpeere ane pɔg-kɔbɔ zu a ba woore poɔ, kyɛ gu fo meŋɛ, a ta mɔge faaloŋ a teŋɛzu.

Gyimisi 2:14

N yɔɔmine ane n yɔɔpuuli, ka neɛ wa yeli ka o taa la yeldeebo kyɛ ka a ba wuli a o yel-erre poɔ, boŋ tɔnɔ ka a taa? A yeldeebo na toɔ̃ faa fo la be?

1 Gyn 3:17

Wola ka Naaŋmen nɔmmo na be neɛ na zaa naŋ taa a teŋɛzu boma zie, kyɛ ka o nyɛ o tɔsoba ka o dire boma naŋ ka o zagre ka o soŋ o?

1 Gyn 4:20

Banaŋ naŋ yeli, “Te nɔŋ la Naaŋmen,” kyɛ kyiire ba yɔɔmine bee ba yɔɔpuuli waa la zirŋmaareba. Bonso, banaŋ naŋ ba nɔŋ ba yɔɔmine bee ba yɔɔpuuli ba naŋ maŋ nyɛ koŋ baŋ nɔŋ Naaŋmen ba naŋ ba nyɛ.