Luka 23:2 - Naaŋmen Nɔpaalaa Gane

² A noba da piili ŋmaara la yɛlɛ dɔglɔ Yeezu, a yele, “Te nyɛ la a dɔɔ ŋa ka O saana a teŋɛ. O ba sagra ka te yɔɔ zuyɔɔ ko a Naa Siiza, kyɛ yele ka Ona la a Mɛzaaya, a Naa.”

Luka 23:2 ပူးပေါင်းရင်းမြစ်များ

Matio Gane 17:27

Kyɛ ka te ta wa sãã ba poɔ zuiŋ, iri sigi a mane a te lɔɔ zompii, zoma na zaa fo naŋ wa daŋ nyɔge, ka fõõ wa yuo o noɔre fo na nyɛ la warbiri, iri wa ko ba, ka a e fõõ ne maa zuyɔɔ.

Matio Gane 22:21

Ka ba yeli sɔge, “A Naa Siiza la.” Ka a Yeezu pãã yeli ko ba, “Yɛ de boma naŋ e a Naa Siiza soobo a ko a Naa Siiza, kyɛ de boma naŋ e Naaŋmen soobo meŋ ko Naaŋmen.”

Matio Gane 27:11

A Yeezu da are la a gɔbena niŋesogɔ, ka a gɔbena soore O, “Fõõ la a Gyuumine Naa be?” Ka a Yeezu yeli ko o, “Fõõ la yeli a lɛ.”

Marko Gane 12:17

Lɛ la ka a Yeezu yeli ko ba, “Yɛ de boma naŋ e Naa Siiza soobo a ko a Naa Siiza, kyɛ de boma naŋ e Naaŋmen soobo meŋ ko Naaŋmen.” Ka ba nɔɛ zaa da maa ne a O yɛlɛ.

Marko Gane 15:2

A Pilato da soore O la, “Fõõ la a Gyuumine Naa be?” Ka a Yeezu yeli sɔge o, “Fõõ la yeli a lɛ.”

Luka 23:14

a yeli ko ba, “Yɛ taa la a dɔɔ ŋa wa ne n zie, a yeli ka O dɔɔnɔ la a noba. N peɛre O la yɛ niŋesogɔ kyɛ N ba nyɛ O yelsaanaa zaa.

Luka 23:5

Kyɛ ka a noba maaleŋ yeli, “O toɔrɔ la a noba eŋnɛ taa ne a O kannoo a Gyudiya paaloŋ zaa poɔ, a yi a Galili teŋɛ O naŋ da piili a wa te tɔ a kyɛ.”

Gyɔɔn 18:29

Lɛ la ka Pilato da yi wa ba zie a soore ba, “Boŋ yelsaanaa la ka yɛ taa kyaare ne a dɔɔ ŋa?”

Gyɔɔn 18:30

Ka ba da yeli sɔge, “Ka a dɔɔ ŋa da ba waa nenfaa, te da koŋ nyɔge O wa ne a fo zie.”

Gyɔɔn 19:12

A yi a lɛ puoriŋ, Pilato da moɔrɔ la ka o bare a Yeezu, kyɛ ka a Gyuumine da kyeerɛ a yele, “Ka fõõ wa bare a dɔɔ ŋa, fo ba waa a nakpoŋ Siiza ba. Neɛzaa naŋ de o meŋɛ boɔlɔ naa, zɔɔrɔ ne la a nakpoŋ Siiza.”

Toma 24:13

Ba gba kontoɔ̃ wuli fo ka a saanaa na ba naŋ de duoro ne ma waa la yelmeŋɛ.

Toma 24:5

Yelmeŋɛ zaa, te nyɛɛ la ka a dɔɔ ŋa waa la zisaana, a dɔɔnɔ a Gyuumine a tendaa zaa poɔ, kyɛ o na la a Naazɛrɛ laŋne noba wederɛ.

Urom 13:7

Yɛ yɔɔ bonna zaa naŋ seŋ ka yɛ yɔɔ ko ba. Yɛ yɔɔ a yɛ zuyɔɔ ko banaŋ zaa naŋ seŋ ka ba de a yɛ zuyɔɔ, a yɔɔrɔ a teŋɛ maaloo zuyɔɔ korɔ banaŋ a naŋ seŋ ka yɛ yɔɔ ko ba. Yɛ korɔ gyeremɛ banaŋ naŋ seŋ ka ba nyɛ gyeremɛ, kyɛ eŋnɛ banaŋ naŋ seŋ ka yɛ eŋnɛ ba.