Luka 21:8 - Naaŋmen Nɔpaalaa Gane

⁸ Ka O yeli, “Yɛ gu yɛmenne velaa ka ba ta wa bɛlle yɛ. Bonso, noba yaga na wa la N yuori eŋɛ, a wa yeli, ‘Maa la o!’ kyɛ la yeli, ‘A saŋ peɛlɛɛ la!’ Yɛ ta wa tuuro ba.”

Luka 21:8 ပူးပေါင်းရင်းမြစ်များ

Matio Gane 24:11

Kaŋwaa Ŋmen-yelmanneba yaga na yi la, a bɛlle noba yaga ka ba bɔre.

Matio Gane 3:2

“Yɛ leɛ yɛ eebo, bonso, a tenvelaa naaloŋ peɛlɛ la.”

Matio Gane 4:17

A yi a saŋ na poɔ, Yeezu pãã da piili moɔlɔ la a Ŋmen-yelnoore a yele, “Yɛ leɛ yɛ eebo yi yɛ yelbebe poɔ, bonso, a tenvelaa naaloŋ peɛlɛɛ la.”

Luka 17:23

Ba na yeli ko yɛ la, ‘Yɛ nyɛ o kyɛ’ bee ‘yɛ nyɛ o zie ŋa.’ Yɛ ta wa gɛrɛ be bee a boɔrɔ o.

Luka 21:7

Ba da soore la a Yeezu, “Wulwullo, boŋ saŋ la ka a yɛlɛ ama na e? Boŋ la na wuli ka a yɛlɛ ama eebo saŋ tara la?”

Luka 21:9

“Ka yɛnee wa woŋ zɔɔre ane zie naŋ dɔɔnɔ yɛlɛ, yɛ ta zoro dabeɛ̃. Bonso, a ama zaa seŋ ka a daŋ e, kyɛ a teŋɛ baaroo koŋ ta a daadaalɛ.”

Gyɔɔn 5:43

N wa la N Saa yuori eŋɛ, kyɛ ka yɛ ba sage de ma. Kyɛ ka neɛ kaŋ da wa o meŋɛ yuori eŋɛ, yɛ na sage de o la.

Gyɔɔn 8:24

N da yeli ko yɛ la ka yɛ na kpi la a yɛ yelbebe poɔ, bonso, yɛ sereŋ na kpi la a yɛ yelbebe poɔ ka yɛnee ba sage de ka maa la a soba na.”

Gyɔɔn 8:28

Lɛ la ka a Yeezu da yeli, “Ka yɛnee wa te zɛge a Nensaala Bie ka O do saa, lɛ la ka yɛ na baŋ ka maa la a soba na. Yɛ pãã na baŋ ka N meŋɛ yɛlɛ naane ka N da erɛ, kyɛ yɛlɛ na a Saa naŋ ko ma noɔre la ka N da yele.

1 Kor 6:9

Yɛ mɔɔ ba baŋ ka a yelfa-erebɛ koŋ kpɛ a Naaŋmen naaloŋ be? Yɛ ta bɛllɛ yɛmenne! Banaŋ naŋ tonɔ peɛ̃mo toma, noba naŋ maala tebɛ, banaŋ naŋ tonɔ moɔrɔ toma, dɔɔ gyɛnterre, dɔbɔ naŋ maŋ gana ne ba dɔɔ taaba,

EFESU 5:6

Yɛ ta vɛŋ ka neɛzaa bɛlle yɛ ne yelfoglo, bonso a yɛlɛ ama zuiŋ la ka Naaŋmen supuriyaaraa waana a banaŋ naŋ zagra O noɔre eŋɛ.

II Tesa 2:3

Yɛ ta vɛŋ ka neɛzaa bɛlle yɛ sori zaa poɔ, bonso, a bebiri na koŋ wa sɛre ka a nɔzagra ba daŋ de weɛ wa, kyɛ ka ba iri a koŋwoŋwuluu soba wuli; ona la ka ba nare biŋ a na sãã.

2 Tim 3:13

Kyɛ potuodeme ane zirŋmaareba naŋ na kyɛnɛ erɛ la yelfaare dɔglɔ dɔglɔ taa gɛrɛ, a bɛllɛ ba taaba ane bamenne.

1 Gyn 4:1

N poyɛŋ noba, yɛ ta sage de seɛ zaa yɛlɛ, kyɛ yɛ maŋ e a seere nyɛ ka a yi la Naaŋmen zie be, bonso, kaŋwaa Ŋmen-yelmanneba yaga yi kpɛ la a teŋɛzu.

2 Gyn 1:7

Bɛlbɛlbɛ yaga wa la a teŋɛzu, banaŋ naŋ ba sage ka Yeezu Kirista wa leɛ la nensaala. A neɛ ŋa kanzaa tɔ waa la bɛlbɛllɛ ane zirii kirista!

Yel-iriwulaa Gane 1:3

A soba na naŋ kanne a Ŋmen-yelmanna yelyelii ama ka a yi gboligboli na nyɛ la maaloo, ka banaŋ naŋ woŋ kyɛ de bonna ba naŋ sɛge meŋ nyɛ maaloo; bonso, a saŋ tara la.

Yel-iriwulaa Gane 12:9

Ba da de la a wa-beɛ naŋ waa kpoŋ lɔɔ bare ka o sigi a teŋɛzu, a dakoroŋ saŋ waabo na, ona la ka ba boɔlɔ Sebɛlbɛllɛ bee Setaana, a tendaa zaa bɛlbɛllɛ. Ba da lɔɔ o la bare ka o sigi wa a teŋɛzu, a lɔɔ a o malekere meŋ poɔ o eŋɛ.