Luka 20:10 - Naaŋmen Nɔpaalaa Gane

¹⁰ A tewɔmɔ pɔroo saŋ naŋ da wa ta, o da toŋ la o gbaŋgbaa ka o gaa a wɛkaareba zie ka ba pɔre a o deme tere. Kyɛ a wɛkaareba da nyɔge la a gbaŋgbaa ŋmɛ, kyɛ bare o ka o leɛ gaa ne nuzaglaa.

Luka 20:10 ပူးပေါင်းရင်းမြစ်များ

Luka 13:34

Gyɛruzɛlɛm, Gyɛruzɛlɛm, a teŋkpoŋ na naŋ maŋ ko a Ŋmen-yelmanneba kyɛ za a noba na Naaŋmen naŋ toŋ o zie ne kubo! Gbɛre bowola ka N da boɔrɔ ka N laŋ a fo biiri taa, aŋa nɔnyaaŋaa naŋ maŋ laŋ o bilii taa a uuni lɛ, kyɛ ka fo da ba sagra!

Luka 20:11

Ka o la toŋ a gbaŋgbaa kaŋ, ka a wɛkaareba la ŋmɛ o meŋ, a to o zoma, kyɛ e ka o leɛ gaa ne nuzaglaa.

Luka 20:9

A Yeezu pãã da lɔɔ la sekpɔgre ŋa ko a noba, “Dɔɔ kaŋ la da kɔ weɛ, a sɛle dãã teere. O da de la a weɛ ko noba ka ba kaara kyɛ da gaa teŋɛ kaŋ a te kɔɔre yaga zaa.

Gyɔɔn 15:16

Yɛnee naane kaa-iri ma, kyɛ maa la kaa-iri yɛ, a toŋ yɛ ka yɛ gaa te wɔnɔ wɔmɔ. Wɔmɔ na naŋ na bebe kɔɔre, ka a Saa pãã na ko yɛ bonna zaa yɛ naŋ sɔre yi O zie a N yuori eŋɛ.

Urom 7:4

A lɛ ne o zu la, N bamine, yɛ tu la a Kirista eŋɛ zie a kpi kyaare ne a bege, ka ka yɛ na e taa noba, kyɛ waa a soba na ba naŋ da e ka O leɛ-iri a kuuni poɔ soobo, ka lɛ vɛŋ ka yɛ wɔnɔ wɔmɔ korɔ Naaŋmen.