Luka 2:48 - Naaŋmen Nɔpaalaa Gane

⁴⁸ A O saa ne O ma naŋ da wa nyɛ O, ba nɔɛ zaa da maaɛ la, ka O ma da soore O, “N bie, wola ka fo e te lɛ? Nyɛ! Maa ne fo saa bɔ fo la ne pɔlteɛ.”

Luka 2:48 ပူးပေါင်းရင်းမြစ်များ

Matio Gane 12:46

A Yeezu naŋ da naŋ kyɛnɛ yele yɛlɛ korɔ a noba la ka O ma ne o yɔɔmine wa are yeŋ poɔ a boɔrɔ ka ba yeli yɛlɛ ko O.

Luka 2:49

Ka O yeli sɔge ba, “Bonso ka yɛ yɔ boɔrɔ ma? Yɛ ba baŋ ka a seŋ ka N be N Saa yiri poɔ be?”

Luka 3:23

Yeezu da nyɛ la yuomo lezare ne pie, a saŋ O naŋ da piili O toma. O da waa la Yuzɛb bidɔɔ (lɛ ka noba da teɛre), ka Yuzɛb waa Heli bidɔɔ,

Luka 4:22

A noba zaa da pore la O yosoŋ kyɛ ka ba nɔɛ zaa da maa ane a yelveɛle naŋ yi O noɔreŋ, ka ba yeli, “A Yuzɛb bidɔɔ mɔɔ naane a ŋa be?”

Gyɔɔn 1:45

A Filipi da nyɛ la Nataneɛl a yeli ko o, “Te nyɛ la a neɛ na yɛlɛ a Moozul naŋ sɛge a Naaŋmen begɛ gane poɔ, ka a Ŋmen-yelmanneba meŋ sɛge a gansoŋ poɔ. Ona la a Yeezu, a Yuzɛb bidɔɔ naŋ yi Naazɛrɛ teŋɛ.”