Luka 2:46 - Naaŋmen Nɔpaalaa Gane

⁴⁶ A beri ata puoriŋ la ka ba da nyɛ O a Naaŋmen die poɔ, ka O ne a wulwulibo laŋ zeŋ ka O kyɛllɛ ba yɛlɛ kyɛ meŋ soorɔ ba soorebie.

Luka 2:46 ပူးပေါင်းရင်းမြစ်များ

Matio Gane 12:40

A ŋa lɛ Gyona naŋ da be a mane zonkpoŋ na poɔ beri ata, ŋmenaa ane tensogɔ, lɛ ka a Nensaala Bie meŋ na gaŋ a bogzeɛ poɔ beri ata, ŋmenaa ane tensogɔ.

Matio Gane 16:21

A yi a lɛ saŋ gɛrɛ, Yeezu da piili yele la weliweli korɔ a O potuuribo, ka feroo la ka O gaa Gyɛruzɛlɛm, a te nyɛ dɔgɛɛ yaga a nembɛrɛ ane a Naaŋmen bagmaalkare ane a Naaŋmen bege wulwulibo nuuri poɔ, ka ba ko O, kyɛ a beri ata daare ka O leɛ-iri yi a kũũ poɔ.

Luka 2:47

Banaŋ zaa naŋ da woŋ a O yɛlɛ nɔɛ da maaɛ la yaga ne O yelbammo ane lɛ O naŋ maŋ iri a ba soorebie nɔɛ.

Luka 5:17

Daare kaŋ, a Yeezu naŋ da kanna noba la ka Faraziimine ane a Naaŋmen bege wulwulibo mine meŋ da wa zeŋ peɛle a be (ba da yi la a Galili paaloŋ tenne zaa poore, ane Gyudiya ane Gyɛruzɛlɛm); ka a Daana kpeɛ̃õ da be O zie ka O na saŋ na baalba.

Gyɔɔn 3:10

Ka Yeezu da yeli sɔge o, “Fo waa la a Izerayɛl biiri wulwullo kaŋ, kyɛ ba baŋ a yɛlɛ ama?”

Toma 5:34

Kyɛ a Farazii neɛ kaŋ naŋ da be a sɛrediribe poɔ ka o yuori di Gamaleɛ, a da waa Naaŋmen begɛ wulwullo kaŋ noba zaa naŋ da eŋnɛ, da iri arɛɛ la kyɛ yeli ka ba e ka a apostoliimine yi yeŋe belaa

1 Tim 1:7

a boɔrɔ ka ba e a Naaŋmen bege wulwulibo kyɛ ba baŋ bon ba naŋ yele tɛgɛ bee a baŋ a bonna eŋɛ ba naŋ yele a yɛlɛ ama.