Luka 2:37 - Naaŋmen Nɔpaalaa Gane

³⁷ Lɛ la ka o da leɛ pɔgekoɔre te ta yuomo lezaanaare ne anaare. O da ba yire a Naaŋmen die poɔ, kyɛ da maŋ leŋ noɔre, a puoro Naaŋmen ŋmenaa ane tensogɔ.

Luka 2:37 ပူးပေါင်းရင်းမြစ်များ

Luka 5:33

Lɛ la ka a noba da yeli ko Yeezu, “A Gyɔɔn potuuribo ane a Faraziimine potuuribo maŋ leŋ la noɔre kyɛ puoro boyi boyi, kyɛ ka a fo potuuribo dire kyɛ nyuuro.”

Toma 13:3

Ba naŋ da wa leŋ a noɔre a puori baare, ba da pare la ba nuuri ba zu kyɛ toŋ ba ka ba gɛrɛ.

Toma 14:23

Ba naŋ da wa kaa-iri nembɛrɛ a puoruu laŋne yie zaa poore baare, ba pãã da leŋ la noɔre, a puori eŋ ba kyɛ de ba ko a Daana, a Onaŋ yɛlɛ ba naŋ da sage de.

Toma 26:7

A noɔre ŋa la ka a te bale pie ne bayi da kyellɛ ka ba nyɛ a eebo ba zie kyɛ da moɔ nimiri puoro tensogɔ ane ŋmenaa zaa. N Ba Naa, a teɛretɔroo ŋa zuiŋ la ka a Gyuumine ŋmaara yɛlɛ tuoro ma!

1 Tim 5:5

Pɔgekoɔre na naŋ sereŋ e pɔgekoɔre, a kpeɛrɛ o yoŋ tɛge, a ba taa neɛzaa naŋ kaara o zu, maŋ de la o teɛretɔroo eŋ Naaŋmen, a sɔrɔ O kyɛ puoro tegitegilɛ ŋmenaa ane tensogɔ.

Yel-iriwulaa Gane 3:12

Ka fõõ wa zɔɔtoɔ̃, N na e la ka fo waa ŋa dalugri a N Naaŋmen puoruudie poɔ; fo daŋ koŋ yi o poɔ togitogi zaa. N na sɛge eŋ la fo eŋɛ a N Naaŋmen yuori ane a N Naaŋmen teŋkpoŋ yuori, a Gyɛruzɛlɛm paalaa naŋ yi a N Naaŋmen zie a tenvelaa poɔ sigre waana ane a N meŋɛ yopaalaa.

Yel-iriwulaa Gane 7:15

A ŋaa zuiŋ la so ka ba are a Naaŋmen nakogi niŋesogɔ a puoro O ŋmenaa ane tensogɔ a puoruudie poɔ, ka a soba na naŋ zeŋ a nakogi zu na gu ba taa.