Luka 2:25 - Naaŋmen Nɔpaalaa Gane

²⁵ A saŋ na dɔɔ kaŋ da be la a Gyɛruzɛlɛm poɔ ka o yuori di Simeon. A dɔɔ ŋa da waa la nemmeŋɛ naŋ puoro Naaŋmen ne o poɔ zaa, a da kyɛllɛ a Izerayɛl faabo bebiri yɛlɛ kyɛ ka a Vooroŋ Soŋ da be o zie.

Luka 2:25 ပူးပေါင်းရင်းမြစ်များ

Marko Gane 15:43

Yuzɛb naŋ da waa a Aremateya teŋɛ neɛ da ba zo dabeɛ̃ kyɛ gaa a Pilato zie a te sɔre a Yeezu eŋɛ. A Yuzɛb da poɔ la a sɛrediribe poɔ, ka noba zaa eŋnɛ o. O da waa la neɛ naŋ da kyɛllɛ a Naaŋmen naaloŋ waabo.

Luka 1:41

A Elizabɛl naŋ da woŋ a Mareya puoro, a bie da kpɛ te logre la a o poɔŋ. A Elizabɛl da paale ne la a Vooroŋ Soŋ,

Luka 1:6

Ba zaa bayi da waa la nemmenne Naaŋmen niŋesogɔ, a da sagra a Daana nɔɛ ane O yɛlɛ zaa velaa.

Luka 1:67

Lɛ la ka a o saa Zakareya da paale ne a Vooroŋ Soŋ a yeli Ŋmen-yelmanna yelyelii ama:

Luka 2:38

A wagre na poɔ la ka o da wa, a piili puuro Naaŋmen a kyɛ manna a bie yɛlɛ korɔ banaŋ zaa naŋ da kyɛllɛ a Gyɛruzɛlɛm faabo.

Luka 23:51

eŋ da ba sage ne a ba poteɛrɛ ane a ba yel-erre kyaare ne a Yeezu koobo. A dɔɔ ŋa da yi la a Gyuumine teŋɛ kaŋ yuori naŋ di Aremateya, a da kyɛllɛ ka o nyɛ a Naaŋmen naaloŋ.

Toma 10:2

O ne o yideme zaa da waa la puoruu nimizeɛ deme a kyɛ da zoro Naaŋmen. O da maŋ soŋnɔ la nembaalba yaga zaa a kyɛ puoro Naaŋmen tegitegilɛ.

Toma 10:22

Ka ba da yeli sɔge, “Konelio, a sogyɛre kɔɔ neŋkpoŋ, la toŋ te. O waa la nemmeŋɛ, a zoro Naaŋmen kyɛ taa yosoŋ a Gyuumine zaa zie. Ona la ka maleke soŋ da wa yeli ka o toŋ boɔle fo ka fo wa o yiri, ka ka o woŋ bonna yeli fo naŋ taa na yeli.”

Toma 2:5

A saŋ ŋa poɔ, a Gyuumine puoruu nimizeɛ deme naŋ da yi a tendaa zaa da kpeɛrɛ la a Gyɛruzɛlɛm poɔ.

Toma 24:16

Azuiŋ, N erɛ la aneɛ ka N taa teɛroŋ soŋ Naaŋmen zie ane nensaalba zaa zie.

2 Pit 1:21

bonso, a Ŋmen-yelmanna yelyelii kanzaa ba yi nensaala zie, kyɛ a Vooroŋ Soŋ la ko ba faŋ ka ba yele a Naaŋmen yelbie.