Luka 18:7 - Naaŋmen Nɔpaalaa Gane

⁷ Yɛ teɛre ka Naaŋmen koŋ bo bo-soŋ ko a O neŋkaa-irri naŋ ŋmeɛrɛ kpɛlle korɔ O, ŋmenaa ane tensogɔ be? O na kɔɔre la yaga kyɛ wa soŋ ba be?

Luka 18:7 ပူးပေါင်းရင်းမြစ်များ

Matio Gane 24:22

Kyɛ ka ba naŋ da ba ŋmaa a bebie ama kyɛlɛɛ bare, nensaala zaa da koŋ nyɛ faabo. Kyɛ a neŋkaa-irri zuiŋ, ba na ŋmaa la a bebie mine bare.

Matio Gane 24:24

Kaŋwaa mɛzaaya mine ane kaŋwaa Ŋmen-yelmanneba na wa la, a wa erɛ yelwulii kyɛ tonɔ toŋkpeɛne, ka ba bɛlle noba ka ba tuli, ka ba naŋ na toɔ̃, ba na e la ka a neŋkaa-irri meŋ gba tuli.

Matio Gane 7:11

Ka yɛnee gba naŋ waa nenfaare baŋ ka yɛ de bonsoŋ ko yɛ bibiiri, wola ka yɛ Saa naŋ be tenvelaa poɔ koŋ ko banaŋ zaa naŋ maŋ sɔre bonveɛle O zie gaŋ lɛ!

Luka 11:13

Ka yɛnee gba naŋ waa nenfaare baŋ ka yɛ de bonveɛle ko yɛ bibiiri, bonso, ka a yɛ Saa naŋ be a tenvelaa poɔ koŋ ko banaŋ zaa naŋ sɔre a Vooroŋ Soŋ yi O zie.”

Luka 2:37

Lɛ la ka o da leɛ pɔgekoɔre te ta yuomo lezaanaare ne anaare. O da ba yire a Naaŋmen die poɔ, kyɛ da maŋ leŋ noɔre, a puoro Naaŋmen ŋmenaa ane tensogɔ.

Luka 21:28

Ka a yɛlɛ ama wa piili erɛ, yɛ iri are, a zɛge yɛ zuri, bonso, a yɛ faabo saŋ tara la.”

Urom 8:33

Aŋ la na de saanaa dɔgle a noba Naaŋmen naŋ kaa-iri? A Naaŋmen la maŋ e ka neɛ nyɛ sonnoŋ.

KOLO 3:12

Yɛ naŋ waa Naaŋmen neŋkaa-irri, nensonne ane O poyɛŋ noba zuiŋ, yɛ de nyonono, nimimaaroŋ, sigruumilluu, sumaaroŋ ane kannyiri su pɔge yɛmenne aŋa bonsuuri.

I Tesa 3:10

Te puoro la nimizeɛ zaa tensogɔ ane ŋmenaa ka ka te na toɔ̃ nyɛ taa nimisogre bebiri kaŋ ka te maale a yɛlɛ na zaa naŋ kyɛre a yɛ yeldeebo poɔ eŋ.

II Tesa 1:6

Bonso, a sereŋ tu la sori ka Naaŋmen de dɔgroŋ yɔɔ ne a banaŋ naŋ dɔgrɔ yɛ sane,

1 Tim 5:5

Pɔgekoɔre na naŋ sereŋ e pɔgekoɔre, a kpeɛrɛ o yoŋ tɛge, a ba taa neɛzaa naŋ kaara o zu, maŋ de la o teɛretɔroo eŋ Naaŋmen, a sɔrɔ O kyɛ puoro tegitegilɛ ŋmenaa ane tensogɔ.

2 Tim 1:3

N puoro la Naaŋmen bareka yaga zaa (Ona la ka N puoro ne teɛroŋ soŋ aŋa n sããkommine naŋ da e lɛ) ka maa wa leɛ-teɛre fo yɛlɛ tegitegilɛ a n puoruu poɔ ŋmenaa ane tensogɔ.

2 Tim 2:10

A lɛ zuiŋ, N di la kannyiri yelzaa poɔ a neŋkaa-irri zuiŋ ka ka ba meŋ na toɔ̃ nyɛ a faabo naŋ be a Kirista Yeezu eŋɛ ne puubu naŋ ba taa baaroo.

TITU 1:1

Maa Pɔɔl naŋ waa a Naaŋmen tontonɔ ane a Yeezu Kirista apostolii, a Naaŋmen neŋkaa-irri yeldeebo ane a yelmeŋɛ bammo naŋ kyaare ne a Naaŋmennoŋ zuiŋ,

1 Pit 1:1

Maa Piita naŋ waa a Yeezu Kirista apostolii la sɛgrɛ a lɛtɛ ŋa korɔ a Naaŋmen Neŋkaa-irri naŋ yaare be Pɔntuse paaloŋ, Galesiya paaloŋ, Kapadosiya paaloŋ, Ezeya paaloŋ ane Bitiniya paaloŋ a waa saama.

2 Pit 3:9

A Daana ba e maaroŋ ne a noɔre O naŋ eŋ, aŋa noba mine naŋ teɛre ka O ba pagra, kyɛ O dire la kannyiri ne yɛ, a ba boɔrɔ ka neɛzaa wɛ, kyɛ O boɔrɔ la ka neɛzaa leɛ o eebo.

Yel-iriwulaa Gane 18:20

Sazu ane yɛnee nensonne ane apostoliimine ane Ŋmen-yelmanneba, yɛ kyellɛ o zuiŋ! Bonso, Naaŋmen di la o sɛrɛɛ ne bon o naŋ e ko yɛ.

Yel-iriwulaa Gane 6:10

Ba da kyeerɛ ne la kɔkɔkpeɛne a yele, “Boma Zaa Daana, soŋ ane yelmeŋɛ soba, a na kɔɔre seŋ la wola kyɛ ka fo di a teŋɛzu noba sɛrɛɛ, a yɔɔ a banaŋ naŋ da kyiri te zẽẽ sane?”

Yel-iriwulaa Gane 7:15

A ŋaa zuiŋ la so ka ba are a Naaŋmen nakogi niŋesogɔ a puoro O ŋmenaa ane tensogɔ a puoruudie poɔ, ka a soba na naŋ zeŋ a nakogi zu na gu ba taa.