Luka 18:23 - Naaŋmen Nɔpaalaa Gane

²³ Kyɛ a dɔɔ naŋ da wa woŋ a ŋaa, o poɔ da sãã la yaga, bonso, o da e la bondaa-kpoŋ.

Luka 18:23 ပူးပေါင်းရင်းမြစ်များ

Matio Gane 19:22

A pɔlbile naŋ wa woŋ a yelbiri ŋa, o da leɛ gaa ne la posaanaa, bonso, o da taa la boma yaga.

Marko Gane 10:22

A dɔɔ naŋ da wa woŋ a ŋaa, o da sãã la o niŋe, a leɛ te gɛrɛ ne posaanaa, bonso, o da taa la boma yaga.

Luka 12:15

Ka O yeli ko ba, “Yɛ gu yɛmenne velaa a yi bombɔ yaga eŋɛ, bonso, nensaala nyɔvore ba kye o bontaa yaga poɔ.”

Luka 18:22

A Yeezu naŋ da woŋ a ŋaa, O da yeli ko la a dɔɔ, “Yelyeni kaŋ la kyɛre ka fo ba taa. Koɔre a boma na zaa fo naŋ taa, a de a libie poŋ nembaalba kyɛ fo na taa la naboma a tenvelaa poɔ, kyɛ pãã wa tuuro ma.”

Luka 18:24

Yeezu da leɛ kaa la a dɔɔ kyɛ yeli, “A na waa la tuo yaga ko bondaanema ka ba kpɛ a Naaŋmen naaloŋ!

Luka 19:8

A Zakiyo da iri are la a be a kyɛ yeli ko a Daana, “Daana, nyɛ N na de la n boma poŋ ziiri ayi, a de a ziyeni ko nembaalba, kyɛ ka maa da finni neɛzaa bon, N na yɔɔ la o soba gbɛre bonaare.”

Luka 21:34

“Yɛ gu yɛmenne velaa, a ta wa vɛŋ ka yɛ teɛroŋ zaa kyaare ne tige diibu ane dããnyukuoli, kyɛ bee a vɛŋ ka a teŋɛzu nyɔvore yɛlɛ dɔɔnɔ yɛ, ka a bebiri ta wa uri yɛ aŋa bɛraa.

Luka 8:14

A bombie na naŋ le a goore poɔ la banaŋ naŋ maŋ woŋ a yelbiri; kyɛ a ba yeldeebo poɔ, a teŋɛzu bombɔ yɛlɛ ane a bondaa-yɛlɛ maŋ fogle la a ba yeldeebo ko.

EFESU 5:5

Yɛ baŋ a yeli ŋa velaa, ka neɛ naŋ tonɔ peɛ̃mo toma, bee nendɛgre bee bombɔ-gaŋne soba (a tɛgɛ la neɛ naŋ be tebɛ yɛlɛ poɔ) ba taa gbandiruŋ a Kirista ane a Naaŋmen naaloŋ poɔ.

Filipai Deme Gane 3:8

A gaŋ a lɛ, N de la bonzaa ka a e zaglaa lɛ, bonso, a Kirista Yeezu N naŋ baŋ ka O waa n Daana seɛ la yaga zaa a gaŋ a anaŋ zaa N naŋ da taa. A Kirista zuiŋ N kɔŋ la bonzaa, a nyɛ ka a ba taa tɔnɔ ka ka N na toɔ̃ de a Kirista yɛlɛ,

KOLO 3:5

Azuiŋ, yɛ ko a teŋɛzu yɛlɛ zaa naŋ be yɛ enneŋ: peɛ̃mo toma, yeldɛgɛ, vɔlfaare, yelfaare boɔbo ane bombɔ-gaŋne (naŋ waa tebɛ maaloo).

1 Gyn 2:15

Yɛ ta nɔŋ a teŋɛzu, bee a boma naŋ be o poɔ. Banaŋ naŋ nɔŋ a teŋɛzu, a Saa nɔmmo ba kye ba zie,