Luka 16:9 - Naaŋmen Nɔpaalaa Gane

⁹ Kyɛ maa yeli ko yɛ, yɛ de yɛ libi-finni a nyɔge ne baaloŋ, ka a daare na a naŋ na wa yi yɛ nuuri poɔ, ka ba sage tuori de yɛ kpɛ ne nyɔvore naŋ ba taa baaroo yie poɔ.”

Luka 16:9 ပူးပေါင်းရင်းမြစ်များ

Matio Gane 19:21

Ka Yeezu yeli ko o, “Ka fõõ wa boɔrɔ ka fo maaleŋ e soŋ yaga, gaa te koɔre fo boma zaa a de a libie ko nembaalba, kyɛ wa tuuro ma, fo pãã na taa la bondaaboma tenvelaa poɔ.”

Matio Gane 6:19

“Yɛ ta boɔrɔ yɛ bondaaboma binne a teŋɛzu kyɛ, benee mɔgre ane zoɔ̃ naŋ na di a, bee nannyigri naŋ na kɔɔ a pane kyɛ kpɛ zu a;

Matio Gane 6:24

“Neɛzaa kontoɔ̃ tonɔ korɔ nembɛrɛ bayi. O na kyiiri la kaŋ, kyɛ nɔŋ kaŋ; bee o na sagra la kaŋ noɔre kyɛ zagra kaŋ deni. Yɛ kontoɔ̃ tonɔ korɔ Naaŋmen kyɛ naŋ kpimare libi-bɔ meŋ.

Luka 11:41

Azuiŋ yɛ de boma naŋ be a yɛ ŋmane ane a laa poore ko nembaalba, kyɛ nyɛ, bonzaa na eɛɛ velaa ko yɛ.”

Luka 12:33

Yɛ koɔre yɛ boma a de a libie ko nembaalba. Yɛ maale libi-woore na naŋ koŋ sãã ko yɛmenne, a boɔrɔ tenvelaa naboma naŋ ba baara, be ka nannyige zaa kontoɔ̃ wa zu a, ka danduli zaa kontoɔ̃ di a.

Luka 14:14

A lɛ, fo pãã na nyɛ la maaloo, bonso, ba naŋ kontoɔ̃ leɛ boɔle fo ka a yaa taa. Fo pãã na nyɛ la fo san-yɔɔ a saŋ na a nemmenne naŋ na leɛ-iri a kuuni poɔ.”

Luka 16:11

Ka fõõ pãã ba taa yelmennoŋ a libi-finni eŋɛ, aŋ na sage de a yelmennoŋ bondaaboma eŋ fo nuuriŋ?

Luka 16:13

Gbaŋgbaa zaa kontoɔ̃ tonɔ korɔ nembɛrɛ bayi. O na kyiiri la kaŋ kyɛ nɔŋ kaŋ, bee ka o kpimare kaŋ kyɛ gyegri kaŋ. Yɛ kontoɔ̃ tonɔ korɔ Naaŋmen kyɛ naŋ kpimare libi-bɔ meŋ.”

Luka 16:4

N baŋ la lɛ N naŋ na e, ka ba naŋ wa iri ma bare a toma poɔ, ka noba na maŋ sage de ma ba yie poɔ.’

Toma 10:31

kyɛ yeli, ‘Konelio, a fo puoruu ane a fo kyɔɔtaare ta la Naaŋmen zie a e bonna naŋ vɛŋ ka O taa fo teɛroŋ.

Toma 10:4

Ka o kaa o polipoli ane dabeɛ̃ kyɛ soore, “Daana, boŋ yeli la?” Ka a maleke da yeli sɔge, “A fo puoruu ane a fo kyɔɔtaare do ta la Naaŋmen, a e bon naŋ vɛŋ ka O taa fo teɛroŋ.

Korinti 4:17

A tuo belaa ŋa te naŋ nyɛrɛ pampana ŋa, nara te la ka te na nyɛ puubu naŋ ba taa baaroo ka ba kontoɔ̃ manne,

Gyud 1:21

yɛ be a Naaŋmen nɔmmo poɔ; yɛ kyɛllɛ a te Daana Yeezu Kirista nembaalonzoe ka O taa yɛ gaa ne a nyɔvo-babaaraa poɔ.