Luka 16:22 - Naaŋmen Nɔpaalaa Gane

²² A nembaala ŋa da kpie la ka malekere da wa de o gaa ne ka o te be Aboraham zie. A bondaana na meŋ da kpie la ka ba ũũ o.

Luka 16:22 ပူးပေါင်းရင်းမြစ်များ

Matio Gane 18:10

“Yɛ gu yɛ menne velaa a ta wa gyegre a bibiiri bama kanzaa. N yele korɔ yɛ la, a bibiiri malekere maŋ nyɛrɛ la a N Saa naŋ be tenvelaa poɔ niŋe tegitegilɛ.

Matio Gane 24:31

O na toŋ la O malekere ka ba wa peɛle eelɛ gboligboli, a boɔle a O neŋkaa-irri zaa lantaa a yi a tendaa lamboe anaare zaa, a yi a saluoni baaraa te ta a kaŋ.”

Matio Gane 8:11

Maa yele korɔ yɛ, noba yaga na yi la a sapare ane saniŋe wa; a wa kpɛ a tenvelaa naaloŋ, ka ba ne Aboraham, Aziki ane Gyekɔb laŋ zeŋ di,

Marko Gane 8:36

Boŋ tɔnɔ ka neɛ na nyɛ, ka o naŋ so a tendaa boma zaa, kyɛ kɔŋ o nyɔvore?

Luka 12:20

Kyɛ ka Naaŋmen yeli ko a dɔɔ, ‘Damboli ŋa! A tensogɔ ŋa zaa ka N na de a fo nyɔvore. Ka a boma fo naŋ nare biŋ, aŋ pãã na so a?’

Luka 16:21

A Lazario da maŋ wa boɔrɔ la a bondi-purimo naŋ maŋ ŋmaara lere a bondaana diibu zie ka ka o maa ne o kɔŋ. Haali, baare da maŋ wa lɛnnɛ la a o felɛ.

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 13:23

A Yeezu potuuro na O naŋ da nɔŋ yaga da zeŋ peɛle la a Yeezu.

Gyɔɔn 21:20

A Piita da leɛ kaa la puori a nyɛ a potuuro na Yeezu naŋ da nɔŋ ka o tuuro ba. A potuuro ŋa la da zeŋ kɔge a Yeezu a bondi parebaaraa daare kyɛ da soore O, “Daana, aŋ la na yi fo puori, a de fo tere?”

Hiburu 1:14

A malekere zaa ba waa seere a Naaŋmen toma poɔ, ka ba toŋ ba ka ba te toŋ ko a banaŋ naŋ na nyɛ faabo be?

Hiburu 2:14

A naŋ waa ka a bibiiri laŋ la nensaala waaloŋ, lɛ la ka a Yeezu meŋ da e nensaala ka ka a O kũũ poɔ, ka O na sãã a soba na naŋ taa a kũũ kpeɛ̃õ, ona la a sebɛlbɛllɛ,

Gyimisi 1:11

Bonso, a ŋmenaa maŋ puri la ka a o toloŋ e ka a weɛ poɔ boma zoɔle a ko; ka a puuri suori le kyɛ ka a veɛloŋ baare. A lɛ ne o zu ka a na waa ko neɛ naŋ taa a eebo. Ba na wɛ la, a toma ba naŋ moɔ nimiri tonɔ poɔ.

1 Pit 2:24

O meŋɛ la da tuo a te yelbebe a O eŋɛŋ a dagaraa zu, ka ka te na faa temenne yi yelbebe poɔ a kyɛnɛ mennoŋ poɔ. A O felɛ zuiŋ, yɛ nyɛ la baaloŋ sammo.

Yel-iriwulaa Gane 14:13

N da woŋ la kɔkɔre kaŋ ka o yele a saluoni poɔ, “Sɛge a yeli ŋa: A piili pampana kyɛ gɛrɛ, banaŋ naŋ kpiire a Daana eŋɛ nyɛ la maaloo.” A Vooroŋ Soŋ yelee la, “Õõ, ba na pɛnne la a ba toma eŋɛ, bonso, a ba tonsonne tuuro ba la.”