Luka 16:11 - Naaŋmen Nɔpaalaa Gane

¹¹ Ka fõõ pãã ba taa yelmennoŋ a libi-finni eŋɛ, aŋ na sage de a yelmennoŋ bondaaboma eŋ fo nuuriŋ?

Luka 16:11 ပူးပေါင်းရင်းမြစ်များ

Matio Gane 6:24

“Neɛzaa kontoɔ̃ tonɔ korɔ nembɛrɛ bayi. O na kyiiri la kaŋ, kyɛ nɔŋ kaŋ; bee o na sagra la kaŋ noɔre kyɛ zagra kaŋ deni. Yɛ kontoɔ̃ tonɔ korɔ Naaŋmen kyɛ naŋ kpimare libi-bɔ meŋ.

Luka 12:33

Yɛ koɔre yɛ boma a de a libie ko nembaalba. Yɛ maale libi-woore na naŋ koŋ sãã ko yɛmenne, a boɔrɔ tenvelaa naboma naŋ ba baara, be ka nannyige zaa kontoɔ̃ wa zu a, ka danduli zaa kontoɔ̃ di a.

Luka 16:12

Ka fõõ ba taa yelmennoŋ ne fo tɔsoba bon eŋɛ, aŋ na ko fo a fo meŋɛ bon?

Luka 16:9

Kyɛ maa yeli ko yɛ, yɛ de yɛ libi-finni a nyɔge ne baaloŋ, ka a daare na a naŋ na wa yi yɛ nuuri poɔ, ka ba sage tuori de yɛ kpɛ ne nyɔvore naŋ ba taa baaroo yie poɔ.”

Luka 18:22

A Yeezu naŋ da woŋ a ŋaa, O da yeli ko la a dɔɔ, “Yelyeni kaŋ la kyɛre ka fo ba taa. Koɔre a boma na zaa fo naŋ taa, a de a libie poŋ nembaalba kyɛ fo na taa la naboma a tenvelaa poɔ, kyɛ pãã wa tuuro ma.”

EFESU 3:8

Aneazaa ka N waa la a bile soba a nensonne zaa poɔ, ba ko ma la a garaaseɛ ŋa ka N taa a Kirista bondaanoŋ naŋ ba taa mannoo duoro wa ko a Nemboore-yobo,

Gyimisi 2:5

N yɔɔmine ane n yɔɔpuuli N naŋ nɔŋ, yɛ kyɛlle woŋ. Naaŋmen mɔɔ naane kaa-iri a nandaanema a teŋɛzu a e ka ba taa yeldeebo bondaanoŋ, kyɛ waa a naaloŋ na O naŋ da eŋ noɔre ka O na ko la banaŋ naŋ nɔnɔ O gbandiribe be?

Yel-iriwulaa Gane 3:18

Azuiŋ, N yele wullo fo la ka fo wa da salema ba naŋ nyoɔ ne vũũ yi N zie, a toɔ̃ e bondaana; wa da kparpeɛle su pɔge fo vi, ka ba ta nyɛrɛ a fo eŋkpoŋkpoli; kyɛ da tẽẽ a sɔ a fo nimie a na toɔ̃ nyɛrɛ.