Luka 13:34 - Naaŋmen Nɔpaalaa Gane

³⁴ Gyɛruzɛlɛm, Gyɛruzɛlɛm, a teŋkpoŋ na naŋ maŋ ko a Ŋmen-yelmanneba kyɛ za a noba na Naaŋmen naŋ toŋ o zie ne kubo! Gbɛre bowola ka N da boɔrɔ ka N laŋ a fo biiri taa, aŋa nɔnyaaŋaa naŋ maŋ laŋ o bilii taa a uuni lɛ, kyɛ ka fo da ba sagra!

Luka 13:34 ပူးပေါင်းရင်းမြစ်များ

Matio Gane 22:3

O da toŋ la o gbaŋgbaare ka ba te boɔle a banaŋ ba naŋ tomboɔle ka ba wa a pɔgebeɛle tigri. Kyɛ ka ba da zagre ka ba wa.

Matio Gane 22:6

kyɛ ka ba kyɛlɛɛ na nyɔge a naa gbaŋgbaare a dɔgre, kyɛ ko ba.

Luka 15:28

Lɛ la ka a bidɔɔ kpoŋ suuri da iri ka o zagre ka o kpɛ a die. A o saa da yi wa piili mɔglɔ o la.

Luka 19:44

Ba na ŋmore fo la lɔɔ teŋɛ a laŋ ne a fo biiri zaa naŋ be fo poɔ. Ba koŋ bare kuuri zaa ka o dɔgle o tɔ zu, bonso, fo da ba kyɛlle a saŋ na Naaŋmen naŋ wa ka O faa fo.”

Luka 23:28

Kyɛ Yeezu da leɛ kaa ba la a yele, “Gyɛruzɛlɛm pɔgeyaare, yɛ ta kono maa zuiŋ, kyɛ yɛ kono yɛmenne ane yɛ biiri yɛlɛ.

Toma 7:52

A Ŋmen-yelmanneba buo soba la ka a yɛ sããkommine da ba dɔgre? Ba da ko la a Ŋmen-yelmanneba na zaa naŋ da daŋ moɔle a Nemmeŋɛ Soba waabo yɛlɛ, kyɛ pampana ŋa, yɛnee la yi a O puori kyɛ waa O koorɔ.

Toma 7:59

Ba naŋ da zaara a Stefanuu ne a kubo, o da puoree la a yele, “Daana Yeezu de n vooroŋ.”

Toma 8:1

A Sɔɔl da sage ne la a banaŋ naŋ da ko a Stefanuu. A bebiri na ne o zu, dɔgroŋ kpoŋ da le la a puoruu laŋne deme zu a Gyɛruzɛlɛm poɔ, ka a noba zaa da zo yaare a Gyudiya ane a Samareya paaloŋ poɔ, kyɛ te kyɛre a apostoliimine yoŋ.

Yel-iriwulaa Gane 11:8

ka a ba enne gaŋ a teŋkpoŋ sokoɔraa zu, ka Ŋmen-yelmanna yelyelii poɔ ka ba boɔlɔ Sodom bee Igyipiti. A be meŋ la ka ba da kpa a ba Daana a dagaraa zu.