Luka 13:32 - Naaŋmen Nɔpaalaa Gane

³² Ka a Yeezu yeli ko ba, “Yɛ gaa te yeli ko a badɛre na ko ma, ‘N digre la sefaare bara kyɛ saŋ na baalba zenɛ ane bieu, kyɛ a beri ata daare N na baare la N toma.

Luka 13:32 ပူးပေါင်းရင်းမြစ်များ

Marko Gane 6:14

A Yeezu yuori da yaare la a zie zaa a te kpɛ Naa Hɛrɔde naŋ da e Galili teŋɛ naa tobo. A noba mine da yelee la, “Gyɔɔn Bati la leɛ yi a kuuni poɔ, lɛnso ka o taa a kpeɛ̃õ a tonɔ ne a toma ama.”

Gyɔɔn 10:32

Ka a Yeezu da soore ba, “N toŋ la tonsonne yaga naŋ yi a Saa zie wuli yɛ. A toma ŋa buo soba eŋɛ la ka yɛ na za ma ne a kubo?”

Gyɔɔn 19:30

A Yeezu naŋ da wa lɛnne a dããmiiruŋ, O da yelee la, “A baarɛɛ la.” O pãã da suli la O zu kyɛ ŋmaa vooroŋ.

Hiburu 2:10

A da tu la sori ka Naaŋmen naŋ so a boma zaa kyɛ ka a zaa tu O zie a wa bebe, ka O taa biiri yaga wa ne puubu poɔ. A da ferɛɛ la ka O e ka a soba na naŋ na de ba weɛ e ka ba faabo tori dɔgɛɛ poɔ.

Hiburu 5:9

Ba naŋ pãã da wa e ka O tori baare, O da leɛ la faabo naŋ ba taa baaroo yiibu zie a ko banaŋ zaa naŋ sagra O noɔre,

Hiburu 7:28

A Naaŋmen bege maŋ iri la noba naŋ na baŋ taa bambaaloŋ a e ka ba waa Naaŋmen bagmaalkare nembɛrɛ, kyɛ a noɔre polloo yelbiri naŋ da tu a bege puori wa, iri la Bidɔɔ ba naŋ e ka o waa soŋ tegitegilɛ.