Luka 13:16 - Naaŋmen Nɔpaalaa Gane

¹⁶ A ba seŋ ka a Aboraham pɔgeyaa ŋa Setaana naŋ leŋ yuomo pie ne anii ŋa zaa na nyɛ o faabo a pɛnnoo bebiri be?”

Luka 13:16 ပူးပေါင်းရင်းမြစ်များ

Matio Gane 4:10

Ka Yeezu yeli ko o, “Setaana! Tage yi be kyɛ kyɛre ma, bonso, ba sɛgɛɛ la: ‘Puoro a Daana fo Naaŋmen, kyɛ tonɔ korɔ O yoŋ.’ ”

Marko Gane 2:27

Lɛ la ka a Yeezu pãã da yeli ko ba, “Naaŋmen maale la a pɛnnoo bebiri nensaala zuiŋ, O ba maale nensaala a pɛnnoo bebiri zuiŋ;

Luka 16:24

Lɛ la ka o boɔle, ‘N saa Aboraham, zo N nembaaloŋ kyɛ e ka Lazario de o nubiri tuŋ koɔ̃ poɔ a wa tɔ ne n zele ka o yɛŋ buri belaa lɛ, bonso, N nyɛrɛ la woore yaga a vũũ zele ŋa poɔ.’

Luka 19:9

Lɛ la ka a Yeezu yeli ko o, “Zenɛ, faabo wa la a yiri ŋa poɔ, bonso, a dɔɔ ŋa meŋ waa la a Aboraham bie kaŋ.

Luka 3:8

Yɛ wɔŋ wɔnveɛle naŋ na wuli ka yɛ sereŋ leɛ la yɛ eebo. Yɛ ta piili yele korɔ yɛmenne, ‘Aboraham la te sããkoma’; maa yele korɔ yɛ, Naaŋmen na toɔ̃ e la ka kubo ama leɛ biiri a ko Aboraham.

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Toma 13:26

“N yɔɔmine, yɛnee a Aboraham boorɔ ane yɛ banaŋ naŋ zoro Naaŋmen, tenee la ka ba tere a faabo yelbiri ŋa.

2 Tim 2:26

a toɔ̃ faa bamenne yi a sebɛlbɛllɛ bɛraa poɔ. Ona la da nyɔge ba eŋ gbaŋgbaaloŋ poɔ ka ba erɛ o poboɔbo yɛlɛ.