Luka 13:13 - Naaŋmen Nɔpaalaa Gane

¹³ A Yeezu naŋ da wa de O nuuri pare a pɔge zu la ka a o eŋɛ deɛ dɔle ka o iri are tori o zaa, a piili ire Naaŋmen yuori.

Luka 13:13 ပူးပေါင်းရင်းမြစ်များ

Matio Gane 9:8

A nembeɛoŋ naŋ da wa nyɛ a lɛ, dabeɛ̃ da kpɛ ba la yaga zaa, ka ba puuro Naaŋmen yuori, ane O naŋ de kpeɛ̃õ ŋa tɔ ko nensaalba.

Marko Gane 16:18

ba na maŋ nyɔge la weere ane ba nuuri, ka ba naŋ nyu logi kyɛ yelfaa zaa koŋ pɔge ba. Ba na maŋ de la ba nuuri pare baalba zu ka ba nyɛ sammo.”

Marko Gane 5:23

kyɛ sɔre O yããyãã a yele, “N pɔg-yalee ŋmaara la vooroŋ. Wa de fo nuuri pare o ka o nyɛ sammo, a ta kpi.”

Marko Gane 6:5

O da ba toɔ̃ toŋ toŋkpeɛŋaa zaa a be, ka a naŋ ba e O naŋ da de O nuuri pare baalba bawola mine eŋɛ ka ba da nyɛ ba sammo yoŋ naane.

Marko Gane 8:25

Lɛ la ka a Yeezu laboreŋ de O nuuri seene a dɔɔ nimie ka a dɔɔ kaa kpeɛŋaa zaa ka a o zɔnnoŋ deɛ baare, kyɛ ka o nyɛrɛ weliweli.

Luka 13:12

A Yeezu naŋ da wa nyɛ o, O da boɔle o la ka o wa O zie, ka O yeli ko o, “Pɔge, a fo baaloŋ baarɛɛ la.”

Luka 18:43

A tɔntɔbaalɛ ka o deɛ nyɛrɛ a tuuro a Yeezu, a ire Naaŋmen yuori, ka a noba na zaa naŋ da nyɛ a lɛ, da danna Naaŋmen.

Luka 4:40

A ŋmenaa naŋ da wa te kpeɛrɛ, banaŋ zaa naŋ da taa noba ka ba beɛrɛ baaloŋ boorɔ zaa, da taa ba la wa ne O zie, ka O de O nu pare ba yeni yeni zaa zu, a saŋ ba.

Toma 9:17

Lɛ la ka a Ananeɛ da gaa te kpɛ a yiri poɔ a de o nuuri pare a Sɔɔl zu kyɛ yeli, “N yɔɔ Sɔɔl, a Daana Yeezu, a soba na naŋ da de O meŋɛ wuli fo, fo naŋ da waana a kyɛ; ona la toŋ ma fo zie ka ka fo na la leɛ nyɛrɛ kyɛ paale ne a Vooroŋ Soŋ.”